Эльбрусоид :: Форум

Тилчи тилден къаныкъмаз.
Асхат ашлыкъ сата, юйдегиси ачдан къата.
Аман къатын сабий табса, бий болур…
Чарсда алчыны эл кёреди.
Сютден ауузу кюйген, суугъа юфгюре эди.
Рысхы – сют юсюнде кёмюк кибикди.
Бозаны арты дауур болур.
Аз сёлеш, кёб ишле.
Гугурук къычырмаса да, тангны атары къалмаз.
Къарнынг тойгъунчу аша да, белинг талгъынчы ишле.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ушамагъан – джукъмаз.
Къарнынг бла ёч алма.
Кирсизни – саны таза, халалны – къаны таза.
Биреуню тёрюнден, кесинги эшик артынг игиди.
Харам къарнашдан, халал тенг ашхы.
Эшекге миннген – биринчи айыб, андан джыгъылгъан – экинчи айыб.
Аз сёлешген, къайгъысыз турур.
Орундукъ тюбюнде атылсам да, орта джиликме, де да айлан.
Аманнга алтын чыдамаз.
Тили узунну, намысы – къысха.
Къазанда болса, чолпугъа чыгъар.
Бетинги сатма, малынгы сат.
Айырылмаз джууугъунга, унутмаз сёзню айтма.
Кёб джашагъан – кёб билир.
Танг атмайма десе да, кюн къоярыкъ тюйюлдю.
Башда акъыл болмаса, эки аякъгъа кюч джетер.
Тюзлюк тас болмайды.
Кёзден кетген, кёлден да кетеди.
Соргъан айыб тюлдю, билмеген айыбды.
Тёрдеги кюлсе, эшикдеги ышарыр.
Игиге айтсанг – билир, аманнга айтсанг – кюлюр.
Хансыз джомакъ болмаз.
Уллу суу бла уллу ауруудан башынгы сакъла.
Баргъанынга кёре болур келгенинг.
Джашны джигитлиги сорулур, къызны джигерлиги сорулур.
Ашда – бёрю, ишде – ёлю.
Джаханимни кёрмей, джандетге кёл салмазса.
Эм уллу байлыкъ – джан саулукъ.
Къар – келтирди, суу – элтди.
Джолда аягъынга сакъ бол, ушакъда тилинге сакъ бол.
Билим насыб берир, билим джолну керир.
Хоншуну тауугъу къаз кёрюнюр, келини къыз кёрюнюр.
Чакъырылмай келген къонакъ сыйланмай кетер.
Байны оноуу, джарлыгъа джарамаз.
Акъылсызны джууукъгъа алма, акъыллыны кенгнге салма.
Биреуню къыйынлыгъы бла кесинге джол ишлеме.
Ёгюзню мюйюзлери ауурлукъ этмейдиле.
Элге къуллукъ этмеген, элге ие болмаз.
Оюмсуз атлагъан, аджалсыз ёлюр.

Логин:
Пароль:
	Запомнить меня на этом компьютере

Забыли свой пароль?
Регистрация