Эльбрусоид :: Форум

Таугъа чыгъаллыкъ эсенг, тюзде къалма.
Ёлген аслан – сау чычхан.
Сёз къанатсыз учар.
Кёкдеги болмаса, джердегин кёрмейди.
Тулпарлыкъ, билекден тюл – джюрекден.
Намыс болмагъан джерде, насыб болмаз.
Нарт сёз къарт болмаз.
Ашхы сёз таш тешер.
Нёгерсизни джолу узун.
Аш берме да, къаш бер.
Уллу суу бла уллу ауруудан башынгы сакъла.
Тели турса – той бузар.
Тил – миллетни джаны.
Кесине гебен этелмеген, биреуге черен эте эди.
Джиби бир къат джетмей эди да, эки къат тарта эди.
Окъуу – билимни ачхычы, окъуу – дунияны бачхычы.
Юйлю уругъа ит чабмаз.
Кёб джашагъан – кёб билир.
Душманны тышы – акъ, ичи – къара.
Таукелге нюр джауар.
Акъыл бла адеб эгизледиле.
Ичимден чыкъды хата, къайры барайым сата?
От этилмеген джерден тютюн чыкъмайды.
Билеги кючлю, бирни джыгъар, билими кючлю, мингни джыгъар.
Сабыр джетер муратха, сабырсыз къалыр уятха.
Адамны джюреги нени кёрюрге сюйсе, кёзю да аны кёрюрге ёч болады.
Бастасын ашагъан, хантусун да ичер.
Юй кюйдю да, кюйюз чыкъды, ортасындан тюйюш чыкъды.
Сабийликде юретмесенг, уллу болса – тюзелмез.
Айырылгъанланы айю ашар, бёлюннгенлени бёрю ашар.
Кёбден умут этиб, аздан къуру къалма.
Иги – алгъыш этер, аман – къаргъыш этер.
Акъыллы эркиши атын махтар, акъылсыз эркиши къатынын махтар.
Тойгъандан сора, ашны сёкме.
Иши джокъну, сыйы джокъ.
Нёгер болсанг, тенг бол, тенг болмасанг, кенг бол.
Ата Джуртча джер болмаз, туугъан элча эл болмаз.
Алма терегинден кери кетмез.
Ёзденликни кёбю ётюрюк.
Бюгюн дуния кибик, тамбла ахыратды.
Аман эсирсе, юйюн ояр.
Ойнай-ойнай кёз чыгъар.
Тик ёргени, тик энгишгеси да болады.
Аууз сакълагъан – джан сакълар.
Ач къарынны, токъ билмез
Байлыкъ тауусулур, билим тауусулмаз.
Тилчи бир сагъатха айлыкъ хата этер.
Тили узунну, намысы – къысха.
Бет бетге къараса, бет да джерге къарар.
Иги адам абынса да, джангылмаз.

Логин:
Пароль:
	Запомнить меня на этом компьютере

Забыли свой пароль?
Регистрация