- Айыбны суу бла джууалмазса.
- Кийимни бир кюнню аясанг, минг кюннге джарар.
- Ашхы сёз таш тешер.
- Нёгерсизни джолу узун.
- Кёрмегеннге кебек – танг, битмегеннге сакъал – танг.
- Кесинг сынамагъан затны, адамгъа буюрма.
- Сибиртки да сыйлы болду, кюрек да кюнлю болду.
- Чомарт бергенин айтмаз.
- Къарнынг къанлынга кийирир.
- Эшекни не къадар тюйсенг да, ат болмаз.
- Сыфатында болмагъаны, суратында болмаз.
- Бермеген къол, алмайды.
- Чёбню кёлтюрсенг, тюбюнден сёз чыгъар.
- Огъурлуну сёзю – суу, огъурсузну сёзю – уу.
- Джюз элде джюз ёгюзюм болгъандан эсе, джюз джууугъум болсун.
- Хаухну атма, ёнгкючню сатма.
- Суу да къайтады чыкъгъан джерине.
- Ётюрюкчюню шагъаты – къатында.
- Къартны бурнун сюрт да, оноугъа тут.
- Къыйынлы джети элни къайгъысын этер.
- Ётюрюк хапар аякъ тюбю бла джюрюйдю.
- Келинни – келгинчи, бёркню кийгинчи кёр.
- Аууз сакълагъан – джан сакълар.
- Чарсда алчыны эл кёреди.
- Къозулугъунда тоймагъан, къойлугъунда тоймаз.
- Къыз келсе, джумуш эте келеди, къатын келсе, ушакъ эте келеди.
- Уллу суу бла уллу ауруудан башынгы сакъла.
- Ёлюр джаннга, ёкюл джокъ.
- Садакъачыны джаны – къапчыгъында.
- Терслик кетер, тюзлюк джетер.
- Гырджын – тепсини тамадасы.
- Тюзню ётмеги тюзде къалса да, тас болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Хунаны тюбюн къазсанг, юсюнге ауар.
- Ата – баланы уясы.
- Акъыл бла адеб эгизледиле.
- Мухардан ач ычхынмаз.
- Тил – кесген бычакъ, сёз – атылгъан окъ.
- Тили узунну, намысы – къысха.
- Тёзгеннге, джабылгъан эшик ачылыр.
- Керек ташны ауурлугъу джокъ.
- Бети – къучакълар, джюреги – бычакълар.
- Юйлю уругъа ит чабмаз.
- Сууда джау джокъ, кёб сёзде магъана джокъ.
- Ач – эснер, ат – кишнер.
- Таукел адам тау тешер.
- Чомартны къолун джокълукъ байлар.
- Телиге акъыл салгъандан эсе, ёлгеннге джан салырса.
- Юйюнг бла джау болгъандан эсе, элинг бла джау бол.
- Дуния мал дунияда къалады.
Профиль
|
|
|
|||