- Бал чибинни ургъаны – ачы, балы – татлы.
- Билеги кючлю, бирни джыгъар, билими кючлю, мингни джыгъар.
- Кёзден кетген, кёлден да кетеди.
- Къозулугъунда тоймагъан, къойлугъунда тоймаз.
- Киштикге къанат битсе, чыпчыкъ къалмаз эди.
- Башы ишлегенни, ауузу да ишлер.
- Бюгюн дуния кибик, тамбла ахыратды.
- Чёбню кёлтюрсенг, тюбюнден сёз чыгъар.
- От кюйдюрген, сау болса да, тот кюйдюрген, сау болмаз.
- Джылыгъа джылан илешир.
- Башы джабылгъан челекге, кир тюшмез.
- Кёбден умут этиб, аздан къуру къалма.
- Байлыкъдан саулукъ ашхыды.
- Бети къызарыучу адамны, джюреги харам болмаз.
- Биреуге кёлтюрген таягъынг, кесинги башынга урур.
- Душманны тышы – акъ, ичи – къара.
- Аллахха ийнаннган кишини, Аллах онгдурур ишин.
- Ёпкелегенни ашы татлы болады.
- Намысы джокъну – дуниясы джокъ.
- Джашлыкъ этмеген, башлыкъ этмез.
- Джарашыу сюйген – джалынчакъ.
- Биреуге аманлыкъ этиб, кесинге игилик табмазса.
- Арпа, будай – ащды, алтын, кюмюш а – ташды.
- Ким бла джюрюсенг, аны кёзю бла кёрюнюрсе.
- Нарт сёз – тилни бети.
- Адеб этмеген, адеб кёрмез.
- Къонакъ кёб келюучю юйню, къазаны отдан тюшмез.
- Къолу уллу – асыу, аягъы уллу – джарсыу.
- Ачлыкъ отха секиртир.
- Тенгинг джокъ эсе – изле, бар эсе – сакъла!
- Ач къалгъандан, кеч къалгъан къолай.
- Мени джылытмагъан кюн, меннге тиймесин!
- Тойгъандан сора, ашны сёкме.
- Намысы болмагъанны, сыйы болмаз.
- Чабакъ башындан чирийди.
- Айраннга суу къош, телиге джол бош.
- Суу кетер, таш къалыр.
- Ач да бол, токъ да бол – намысынга бек бол.
- Ач, тоймам, дейди, тойгъан, ач болмам, дейди.
- Баш болса, бёрк табылыр.
- Байдан умут эте, джарлыдан ёгюз багъасы къорады.
- Артына баргъанны, къатына барма.
- Ишлегенден, къарагъан уста.
- Байлыкъ келсе, акъыл кетер.
- Баргъанынга кёре болур келгенинг.
- Тюзлюк шохлукъну бегитир.
- Аш кетер да бет къалыр.
- Тилчи тилден къаныкъмаз.
- Таула не мийик болсала да, аууш табылыр.
- Акъыллы айтыр эди, акъылсыз къоймайды.
Профиль
|
|
|
|||