- Миллетни бойну – базыкъ, аны бла кюрешген – джазыкъ.
- Джумушакъ терекни къурт ашар.
- Чёбню кёлтюрсенг, тюбюнден сёз чыгъар.
- Кёбден умут этиб, аздан къуру къалма.
- Билмейме деген – бир сёз
- Онгсузну – джакъла, тенгликни – сакъла.
- Бозанг болмагъан джерге, къалагъынгы сукъма.
- Къоркъакъны кёзю экили кёрюр.
- Дуния малгъа сатылма, кесингден телиге къатылма.
- Биреуню къыйынлыгъы бла кесинге джол ишлеме.
- Урунуу – насыбны анасы.
- Сабий болмагъан джерде, мёлек болмаз.
- Айтхан сёзюне табылгъан.
- Кёб ант этген, кёб ётюрюк айтыр.
- Кёл ашады да, кеси ашады.
- Гыдай эчки суугъа къараб, мюйюзле кёрмесе, джашма алкъын, дегенди.
- Айтхан – тынч, этген – къыйын.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тили узунну, намысы – къысха.
- Джукъу тёшек сайламайды.
- Намыс болмагъан джерде, насыб болмаз.
- Джарлыны тону джаз битер.
- Къыз тиширыу кеси юйюнде да къонакъды.
- Мени джылытмагъан кюн, меннге тиймесин!
- Айтханы чапыракъдан ётмеген.
- Аш хазыр болса, иш харам болур.
- Хар ишни да аллы къыйынды.
- Джылар джаш, атасыны сакъалы бла ойнар.
- Аджашхан тёгерек айланыр.
- Къарнынг тойгъунчу аша да, белинг талгъынчы ишле.
- Таукел къуру къалмаз.
- Тура эдим джата, къайдан чыкъды хата?
- Биреуге кёлтюрген таягъынг, кесинги башынга урур.
- Намысы джокъну – дуниясы джокъ.
- Аман адам элни бир-бирине джау этер.
- Кечеси – аяз, кюню – къыш, джарлы къаргъагъа бир аш тюш!
- Келлик заман – къартлыкъ келтирир, кетген заман – джашлыкъ ёлтюрюр.
- Мал кёб болса, джууукъ кёб болур.
- Бозаны арты дауур болур.
- Агъач – джерни чырайы, кийим – эрни чырайы.
- Арпа, будай – ащды, алтын, кюмюш а – ташды.
- Бети бедерден, намыс сакълама.
- Бюгюн дуния кибик, тамбла ахыратды.
- Игиге айтсанг – билир, аманнга айтсанг – кюлюр.
- Чакъырылгъанны аты, чакъырылмагъанны багъасы болур.
- Бёрю да ач къалмасын, эчки да ашалмасын.
- «Ма», - дегенни билмесенг, «бер», - дегенни билмезсе.
- Къонакъ кёб келюучю юйню, къазаны отдан тюшмез.
- Ким бла джюрюсенг, аны кёзю бла кёрюнюрсе.
- Артына баргъанны, къатына барма.
Профиль
|
|
|
|||