- Сабийни джумушха джибер да, ызындан бар.
- Туз, гырджын аша, тюзлюк бла джаша.
- Бозаны арты дауур болур.
- Кёб ант этген, кёб ётюрюк айтыр.
- Ач къалгъандан, кеч къалгъан къолай.
- Ашарыкъда сайлагъаннга – чий гырджын.
- Кеси юйюмде мен да ханма.
- Кёл – къызбай, къол – батыр.
- Аман эсирсе, юйюн ояр.
- Тёрдеги кюлсе, эшикдеги ышарыр.
- Сакъ юйюне сау барыр.
- Къозулугъунда тоймагъан, къойлугъунда тоймаз.
- Ата – билек, ана – джюрек!
- Нафысынгы айтханын этме, намысынгы айтханын эт.
- Таукел адам тау тешер.
- Эки къатын алгъанны къулагъы тынгнгаймаз.
- Таукел къуру къалмаз.
- Дуния аламаты сен эсенг да, игиме деб айтма.
- Сыфатында болмагъаны, суратында болмаз.
- Ачны эсинде – аш.
- Адеб базарда сатылмаз.
- Урунуу – насыбны анасы.
- От этилмеген джерден тютюн чыкъмайды.
- Ашхы атаны – джашы ашхы, ашхы ананы – къызы ашхы.
- Ариу – кёзге, акъыл – джюрекге.
- Тели турса – той бузар.
- Иги – алгъыш этер, аман – къаргъыш этер.
- Бичгенде ашыкъма, тикгенде ашыкъ.
- Кюн – узун, ёмюр – къысха.
- Эм уллу байлыкъ – джан саулукъ.
- Тенги кёбню джау алмаз, акъылы кёбню дау алмаз.
- Джылкъыдан – ат чыгъар, тукъумдан – джаш чыгъар.
- Ишге юренсин къоллары, халкъ бла болсун джоллары.
- Юй ишлеген балта эшикде къалыр.
- Билимсиз иш бармаз.
- Ауурну тюбю бла, дженгилни башы бла джюрюген.
- Тойгъан джерге джети къайт.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёпкелегенни ашы татлы болады.
- Къайгъыны сюйген, къайгъы табар.
- Ашаса, ашамаса да, бёрюню ауузу – къан.
- Магъанасыз сёз – тауушсуз сыбызгъы.
- Адам сёзге тынгыла, акъыл сёзню ангыла.
- Рысхы джалгъанды: келген да этер, кетген да этер.
- Къартха ушагъан джаш – акъыллы, джашха ушагъан къарт – тели.
- Ойнаб айтсанг да, эслеб айт.
- Джеринден айырылгъан – джети джылар, джуртундан айырылгъан – ёлгюнчю джылар.
- Адамгъа аман кюн соруб келмейди.
- Бет бетге къараса, бет да джерге къарар.
- Ана кёлю – балада, бала кёлю – талада.
Профиль
|
|
|
|||