- Бал чибинни ургъаны – ачы, балы – татлы.
- Ач къалгъандан, кеч къалгъан къолай.
- Байлыкъ адамны сокъур этер.
- Аллахха ийнаннган кишини, Аллах онгдурур ишин.
- Акъыл къартда, джашда тюйюлдю – башдады.
- Чакъырылмагъан къонакъ – орунсуз.
- Таякъ этден ётер, тил сюекден ётер.
- Чёбню кёлтюрсенг, тюбюнден сёз чыгъар.
- Aдам боллукъ, сыфатындан белгили.
- Ёксюзню тилеги къабыл болур.
- Тюкюрюк баш джармаз, налат кёз чыгъармаз!
- Билим ат болуб да чабар, къуш болуб да учар.
- Эртде тургъан джылкъычыны эркек аты тай табар.
- Иги адамны бир сёзю эки болмаз.
- Джырына кёре эжиую.
- Киштикге къанат битсе, чыпчыкъ къалмаз эди.
- Адамны аты башхача, акъылы да башхады.
- Адеб базарда сатылмаз.
- Тау башында, тау болмаз, джангыз терек, бау болмаз.
- Тёрде – темир таякълы, къаяда – чыпчыкъ аякълы.
- Адам сёзюнден белгили.
- Ауузу аманнга «иги», деме.
- Баланы адам этген анады.
- Ёлген эшек бёрюден къоркъмайды.
- Чыбыкълыкъда бюгюлмеген, къазыкълыкъда бюгюлмей эди.
- Ауузу бла къуш тута айланады.
- Сёлеш деб шай берген, тохта деб, сом берген.
- Ариуну – ауруу кёб.
- Айтхан – тынч, этген – къыйын.
- Биреу къой излей, биреу той излей.
- Айраннга суу къош, телиге джол бош.
- Агъач – джерни чырайы, кийим – эрни чырайы.
- Къызгъанчдан ычхыныр, мухардан ычхынмаз.
- Тюзлюк тас болмайды.
- Джашда акъыл джокъ, къартда къарыу джокъ.
- Ана къойну – балагъа джандет.
- Джерни букъусу кёкге къонмаз.
- Сабийни джумушха джибер да, ызындан бар.
- Кёкдеги болмаса, джердегин кёрмейди.
- Эллинг бла джау болсанг да, юйюнг бла джау болма.
- Дууулдаса – бал чибин, къонса – къара чибин.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аман адам элни бир-бирине джау этер.
- Ашхы – джыяр, аман – джояр.
- Эки къатын алгъанны къулагъы тынгнгаймаз.
- Ауругъаннга – кийик саулукъ, джетген къызгъа – чилле джаулукъ.
- Кёзден кетген, кёлден да кетеди.
- Эм уллу байлыкъ – джан саулукъ.
- Сёз сёзню айтдырыр.
- Кёб джашагъан – кёб билир.
Профиль
|
|
|
|||