- Биреу къой излей, биреу той излей.
- Байдан умут эте, джарлыдан ёгюз багъасы къорады.
- Керек ташны ауурлугъу джокъ.
- Тёрени джагъы джокъ.
- Эм ашхы къайын ана мамукъ бла башынгы тешер.
- Окъуу – билимни ачхычы, окъуу – дунияны бачхычы.
- Тау башында, тау болмаз, джангыз терек, бау болмаз.
- Юйлю уругъа ит чабмаз.
- Айтханы чапыракъдан ётмеген.
- Зар адамны насыбы болмаз.
- Акъыл къартда, джашда тюйюлдю – башдады.
- Этим кетсе да, сюегим къалыр.
- Мен да «сен», дейме, сен да «кесим», дейсе.
- Азыгъы аз, алгъа къабар, аты аман, алгъа чабар.
- Къайгъы тюбю – тенгиз.
- Бал чибинни ургъаны – ачы, балы – татлы.
- Аманнга игилик этсенг, юйюнге сау бармазса.
- Тойчу джашха къарама, къойчу джашха къара.
- Акъылсызны джууукъгъа алма, акъыллыны кенгнге салма.
- Суу кетер, таш къалыр.
- Къаллай салам берсенг, аллай джууаб алырса.
- Ёгюзню мюйюзюнден тутадыла, адамны сёзюнден тутадыла.
- Ёлген ийнек сютлю болур.
- Къыз келсе, джумуш эте келеди, къатын келсе, ушакъ эте келеди.
- Аш хазыр болса, иш харам болур.
- Кимни – тили, тиши онглу, кимни – къолу, иши онглу.
- Ишленмеген джаш – джюгенсиз ат, ишленмеген къыз – тузсуз хант.
- Агъач – джерни чырайы, кийим – эрни чырайы.
- Эртде тургъан бла эртде юйленнген сокъуранмаз.
- Аман адам элни бир-бирине джау этер.
- Адамны сыфатына къарама, сёзюне къара.
- Биреуге кёлтюрген таягъынг, кесинги башынга урур.
- Чакъырылгъанны аты, чакъырылмагъанны багъасы болур.
- Игиге айтсанг – билир, аманнга айтсанг – кюлюр.
- Ата – билек, ана – джюрек!
- Чыкълы кюнде чыкъмагъан, чыкъса къуру кирмеген.
- Элде адам къалмаса, ит тахтагъа минер.
- Уллу айтханны этмеген – уллаймаз.
- Чабар ат – джетген къыз.
- Къонагъынгы артмагъын алма да, алгъышын ал.
- Юй кюйдю да, кюйюз чыкъды, ортасындан тюйюш чыкъды.
- Ашын ашагъанынгы, башын да сыйла.
- Джогъун бар этген, барын бал этген.
- Ётюрюкден тюбю джокъ, кёлтюрюрге джиби джокъ.
- Ушамагъан – джукъмаз.
- Аджаллыгъа окъсуз шкок атылыр.
- Аякъларынгы джууургъанынга кёре узат.
- Къобан да къуру да къобханлай турмайды, адам да къуру да патчахлай турмайды.
- Эл ауузу – элек, анга ийнаннган – халек.
- Аз сёлешген, къайгъысыз турур.
Профиль
|
|
|
|||