- Ана къойну – балагъа джандет.
- Тиширыусуз юй – отсуз от джагъа.
- Тенги кёбню джау алмаз, акъылы кёбню дау алмаз.
- Баргъанынга кёре болур келгенинг.
- Намысы джокъну – дуниясы джокъ.
- Къоркъакъны кёзю экили кёрюр.
- Зарда марда джокъ.
- Керти сёзге тёре джокъ.
- Бети – къучакълар, джюреги – бычакълар.
- Ариу сёзде ауруу джокъ.
- Тёгюлген тюгел джыйылмайды.
- Аурууну келиую тынч, кетиую – къыйын.
- Насыблы элин сюер, насыбсыз кесин сюер.
- Джарлыны эшигин махтагъан джабар.
- Эр абынмай, эл танымаз.
- Суу ичген шауданынга тюкюрме.
- Тили узунну, намысы – къысха.
- Таукелге нюр джауар.
- Биреуге аманлыкъны тилеме да, кесинге ашхылыкъны тиле.
- Хар зат кесини орнуна иги.
- Къая джолда джортма, ачыкъ сёзден къоркъма.
- Эшекни не къадар тюйсенг да, ат болмаз.
- Ачны эсинде – аш.
- Тай асырагъан, атха минер.
- Нарт сёз – тилни бети.
- Ёксюзню тилеги къабыл болур.
- Кёб джат да, бек чаб.
- Гугук кесини атын айтыб къычыргъанча, мен, мен деб нек тураса?
- Уллу къашыкъ эрин джыртар.
- Биреу ашаб къутулур, биреу джалаб тутулур.
- Байны къызы баймакъ болса да, юйде къалмаз!
- Хар ишни да аллы къыйынды.
- Сакъламагъан затынга джолукъсанг, не бек къууанаса, не бек ачыйса.
- Билим – акъылны чырагъы.
- Чёбню кёлтюрсенг, тюбюнден сёз чыгъар.
- Рысхы – сют юсюнде кёмюк кибикди.
- Мал ёлсе, сюек къалыр, адам ёлсе, иши къалыр.
- Ауузу бла къуш тута айланады.
- Илму – джашауну джолу.
- Къошда джокъгъа – юлюш джокъ.
- Кёбден умут этиб, аздан къуру къалма.
- Бастасын ашагъан, хантусун да ичер.
- Бичгенде ашыкъма, тикгенде ашыкъ.
- Къатын байлыкъны сюер, эр саулукъну сюер.
- Ишленмеген джаш – джюгенсиз ат, ишленмеген къыз – тузсуз хант.
- Джюз элде джюз ёгюзюм болгъандан эсе, джюз джууугъум болсун.
- Ишлемеген – тишлемез.
- Алтыда кюлмеген, алтмышда кюлмез.
- Сабийни джумушха джибер да, ызындан бар.
- Ариуну – ауруу кёб.
Профиль
|
|
|
|||