- Артына баргъанны, къатына барма.
- Таукел адам тау тешер.
- Къарыусузгъа кюлме, онгсузгъа тийме.
- Адамны сабийин сюйген джюреги, бычакъча, джитиди.
- Кечеси – аяз, кюню – къыш, джарлы къаргъагъа бир аш тюш!
- Бал чибинни ургъаны – ачы, балы – татлы.
- Адамны артындан къара сабан сюрме.
- Нёгерсизни джолу узун.
- Эллинг бла джау болсанг да, юйюнг бла джау болма.
- Гыдай эчки суугъа къараб, мюйюзле кёрмесе, джашма алкъын, дегенди.
- Къайгъыны сюйген, къайгъы табар.
- Борчунг бар эсе, хурджунунга ойлаб узал.
- Игиге айтсанг – билир, аманнга айтсанг – кюлюр.
- Къонакъ хазыр болгъанлыкъгъа, къонакъбай хазыр тюлдю.
- Гугук кесини атын айтыб къычыргъанча, мен, мен деб нек тураса?
- Баш болса, бёрк табылыр.
- Ач къарным, тынч къулагъым.
- Джиби бир къат джетмей эди да, эки къат тарта эди.
- Насыблы элин сюер, насыбсыз кесин сюер.
- Къыйынлы джети элге оноу этер.
- Кёб къычыргъандан – къоркъма, тынч олтургъандан – къоркъ.
- Окъуу – билимни ачхычы, окъуу – дунияны бачхычы.
- Къонагъынгы артмагъын алма да, алгъышын ал.
- Къоркъакъны кёзю экили кёрюр.
- Ёлюк кебинсиз къалмаз.
- Сабий кёргенин унутмаз.
- Айран ичген – къутулду, джугъусун джалагъан – тутулду.
- Аман адам элни бир-бирине джау этер.
- Ишлемеген – тишлемез.
- Ариу – кёзге, акъыл – джюрекге.
- Ашыкъгъан cуу, тенгизге джетмез.
- Телиге акъыл салгъандан эсе, ёлгеннге джан салырса.
- Аш берме да, къаш бер.
- Ёгюзню мюйюзюнден тутадыла, адамны сёзюнден тутадыла.
- Ач къалгъандан, кеч къалгъан къолай.
- Ханы къызы буюгъа-буюгъа киштик болду.
- Ач, тоймам, дейди, тойгъан, ач болмам, дейди.
- Суу да къайтады чыкъгъан джерине.
- Ётген ёмюр – акъгъан суу.
- Келинни – келгинчи, бёркню кийгинчи кёр.
- Джаз бир кюнню джатсанг, къыш талай кюнню абынырса.
- Юй ишлеген балта эшикде къалыр.
- Чомартха Тейри да борчлуду.
- Къуру гыбыт бек дыгъырдар.
- Бети – къучакълар, джюреги – бычакълар.
- Аджашханны ызындагъы кёреди, джангылгъанны джанындагъы биледи.
- Къыз чыгъаргъан – къызыл къымжа.
- Халкъгъа джарагъан, джарлы къалмаз.
- Ата – баланы уясы.
- Эки къатын алгъан – эки ташны ортасына башын салгъан.
Профиль
|
|
|
|||