- Джаш болсун, къыз болсун, акъылы, саны тюз болсун.
- Ханы къызы буюгъа-буюгъа киштик болду.
- Келгинчи, къонакъ уялыр, келгенден сора, къонакъбай уялыр.
- Харам къарнашдан, халал тенг ашхы.
- Ариуну – ауруу кёб.
- Гугук кесини атын айтыб къычыргъанча, мен, мен деб нек тураса?
- Акъыл сабырлыкъ берир.
- Къарнынг ауруса, ауузунгу тый
- Чомартха хар кюн да байрамды.
- Кеси юйюмде мен да ханма.
- Къарнынг тойгъунчу аша да, белинг талгъынчы ишле.
- Аманны тукъумуна къарама, игини тукъумун сорма.
- «Ма», - дегенни билмесенг, «бер», - дегенни билмезсе.
- Тойгъа алгъа да барма, тойда артха да къалма.
- Билимли ёлмез, билимсиз кёрмез.
- Акъыллы башны – тили къысха.
- Ёгюзню мюйюзлери ауурлукъ этмейдиле.
- Айырылмаз джууугъунга, унутмаз сёзню айтма.
- Аджашхан тёгерек айланыр.
- Дуния малгъа сатылма, кесингден телиге къатылма.
- Экеу тутушса, биреу джыгъылыр.
- Ишлегенден, къарагъан уста.
- Кёб ант этген, кёб ётюрюк айтыр.
- Акъылсызны джууукъгъа алма, акъыллыны кенгнге салма.
- Ёлюр джаннга, ёкюл джокъ.
- Тенги кёбню джау алмаз, акъылы кёбню дау алмаз.
- Керилген да, ургъан кибикди.
- Аманнга игилик этсенг, юйюнге сау бармазса.
- Ичимден чыкъды хата, къайры барайым сата?
- Халкъгъа джарагъан, джарлы къалмаз.
- Таукел къуру къалмаз.
- Къыз чыгъаргъан – къызыл къымжа.
- Ариу сёз аурууунгу алыр.
- Бюгюн дуния кибик, тамбла ахыратды.
- Сёз – кюмюш, джыр – алтын.
- Тешик этген тынчды, аны джамагъан къыйынды.
- Адебни адебсизден юрен.
- Ёгюзню мюйюзюнден тутадыла, адамны сёзюнден тутадыла.
- Сангырау къулакъ эл бузар.
- Тюз сёз баргъан сууну тыяр.
- Къонагъынгы артмагъын алма да, алгъышын ал.
- Насыблы элин сюер, насыбсыз кесин сюер.
- Ашатыргъа иш – ашхы, ишлетирге аш – ашхы.
- Чакъырылмай келген къонакъ сыйланмай кетер.
- Джаш къарыу бла кючлю, къарт акъыл бла кючлю.
- Ана къолу ачытмаз.
- Окъугъан озар, окъумагъан тозар.
- Сёз къанатсыз учар.
- Джаханимни кёрмей, джандетге кёл салмазса.
- Алтыда кюлмеген, алтмышда кюлмез.
Профиль
|
|
|
|||