- Бал чибинни ургъаны – ачы, балы – татлы.
- Къуру гыбыт бек дыгъырдар.
- Къарт болгъан джерде, берекет болур, сабий болгъан джерде, оюн болур.
- Кютгени беш эчки, сызгъыргъаны уа, джерни джарады.
- Билеги кючлю, бирни джыгъар, билими кючлю, мингни джыгъар.
- Уллу сёзде уят джокъ.
- Билимсиз иш бармаз.
- Алгъанда – джууукъ, бергенде – джау.
- Ач къарным, тынч къулагъым.
- Хар ишни да аллы къыйынды.
- Ёгюзню мюйюзлери ауурлукъ этмейдиле.
- Джангызны оту джарыкъ джанмаз!
- Къайгъы тюбю – тенгиз.
- Харам къарнашдан, халал тенг ашхы.
- Келинни – келгинчи, бёркню кийгинчи кёр.
- Алтыннга тот къонмаз.
- Байма, деб да, къууанма, джарлыма, деб да, джылама.
- Уллу атлама – абынырса, уллу къабма – къарылырса.
- Тенгни тенглиги джашай барсанг билинир.
- Эринчекни эр алмаз, эр алса да, кёл салмаз, кёл салса да, кёб бармаз!
- Къонакъ аман болса, къонакъбай джунчур
- Аууздан келген, къолдан келсе, ким да патчах болур эди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Намыс сатылыб алынмайды.
- Кюлме джашха – келир башха.
- Ёксюзню къалачы уллу кёрюнюр.
- Тин – байлыгъынг, терен саулугъунг.
- Элде адам къалмаса, ит тахтагъа минер.
- Ата джурт – алтын бешик.
- Махтаннган къыз, тойда джукълар.
- Джол бла сёзню къыйыры джокъ.
- Ариу сёз – джаннга азыкъ, аман сёз – башха къазыкъ.
- Ётюрюкню къуйругъу – бир тутум.
- Эл ауузу – элия.
- Ачыкъ джюрекге джол – ачыкъ.
- Тилде сюек болмаса да, сюек сындырыр.
- Сыфатында болмагъаны, суратында болмаз.
- Джашны джигитлиги сорулур, къызны джигерлиги сорулур.
- Ачыу алгъа келсе, акъыл артха къалады.
- Къумурсхала джыйылсала, пилни да джыгъадыла.
- Акъыл къартда, джашда тюйюлдю – башдады.
- Джахил болса анасы, не билликди баласы?
- Джиби бир къат джетмей эди да, эки къат тарта эди.
- Аман киши кеси юйюнде – къонакъ.
- Къарнынг ауруса, ауузунгу тый
- Бермеген къол, алмайды.
- Аш хазыр болса, иш харам болур.
- Бозаны арты дауур болур.
- Уллу къазанда бишген эт, чий къалмаз.
- Бети бедерден, намыс сакълама.
Профиль
|
|
|
|||