- Ачыкъ джюрекге джол – ачыкъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Таугъа чыгъаллыкъ эсенг, тюзде къалма.
- Хар сёзню орну барды.
- Зар адам ашынгы ашар, кесинги сатар.
- Иги сёз – джаннга азыкъ, аман сёз башха – къазыкъ.
- Къазанны башы ачыкъ болса, итге уят керекди.
- Адамны адамлыгъы къыйынлыкъда айгъакъланады.
- Таш ата билмеген, башына урур.
- Эл тойса, тоймагъан, эл къойса, къоймагъан.
- Джахил болса анасы, не билликди баласы?
- Ауругъан – джашаудан умутчу.
- Билим насыб берир, билим джолну керир.
- Киштикге къанат битсе, чыпчыкъ къалмаз эди.
- Биреуню эскиси биреуге джангы болмайды.
- Бозанг болмагъан джерге, къалагъынгы сукъма.
- Ач – эснер, ат – кишнер.
- Тели турса – той бузар.
- Бек ашыкъгъан меннге джетсин, дегенди аракъы.
- Кёб ант этген, кёб ётюрюк айтыр.
- Ётюрюкню башын керти кесер.
- Телини эшигин, махтау джабар.
- Тойгъанлыкъ къойгъа джарашады.
- Ёлген аслан – сау чычхан.
- Къулакъдан эсе, кёзге ышан.
- Орундукъ тюбюнде атылсам да, орта джиликме, де да айлан.
- Алгъанда – джууукъ, бергенде – джау.
- Ачлыкъ отха секиртир.
- Онгсузну – джакъла, тенгликни – сакъла.
- Эм уллу байлыкъ – джан саулукъ.
- Аш берме да, къаш бер.
- Чоюнну башы ачыкъ болса, итге уят керекди.
- Азыгъы аз, алгъа къабар, аты аман, алгъа чабар.
- Тойну къарнашы – харс, джырны къарнашы – эжиу.
- Адамны аманы адамны бети бла ойнар.
- Кёб къычыргъандан – къоркъма, тынч олтургъандан – къоркъ.
- Ичимден чыкъды хата, къайры барайым сата?
- Акъыл сабырлыкъ берир.
- Тынгылагъан тынгы бузар.
- Акъыллы эркиши атын махтар, акъылсыз эркиши къатынын махтар.
- Къарт болгъан джерде, берекет болур, сабий болгъан джерде, оюн болур.
- Булут кёкге джарашыу, уят бетге джарашыу.
- Атлыны кёрсе, джаяуну буту талыр.
- Ата – билек, ана – джюрек!
- Азыкълы ат арымаз, къатыны аман джарымаз.
- Адам сёзюнден белгили.
- Тойгъан антын унутур.
- Кюлме джашха – келир башха.
- Бичгенде ашыкъма, тикгенде ашыкъ.
- Ким бла джюрюсенг, аны кёзю бла кёрюнюрсе.
Профиль
|
|
|
|||