Эльбрусоид :: Форум

Чакъырылгъанны аты, чакъырылмагъанны багъасы болур.
Зарда марда джокъ.
Эри аманны, къатыны – аман.
Джол бла сёзню къыйыры джокъ.
Къозулугъунда тоймагъан, къойлугъунда тоймаз.
Адамны адамлыгъы къыйынлыкъда айгъакъланады.
Байлыкъ адамны сокъур этер.
Уллу суу бла уллу ауруудан башынгы сакъла.
Кенгеш болса, уруш болмаз.
Суугъа – чабакъ, къаягъа – ыргъакъ.
Суу ичген шауданынга тюкюрме.
Кийим тукъум сордурур.
Къарнынг ауруса, ауузунгу тый
Джыгъылгъанны сырты джерден тоймаз.
Адебни адебсизден юрен.
Джумушакъ сёз къаты таякъны сындырыр.
Тай асырагъан, атха минер.
Биреуню къыйынлыгъы бла кесинге джол ишлеме.
Чоюнну башы ачыкъ болса, итге уят керекди.
Байлыкъ болгъан джерде, тынчлыкъ джокъду.
Аз сёлешген, къайгъысыз турур.
Адамгъа аман кюн соруб келмейди.
Азыгъы аз, алгъа къабар, аты аман, алгъа чабар.
Къызны минг тилер, бир алыр.
Иги – алгъыш этер, аман – къаргъыш этер.
Ашхылыкъ джерде джатмайды, аманлыкъ суугъа батмайды.
Тил бла келеди джыр да.
Кёб ант этген, кёб ётюрюк айтыр.
Аманнга игилик этсенг, юйюнге сау бармазса.
Къартны сыйын кёрмеген, къартлыгъында сыйлы болмаз.
От кюйдюрген, сау болса да, тот кюйдюрген, сау болмаз.
Джашда акъыл джокъ, къартда къарыу джокъ.
Намыс болмагъан джерде, насыб болмаз.
Азыкъ аз болса, эртде орун сал.
Ёксюзню къалачы уллу кёрюнюр.
Уллу атлама – абынырса, уллу къабма – къарылырса.
Бойнуму джети джерден кессенг да, мен ол ишни этеллик тюлме.
Магъанасыз сёз – тауушсуз сыбызгъы.
Чабакъгъа акъыл, табагъа тюшсе келеди.
Тенги кёбню джау алмаз, акъылы кёбню дау алмаз.
Ханы къызы буюгъа-буюгъа киштик болду.
Шекер бла туз – бир болмаз, ушамагъан – юй болмаз.
Къатыны харакетли болса, эри къымсыз болур.
Шапа кёб болса, аш татымсыз болур.
Тойгъан джерге джети къайт.
Аман киши кеси юйюнде – къонакъ.
Aдам боллукъ, сыфатындан белгили.
«Ёгюз, джаргъа джууукъ барма, меннге джюк боллукъса», - дегенди эшек.
Иги сёз – джаннга азыкъ, аман сёз башха – къазыкъ.
Тамырсыз терекге таянма – джыгъылырса.

Логин:
Пароль:
	Запомнить меня на этом компьютере

Забыли свой пароль?
Регистрация