Эльбрусоид :: Форум

Акъыллы эркиши атын махтар, акъылсыз эркиши къатынын махтар.
Рысхы – сют юсюнде кёмюк кибикди.
Джигер – джаннга къыйынлыкъ.
Татлы тилде – сёз ариу, чемер къолда – иш ариу.
Нёгер болсанг, тенг бол, тенг болмасанг, кенг бол.
Этим кетсе да, сюегим къалыр.
Тюзлюк тас болмайды.
Уясында не кёрсе, учханында аны этер.
Тамбла алтындан бюгюн багъыр ашхы.
Тешик этген тынчды, аны джамагъан къыйынды.
Арбаз сайлама да, хоншу сайла.
Эр абынмай, эл танымаз.
Тил бла келеди джыр да.
Къазанда болса, чолпугъа чыгъар.
Мухарны эси – ашарыкъда.
Тура эдим джата, къайдан чыкъды хата?
Танг атмайма десе да, кюн къоярыкъ тюйюлдю.
Битмегеннге сакъал – танг.
Чоюнну башы ачыкъ болса, итге уят керекди.
Чакъырылмагъан къонакъ тёрге атламаз.
Келинин тута билмеген, къул этер, къызын тута билмеген, тул этер.
Аман адам этегингден тутса, кес да къач.
Тойну къарнашы – харс, джырны къарнашы – эжиу.
Джангыз терек къынгыр ёсер.
Къатын къылыкъсыз, эр тынчлыкъсыз.
Элиб деген, элге болушур.
Бал – татлы, балдан да бала – татлы.
Аманнга игилик этсенг, юйюнге сау бармазса.
Ишин билген, аны сыйын чыгъарады.
Адамгъа аман кюн соруб келмейди.
Хоншуну тауугъу къаз кёрюнюр, келини къыз кёрюнюр.
Ётюрюк хапар аякъ тюбю бла джюрюйдю.
Эринчекни аурууу – кёб.
Къазанчы аман болса, къазаны къайнамаз.
Джыланны къуйругъундан басарынг келсе, аны башы болгъанын унутма.
Джерни букъусу кёкге къонмаз.
Таукел тауну аудурур.
Айтылгъан сёз ызына къайтмаз.
Аджашхан тёгерек айланыр.
Джеринден айырылгъан – джети джылар, джуртундан айырылгъан – ёлгюнчю джылар.
Ачыу алгъа келсе, акъыл артха къалады.
Уллу сёзде уят джокъ.
Ашда – бёрю, ишде – ёлю.
Иги сеники эсе да, сюйген кесимикин этеме.
Элде адам къалмаса, ит тахтагъа минер.
Ашхы сёз таш тешер.
Ач къалгъандан, кеч къалгъан къолай.
Сакъламагъан затынга джолукъсанг, не бек къууанаса, не бек ачыйса.
Рысхы – насыбха къор.
Окъуу – билимни ачхычы, окъуу – дунияны бачхычы.

Логин:
Пароль:
	Запомнить меня на этом компьютере

Забыли свой пароль?
Регистрация