- Ач уят къоймаз.
- Джаз бир кюнню джатсанг, къыш талай кюнню абынырса.
- Халкъны юйю – туугъан джери.
- Адеб базарда сатылмаз.
- Джангызны оту джарыкъ джанмаз!
- Къазанны башы ачыкъ болса, итге уят керекди.
- Чарсда алчыны эл кёреди.
- Ашхы атаны – джашы ашхы, ашхы ананы – къызы ашхы.
- Аууздан келген, къолдан келсе, ким да патчах болур эди.
- Акъыл бла адеб эгизледиле.
- Алим болгъандан эсе, адам болгъан къыйынды.
- Къонагъынгы артмагъын алма да, алгъышын ал.
- Джырчы ёлсе, джыры къалыр.
- Эки къатын алгъанны къулагъы тынгнгаймаз.
- Ашатыргъа иш – ашхы, ишлетирге аш – ашхы.
- Къууут – джелге, берне – бошха.
- Эли джокъну – кёлю джокъ.
- Аш хазыр болса, иш харам болур.
- Телиге от эт десенг, юйюнге от салыр.
- Ётген ёмюр – акъгъан суу.
- Азыкъ аз болса, эртде орун сал.
- Къазанда болса, чолпугъа чыгъар.
- Джигер – джаннга къыйынлыкъ.
- Сангырау къулакъ эл бузар.
- Нёгерсизни джолу узун.
- Суугъа – чабакъ, къаягъа – ыргъакъ.
- Уллу къазанда бишген эт, чий къалмаз.
- Ата Джуртун танымагъан, атасын да танымаз.
- Бойнуму джети джерден кессенг да, мен ол ишни этеллик тюлме.
- Ётюрюкден тюбю джокъ, кёлтюрюрге джиби джокъ.
- Киштикге къанат битсе, чыпчыкъ къалмаз эди.
- Шапа кёб болса, аш татымсыз болур.
- Кесине гебен этелмеген, биреуге черен эте эди.
- Джюрекден джюрекге джол барды.
- Къуру гыбыт бек дыгъырдар.
- Бек анасы джыламаз.
- Абынмазлыкъ аякъ джокъ, джангылмазлыкъ джаякъ джокъ.
- Ёлюр джаннга, ёкюл джокъ.
- Таула не мийик болсала да, аууш табылыр.
- Экеулен сёлеше тура эселе, орталарына барыб кирме.
- Хазыр ашха – терен къашыкъ.
- Аджашханны ызындагъы кёреди, джангылгъанны джанындагъы биледи.
- Билими азны – ауузунда кирит.
- Кирсизни – саны таза, халалны – къаны таза.
- Хаухну атма, ёнгкючню сатма.
- Юй ишлеген балта эшикде къалыр.
- Окъугъан – асыу, окъумагъан – джарсыу.
- Аман хансны – урлугъу кёб.
- Байлыкъ болгъан джерде, тынчлыкъ джокъду.
- Ишлемеген – тишлемез.
Профиль
|
Zet
 Эльбрусоид
Cообщений: 137
Баллов: 109
Регистрация: 12.11.2014
Последний визит: 20.12.2016 13:17:31
|
 |
|||
|
|
|
|||