- Билмезни кёзю кёрмез, этмезни къулагъы эшитмез.
- Джеринден айырылгъан – джети джылар, джуртундан айырылгъан – ёлгюнчю джылар.
- Бир онгсуз адам адет чыгъарды, деб эштирик тюлсе.
- Ашда уялгъан – мухар, ишде уялгъан – хомух.
- Ариу сёз джыланны орнундан чыгъарыр.
- Джигер – джаннга къыйынлыкъ.
- Экиндини кеч къылсанг, чабыб джетер ашхам.
- Эркиши – от, тиширыу – суу.
- Сакъалы текени да бар, мыйыгъы киштикни да бар.
- Бозанг болмагъан джерге, къалагъынгы сукъма.
- Билген билмегенни юретген адетди.
- Эм ашхы къайын ана мамукъ бла башынгы тешер.
- Джюрекден джюрекге джол барды.
- Ётюрюкден тюбю джокъ, кёлтюрюрге джиби джокъ.
- Ач да бол, токъ да бол – намысынга бек бол.
- Ашыкъгъанны этеги бутуна чырмалыр.
- Окъуусуз билим – джокъ, билимсиз кюнюнг – джокъ.
- Кийим тукъум сордурур.
- Айтханы чапыракъдан ётмеген.
- Сабийликде юретмесенг, уллу болса – тюзелмез.
- Ойнаб айтсанг да, эслеб айт.
- Ёксюзню тилеги къабыл болур.
- Ачлыкъда тары гырджын халыуадан татлы.
- Садакъачыны джаны – къапчыгъында.
- Харам къарнашдан, халал тенг ашхы.
- Джети тилни билген джети кишиди.
- Джарлы эскисин джамаса, къууаныр.
- Сабийни джумушха джибер да, ызындан бар.
- Орну джокъну – сыйы джокъ.
- Алтыда кюлмеген, алтмышда кюлмез.
- Ач келгенни – тойдур, кеч келгенни – къондур.
- Къазанда болса, чолпугъа чыгъар.
- Эртде тургъан бла эртде юйленнген сокъуранмаз.
- Къарт айтханны этмеген, къартаймаз.
- Байма, деб да, къууанма, джарлыма, деб да, джылама.
- Ургъан суудан башынгы сакъла.
- Джылыгъа джылан илешир.
- Адамгъа аман кюн соруб келмейди.
- Окъуу – билимни ачхычы, окъуу – дунияны бачхычы.
- Тынгылагъан тынгы бузар.
- Тюз сёз баргъан сууну тыяр.
- Ойнай-ойнай кёз чыгъар.
- Билмейме деген – бир сёз
- Къозулугъунда тоймагъан, къойлугъунда тоймаз.
- Азыгъы аз, алгъа къабар, аты аман, алгъа чабар.
- Баш болса, бёрк табылыр.
- Къошда джокъгъа – юлюш джокъ.
- Ишни ахырын ойламай, аллын башлама.
- Алим болгъандан эсе, адам болгъан къыйынды.
- Чакъырылмагъан джерге барма, чакъырылгъан джерден къалма.
Профиль
|
Zet
 Эльбрусоид
Cообщений: 137
Баллов: 109
Регистрация: 12.11.2014
Последний визит: 20.12.2016 13:17:31
|
 |
|||
|
|
|
|||