- Аз сёлеш, кёб ишле.
- Къатыны харакетли болса, эри къымсыз болур.
- Акъыл къартда, джашда тюйюлдю – башдады.
- Таякъ этден ётер, тил сюекден ётер.
- Термилгенинги табмазса, кюлгенинге тюберсе.
- Акъыллы айтыр эди, акъылсыз къоймайды.
- Адамны джюреги нени кёрюрге сюйсе, кёзю да аны кёрюрге ёч болады.
- Юре билмеген ит, къонакъ келтирир.
- Ач отунчуну ачыуу – бурнунда.
- Ёлюк кебинсиз къалмаз.
- Ашына кёре табагъы, балына кёре къалагъы.
- Кёлсюзден сёзсюз тууар.
- Ат да турмайды бир териде.
- Дуния мал дунияда къалады.
- Билим ат болуб да чабар, къуш болуб да учар.
- Сёлеш деб шай берген, тохта деб, сом берген.
- Бойнуму джети джерден кессенг да, мен ол ишни этеллик тюлме.
- Чоюнну башы ачыкъ болса, итге уят керекди.
- Ариу сёз джыланны орнундан чыгъарыр.
- Тёзген – тёш ашар!
- Ата – баланы уясы.
- Аманны тукъумуна къарама, игини тукъумун сорма.
- Тойгъандан сора, ашны сёкме.
- Чарсда алчыны эл кёреди.
- Тюзню ётмеги тюзде къалса да, тас болмаз.
- Ашлыкъ – бюртюкден, джюн – тюкден.
- Бет бетге къараса, бет да джерге къарар.
- Эр абынмай, эл танымаз.
- Къонакъ болсанг, ийнакъ бол.
- Мен да «сен», дейме, сен да «кесим», дейсе.
- Суу да къайтады чыкъгъан джерине.
- Акъылсызны джууукъгъа алма, акъыллыны кенгнге салма.
- Джарашыу сюйген – джалынчакъ.
- Садакъачыны джаны – къапчыгъында.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Мал кёб болса, джууукъ кёб болур.
- Таукел тауну аудурур.
- Ауузу аманнга «иги», деме.
- Кесине гебен этелмеген, биреуге черен эте эди.
- Накъырданы арты керти болур.
- Тин – байлыгъынг, терен саулугъунг.
- Босагъа таш юйге кирмей эди, тыбыр таш эшикге чыкъмай эди.
- Эшекге миннген – биринчи айыб, андан джыгъылгъан – экинчи айыб.
- Дууулдаса – бал чибин, къонса – къара чибин.
- Ауурну тюбю бла, дженгилни башы бла джюрюген.
- Аман къатын алгъан, арыр, иги къатын алгъан джарыр.
- Къайтырыкъ эшигинги, къаты уруб чыкъма.
- Къонагъынгы артмагъын алма да, алгъышын ал.
- Кирсизни – саны таза, халалны – къаны таза.
- Айырылмаз джууугъунга, унутмаз сёзню айтма.
Профиль
|
|
|
|||