- Татлы тилде – сёз ариу, чемер къолда – иш ариу.
- Ким бла джюрюсенг, аны кёзю бла кёрюнюрсе.
- Тил – кесген бычакъ, сёз – атылгъан окъ.
- Олтуруб кёрюнмей эди да, ёрге туруб кёрюне эди.
- Борчунг бар эсе, хурджунунга ойлаб узал.
- Босагъа таш юйге кирмей эди, тыбыр таш эшикге чыкъмай эди.
- Иги – алгъыш этер, аман – къаргъыш этер.
- Хар сёзню орну барды.
- Босагъагъа джууукъ орун болса, ашыгъыб тёрге озма.
- Мухардан ач ычхынмаз.
- Эрине къаргъыш этген къатын, эрнин къабар.
- Миллетни бойну – базыкъ, аны бла кюрешген – джазыкъ.
- Экеулен сёлеше тура эселе, орталарына барыб кирме.
- Тойгъан джерге джети къайт.
- Къарнынг бла ёч алма.
- Ашхы болсанг, атынг чыгъар, аман болсанг, джанынг чыгъар.
- Ашда – бёрю, ишде – ёлю.
- Чабар ат – джетген къыз.
- Байлыкъ болгъан джерде, тынчлыкъ джокъду.
- Аууз сакълагъан – джан сакълар.
- Джукъу тёшек сайламайды.
- Къумурсхала джыйылсала, пилни да джыгъадыла.
- Окъугъан озар, окъумагъан тозар.
- Ёгюзню мюйюзюнден тутадыла, адамны сёзюнден тутадыла.
- Халкъны юйю – туугъан джери.
- Арпа, будай – ащды, алтын, кюмюш а – ташды.
- Ёлген аслан – сау чычхан.
- Ариу сёз – джаннга азыкъ, аман сёз – башха къазыкъ.
- Джашда акъыл джокъ, къартда къарыу джокъ.
- Тёрдеги кюлсе, эшикдеги ышарыр.
- Тели турса – той бузар.
- Иги адам абынса да, джангылмаз.
- Итли къонакъ джарашмаз.
- Джырчы джырчыгъа – къарнаш.
- Булут кёкге джарашыу, уят бетге джарашыу.
- Ашыкъгъан cуу, тенгизге джетмез.
- Сабыр джетер муратха, сабырсыз къалыр уятха.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёмюрлюк шохлукъну джел элтмез.
- Чыкълы кюнде чыкъмагъан, чыкъса къуру кирмеген.
- Асхат ашлыкъ сата, юйдегиси ачдан къата.
- Нёгерсизни джолу узун.
- Байлыкъ келсе, акъыл кетер.
- Бетинги сатма, малынгы сат.
- Юреннген ауруу къалмаз.
- Окъ къызбайны джокълайды.
- Магъанасыз сёз – тауушсуз сыбызгъы.
- Тилчиден кери бол.
- Шайтан алдады, тюзлюк къаргъады.
- Бек ашыкъгъан меннге джетсин, дегенди аракъы.
Профиль
|
|
|
|||