- Бёрю да ач къалмасын, эчки да ашалмасын.
- Иги адамны бир сёзю эки болмаз.
- Кийим тукъум сордурур.
- Керек ташны ауурлугъу джокъ.
- Джашны джигитлиги сорулур, къызны джигерлиги сорулур.
- Ёксюзню тилеги къабыл болур.
- Ашда уялгъан – мухар, ишде уялгъан – хомух.
- Айран ичген – къутулду, джугъусун джалагъан – тутулду.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Булут кёкге джарашыу, уят бетге джарашыу.
- Мени джылытмагъан кюн, меннге тиймесин!
- Ач уят къоймаз.
- Биреу къой излей, биреу той излей.
- Байлыкъ болгъан джерде, тынчлыкъ джокъду.
- Джарлыны тону джаз битер.
- Арпа, будай – ащды, алтын, кюмюш а – ташды.
- Тиширыусуз юй – отсуз от джагъа.
- Ашаса, ашамаса да, бёрюню ауузу – къан.
- Сескекли кесин билдирир.
- Бет бетге къараса, бет да джерге къарар.
- Тура эдим джата, къайдан чыкъды хата?
- Тёгюлген тюгел джыйылмайды.
- Тынгылагъан тынгы бузар.
- Чабакъ башындан чирийди.
- Ариу – кёзге, акъыл – джюрекге.
- Хата – гитчеден.
- Тилсиз миллет джокъ болур.
- Сабийликде юретмесенг, уллу болса – тюзелмез.
- Къартны бурнун сюрт да, оноугъа тут.
- Асхат ашлыкъ сата, юйдегиси ачдан къата.
- Ишлемеген – тишлемез.
- Ёпкелегенни ашы татлы болады.
- Тойгъанлыкъ къойгъа джарашады.
- Гугук кесини атын айтыб къычыргъанча, мен, мен деб нек тураса?
- Бир онгсуз адам адет чыгъарды, деб эштирик тюлсе.
- Юреннген ауруу къалмаз.
- Айтылгъан буйрукъ, сёгюлмез
- Алма терегинден кери кетмез.
- Ариу сёзде ауруу джокъ.
- Къоркъакъны кёзю экили кёрюр.
- Хатерли къул болур.
- Ашха уста, юйюнде болсун
- Окъугъан озар, окъумагъан тозар.
- Мадар болса, къадар болур.
- Ата – баланы уясы.
- Кёзюнде тереги болгъан, чёбю болгъаннга кюле эди.
- Къатын къылыкъсыз, эр тынчлыкъсыз.
- Ата Джуртуму башы болмасам да, босагъасында ташы болайым.
- Адеби болмагъан къыз – тузсуз хант.
- Тыш элде солтан болгъандан эсе, кесинги элде олтан болгъан игиди!
Профиль
|
|
|
|||