Эльбрусоид :: Форум

Кёбге таш атма.
Къая джолда джортма, ачыкъ сёзден къоркъма.
Къайтырыкъ эшигинги, къаты уруб чыкъма.
Билмейме деген – бир сёз
Босагъагъа джууукъ орун болса, ашыгъыб тёрге озма.
Джарлы эскисин джамаса, къууаныр.
Кюн кёрмеген, кюн кёрсе, кюндюз чыракъ джандырыр.
Ёлюк кебинсиз къалмаз.
Хоншуну тауугъу къаз кёрюнюр, келини къыз кёрюнюр.
Сакъалы текени да бар, мыйыгъы киштикни да бар.
Телиге акъыл салгъандан эсе, ёлгеннге джан салырса.
Къонакъ кёб келюучю юйню, къазаны отдан тюшмез.
Ичимден чыкъды хата, къайры барайым сата?
Сабийни джумушха джибер да, ызындан бар.
Аманнга алтын чыдамаз.
Ач да бол, токъ да бол – намысынга бек бол.
Тёгюлген тюгел джыйылмайды.
Суугъа – чабакъ, къаягъа – ыргъакъ.
Иги адам абынса да, джангылмаз.
Къууут – джелге, берне – бошха.
Джангыз терек къынгыр ёсер.
Джаш къарыу бла кючлю, къарт акъыл бла кючлю.
Уллу айтханны этмеген – уллаймаз.
Бёрю да ач къалмасын, эчки да ашалмасын.
Билимсиз иш бармаз.
Битмегеннге сакъал – танг.
Джашлыкъ этмеген, башлыкъ этмез.
Нёгер болсанг, тенг бол, тенг болмасанг, кенг бол.
Къартны бурнун сюрт да, оноугъа тут.
Акъыл неден да кючлюдю.
Башда акъыл болмаса, эки аякъгъа кюч джетер.
Иши джокъну, сыйы джокъ.
Ёгюзню мюйюзюнден тутадыла, адамны сёзюнден тутадыла.
Ач, тоймам, дейди, тойгъан, ач болмам, дейди.
Сангырау къулакъ эл бузар.
Ёлюр джаннга, ёкюл джокъ.
Аз сёлешген, къайгъысыз турур.
Эринчекни аурууу – кёб.
Халкъгъа джарагъан, джарлы къалмаз.
Къызын тута билмеген, тул этер, джашын тута билмеген, къул этер.
Душманны тышы – акъ, ичи – къара.
Къыз тиширыу кеси юйюнде да къонакъды.
Къыйынлы джети элни къайгъысын этер.
Сескекли кесин билдирир.
Акъыл бла адеб эгизледиле.
Баргъанынга кёре болур келгенинг.
Къарт айтханны этмеген, къартаймаз.
Aдам боллукъ, сыфатындан белгили.
Тойчу джашха къарама, къойчу джашха къара.
Къолу уллу – асыу, аягъы уллу – джарсыу.

Логин:
Пароль:
	Запомнить меня на этом компьютере

Забыли свой пароль?
Регистрация