- Эшекге миннген – биринчи айыб, андан джыгъылгъан – экинчи айыб.
- Уллу сёзде уят джокъ.
- Биреуню тёрюнден, кесинги эшик артынг игиди.
- Узун джолну барсанг, бюгюн келирсе, къысха джолну барсанг, тамбла келирсе.
- Аман адам этегингден тутса, кес да къач.
- Джашынгы кесинг юретмесенг, джашау юретир.
- Суугъа – чабакъ, къаягъа – ыргъакъ.
- Суу ичген шауданынга тюкюрме.
- Ата Джуртча джер болмаз, туугъан элча эл болмаз.
- Мал тутхан – май джалар.
- Эски джаугъа ышанма.
- Аш берме да, къаш бер.
- Джюрек кёзден алгъа кёрюр.
- Уллу сёлешме да, уллу къаб.
- Ауругъанны сау билмез, ач къарынны токъ билмез.
- Кийимни бир кюнню аясанг, минг кюннге джарар.
- Ата джурт – алтын бешик.
- Эл тойса, тоймагъан, эл къойса, къоймагъан.
- Джылыгъа джылан илешир.
- Кёбню кёрген – кёб билир.
- Хар сёзню орну барды.
- Рысхы – сют юсюнде кёмюк кибикди.
- Тойгъанлыкъ къойгъа джарашады.
- Билимли ёлмез, билимсиз кёрмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аджашханны ызындагъы кёреди, джангылгъанны джанындагъы биледи.
- Акъыл неден да кючлюдю.
- Тенгни тенглиги джашай барсанг билинир.
- Арпа, будай – ащды, алтын, кюмюш а – ташды.
- Адеб этмеген, адеб кёрмез.
- Шайтан алдады, тюзлюк къаргъады.
- Джаз бир кюнню джатсанг, къыш талай кюнню абынырса.
- Иги сёз – джаннга азыкъ, аман сёз башха – къазыкъ.
- Ашыкъгъан cуу, тенгизге джетмез.
- Бозанг болмагъан джерге, къалагъынгы сукъма.
- Ана – юйню кюн джарыгъы.
- Акъыл аздырмаз, билим тоздурмаз.
- Аллахдан тилесенг, кёб тиле.
- Кюлме джашха – келир башха.
- Эри аманны, къатыны – аман.
- Хантына кёре тузу, юйюне кёре къызы.
- Тойгъа алгъа да барма, тойда артха да къалма.
- Ариу сёзде ауруу джокъ.
- Ач бёрюге мекям джокъ.
- Джыгъылгъанны сырты джерден тоймаз.
- Эринчекни аурууу – кёб.
- Бети къызарыучу адамны, джюреги харам болмаз.
- Таш ата билмеген, башына урур.
- Ким бла джюрюсенг, аны кёзю бла кёрюнюрсе.
- Къоркъакъны кёзю экили кёрюр.
Профиль
|
|
|
|||