- Тас болгъан бычакъны сабы – алтын.
- Тойгъанлыкъ къойгъа джарашады.
- Бети къызарыучу адамны, джюреги харам болмаз.
- Ёлюк кебинсиз къалмаз.
- Адам сёзге тынгыла, акъыл сёзню ангыла.
- Элиб деген, элге болушур.
- Окъумагъан сокъурду, сокъур ташха абыныр!
- Джауумдан сора, кюн кюйдюрюр, ётюрюкден сора, айыб кюйдюрюр.
- Тёрде – темир таякълы, къаяда – чыпчыкъ аякълы.
- Ариу сёзде ауруу джокъ.
- Акъыл аздырмаз, билим тоздурмаз.
- Эрине къаргъыш этген къатын, эрнин къабар.
- Кёзю сокъурдан – къоркъма, кёлю сокъурдан – къоркъ.
- Къайгъы тюбю – тенгиз.
- Аякъларынгы джууургъанынга кёре узат.
- Кёбден умут этиб, аздан къуру къалма.
- Кийимни бир кюнню аясанг, минг кюннге джарар.
- Юйюнг бла джау болгъандан эсе, элинг бла джау бол.
- Баргъанынга кёре болур келгенинг.
- Таш ата билмеген, башына урур.
- Джашда акъыл джокъ, къартда къарыу джокъ.
- Кечеси – аяз, кюню – къыш, джарлы къаргъагъа бир аш тюш!
- Ариу сёз – къылычдан джити.
- Сагъышы джокъ – джукъучу, акъылы джокъ – къаугъачы.
- Эски джаугъа ышанма.
- Тюз сёз баргъан сууну тыяр.
- Эрни эр этерик да, къара джер этерик да, тиширыуду.
- Къалгъан ишге къар джауар.
- Аман адам элни бир-бирине джау этер.
- Эллинг бла джау болсанг да, юйюнг бла джау болма.
- Таукел тауну аудурур.
- Къазанчы аман болса, къазаны къайнамаз.
- Иги адамны бир сёзю эки болмаз.
- Алтыда кюлмеген, алтмышда кюлмез.
- Ана къолу ачытмаз.
- Ёлюр джаннга, ёкюл джокъ.
- Бозаны арты дауур болур.
- Эл ауузу – элек, анга ийнаннган – халек.
- Ашхы адам – халкъ байлыгъы, ашхы джер – джашау байлыгъы.
- Тик ёргени, тик энгишгеси да болады.
- Аджал соруб келмез, келсе, къайтыб кетмез.
- Чомарт къонакъ юй иесин сыйлар.
- Танг атмайма десе да, кюн къоярыкъ тюйюлдю.
- Экеу тутушса, биреу джыгъылыр.
- Джаш къарыу бла кючлю, къарт акъыл бла кючлю.
- Хар ишни да аллы къыйынды.
- Ауурну тюбю бла, дженгилни башы бла джюрюген.
- Бал ашаргъа сюе эсенг, чибин ургъаннга тёз.
- Таула не мийик болсала да, аууш табылыр.
- Джерни букъусу кёкге къонмаз.
Профиль
|
|
|
|||