Эльбрусоид :: Форум

Биреуню тёрюнден, кесинги эшик артынг игиди.
Тиширыусуз юй – отсуз от джагъа.
Къазанда болса, чолпугъа чыгъар.
Чомарт бергенин айтмаз.
Къарнынг ауруса, ауузунгу тый
Ауузу аманнга «иги», деме.
Зарда марда джокъ.
Къонакъ болсанг, ийнакъ бол.
Кирсизни – саны таза, халалны – къаны таза.
Арбаз къынгырды да, ийнек сауалмайма.
Кийимни бичсенг, кенг бич, тар этген къыйын тюлдю.
Таукел адам тау тешер.
Иги джашны ышаны – аз сёлешиб, кёб тынгылар.
Абынмазлыкъ аякъ джокъ, джангылмазлыкъ джаякъ джокъ.
Тин – байлыгъынг, терен саулугъунг.
Акъыл неден да кючлюдю.
Баргъанынга кёре болур келгенинг.
Битмегеннге сакъал – танг.
Уллу атлама – абынырса, уллу къабма – къарылырса.
Тилчиден кери бол.
Берекет берсин деген джерде, берекет болур.
Ышармагъан – кюлмез, кюлмеген – къууанчны билмез.
Къонагъынгы артмагъын алма да, алгъышын ал.
Ауругъанны сау билмез, ач къарынны токъ билмез.
Эркишини аманы тиширыуну джылатыр.
Тамырсыз терекге таянма – джыгъылырса.
Билеги кючлю, бирни джыгъар, билими кючлю, мингни джыгъар.
Тилчи тилден къаныкъмаз.
Къууут – джелге, берне – бошха.
Бетинги сатма, малынгы сат.
Иги бла джюрюсенг, джетерсе муратынга, аман бла джюрюсенг, къалырса уятха.
Хата – гитчеден.
Намысы джокъну – дуниясы джокъ.
Халкъгъа джарагъан, джарлы къалмаз.
Намыс болмагъан джерде, насыб болмаз.
Акъыллы башны – тили къысха.
Джаш болсун, къыз болсун, акъылы, саны тюз болсун.
Ашда – бёрю, ишде – ёлю.
Айран ичген – къутулду, джугъусун джалагъан – тутулду.
Ариу сёзде ауруу джокъ.
Адеб этмеген, адеб кёрмез.
Ишни аллы бла къууанма да, арты бла къууан.
Ач къалгъандан, кеч къалгъан къолай.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эр абынмай, эл танымаз.
Кесинге джетмегенни, кёб сёлешме.
Джол бла сёзню къыйыры джокъ.
Байны къызы баймакъ болса да, юйде къалмаз!
Термилгенинги табмазса, кюлгенинге тюберсе.
Атадан ёксюз – бир ёксюз, анадан ёксюз – эки ёксюз.

Логин:
Пароль:
	Запомнить меня на этом компьютере

Забыли свой пароль?
Регистрация