- Бир абыннган – минг сюрюнюр.
- Бир онгсуз адам адет чыгъарды, деб эштирик тюлсе.
- Тил – кесген бычакъ, сёз – атылгъан окъ.
- Уясында не кёрсе, учханында аны этер.
- Келлик заман – къартлыкъ келтирир, кетген заман – джашлыкъ ёлтюрюр.
- Кесинг сынамагъан затны, адамгъа буюрма.
- Къарт болгъан джерде, берекет болур, сабий болгъан джерде, оюн болур.
- Чабакъгъа акъыл, табагъа тюшсе келеди.
- Биреу ашаб къутулур, биреу джалаб тутулур.
- Чомарт къолда мал къалмаз.
- Чоюнну башы ачыкъ болса, итге уят керекди.
- Джюрекден джюрекге джол барды.
- Атынг аманнга чыкъгъандан эсе, джанынг тамагъынгдан чыкъсын.
- Эки итни арасына сюек атма, эки адамны арасында сёз чыгъарма.
- Къонакъ хазыр болгъанлыкъгъа, къонакъбай хазыр тюлдю.
- Тилчи тилден къаныкъмаз.
- Адебни адебсизден юрен.
- Биреуню тёрюнден, кесинги эшик артынг игиди.
- Билимсиз иш бармаз.
- Биреу къой излей, биреу той излей.
- Тюз сёз баргъан сууну тыяр.
- Сууда джау джокъ, кёб сёзде магъана джокъ.
- Тешик этген тынчды, аны джамагъан къыйынды.
- Эли джокъну – кёлю джокъ.
- Джерни букъусу кёкге къонмаз.
- Эринчекни аурууу – кёб.
- Миллетни бойну – базыкъ, аны бла кюрешген – джазыкъ.
- Джырчы ёлсе, джыры къалыр.
- Ишлегенде эринме, ишде чолакъ кёрюнме.
- Таула не мийик болсала да, аууш табылыр.
- Таш ата билмеген, башына урур.
- Сёлеш деб шай берген, тохта деб, сом берген.
- Нарт сёз къарт болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тёрде – темир таякълы, къаяда – чыпчыкъ аякълы.
- Аджал соруб келмез, келсе, къайтыб кетмез.
- Тёрени джагъы джокъ.
- Адамны адамлыгъы къыйынлыкъда айгъакъланады.
- Келинни – келгинчи, бёркню кийгинчи кёр.
- Къыз чыгъаргъан – къызыл къымжа.
- Ата Джуртча джер болмаз, туугъан элча эл болмаз.
- Душманны тышы – акъ, ичи – къара.
- Джол бла сёзню къыйыры джокъ.
- Ёксюзню къалачы уллу кёрюнюр.
- Рысхы – насыбха къор.
- Чабар ат – джетген къыз.
- Арпа, будай – ащды, алтын, кюмюш а – ташды.
- Акъыл бла адеб эгизледиле.
- Суугъа – таянма, джаугъа – ийнанма.
- Къан бла кирген, джан бла чыгъар.
Профиль
|
|
|
|||