- Сыфатында болмагъаны, суратында болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашлыкъны арба юйге келтирир, чана базаргъа элтир.
- Джыйырма къойну юч джыйырма эбзе кюте эди.
- Къайгъыны сюйген, къайгъы табар.
- Эркишини аманы тиширыуну джылатыр.
- Сууда джау джокъ, кёб сёзде магъана джокъ.
- Телини эшигин, махтау джабар.
- Адеб этмеген, адеб кёрмез.
- Терслик кетер, тюзлюк джетер.
- Суугъа – чабакъ, къаягъа – ыргъакъ.
- Мен да «сен», дейме, сен да «кесим», дейсе.
- Ёксюзню тилеги къабыл болур.
- Азыгъы аз, алгъа къабар, аты аман, алгъа чабар.
- Адамгъа аман кюн соруб келмейди.
- Тили узунну, намысы – къысха.
- Кёлсюзден сёзсюз тууар.
- Башда акъыл болмаса, эки аякъгъа кюч джетер.
- Аманны эки битли тону болур, бирин сеннге кийдирир, бирин кеси киер.
- Биреуню эскиси биреуге джангы болмайды.
- Сескекли кесин билдирир.
- Къартха ушагъан джаш – акъыллы, джашха ушагъан къарт – тели.
- Байлыкъ келсе, акъыл кетер.
- Кютгени беш эчки, сызгъыргъаны уа, джерни джарады.
- Кёзню ачылгъаны – иги, ауузну джабылгъаны – иги.
- Билимсиз иш бармаз.
- Эртде тургъан бла эртде юйленнген сокъуранмаз.
- Джашлыкъ этмеген, башлыкъ этмез.
- Суу да къайтады чыкъгъан джерине.
- Ётюрюкню къуйругъу – бир тутум.
- Юй ишлеген балта эшикде къалыр.
- Игиге айтсанг – билир, аманнга айтсанг – кюлюр.
- Аманны къуугъан, аманлыкъ табар.
- Ойнай билмеген, уруб къачар.
- Уруну арты – къуру.
- Эри аманны, къатыны – аман.
- Эки итни арасына сюек атма, эки адамны арасында сёз чыгъарма.
- Таякъ этден ётер, тил сюекден ётер.
- Эринчекни аурууу – кёб.
- Ач, тоймам, дейди, тойгъан, ач болмам, дейди.
- Борчунг бар эсе, хурджунунга ойлаб узал.
- Иги бла джюрюсенг, джетерсе муратынга, аман бла джюрюсенг, къалырса уятха.
- Мухар, кеси тойса да, кёзю тоймаз.
- Чомартны къолу берекет.
- Эл тойса, тоймагъан, эл къойса, къоймагъан.
- Тюкюрюк баш джармаз, налат кёз чыгъармаз!
- «Ёгюз, джаргъа джууукъ барма, меннге джюк боллукъса», - дегенди эшек.
- Эл ауузу – элия.
- Адам сёзюнден белгили.
- Тойгъа алгъа да барма, тойда артха да къалма.
Профиль
|
|
|
|||