Эльбрусоид :: Форум

Баргъанынга кёре болур келгенинг.
Бозанг болмагъан джерге, къалагъынгы сукъма.
Айтхан сёзюне табылгъан.
Тик ёргени, тик энгишгеси да болады.
Сёз – кюмюш, джыр – алтын.
Чабакъ башындан чирийди.
Баш болса, бёрк табылыр.
Сангырау къулакъ эл бузар.
Телиге от эт десенг, юйюнге от салыр.
Бичгенде ашыкъма, тикгенде ашыкъ.
Бёрю да ач къалмасын, эчки да ашалмасын.
Иги сеники эсе да, сюйген кесимикин этеме.
Адам къыйынлыгъын кёлтюрюр, зауукълугъун кёлтюрмез.
Сютден ауузу кюйген, суугъа юфгюре эди.
Мал ёлсе, сюек къалыр, адам ёлсе, иши къалыр.
Чыкълы кюнде чыкъмагъан, чыкъса къуру кирмеген.
Джауумдан сора, кюн кюйдюрюр, ётюрюкден сора, айыб кюйдюрюр.
Тешик этген тынчды, аны джамагъан къыйынды.
Сакъламагъан затынга джолукъсанг, не бек къууанаса, не бек ачыйса.
Таукел тауну аудурур.
Эшекни не къадар тюйсенг да, ат болмаз.
Ата – билек, ана – джюрек!
Битмегеннге сакъал – танг.
Къатын къылыкъсыз, эр тынчлыкъсыз.
Къыйынлы джети элге оноу этер.
Алгъанда – джууукъ, бергенде – джау.
Мал тутхан – май джалар.
Юй кюйдю да, кюйюз чыкъды, ортасындан тюйюш чыкъды.
Аман хансны – урлугъу кёб.
Сакъалы текени да бар, мыйыгъы киштикни да бар.
Къолунгдан къуймакъ ашатсанг да, атаны борчундан къутулмазса.
Тешигини къатында, чычхан да батыр болур.
Эл ауузу – элек, анга ийнаннган – халек.
Ариу сёзде ауруу джокъ.
Халкъны юйю – туугъан джери.
Къарнынг тойгъунчу аша да, белинг талгъынчы ишле.
Иши джокъну, сыйы джокъ.
Ариу джол аджал келтирмез.
Шайтан алдады, тюзлюк къаргъады.
Уллу атлама – абынырса, уллу къабма – къарылырса.
Арба аугъандан сора, джол кёргюзтюучю кёб болур.
Дуния малгъа сатылма, кесингден телиге къатылма.
Нарт сёз – тилни бети.
Тенгни тенглиги джашай барсанг билинир.
Эм ашхы къайын ана мамукъ бла башынгы тешер.
Кесине оноу эте билмеген, халкъына да эте билмез.
Сёлеш деб шай берген, тохта деб, сом берген.
Ашхы тенг джолгъа салыр, аман тенг джолдан тайдырыр.
Чабакъгъа акъыл, табагъа тюшсе келеди.
Тыш элде солтан болгъандан эсе, кесинги элде олтан болгъан игиди!

Логин:
Пароль:
	Запомнить меня на этом компьютере

Забыли свой пароль?
Регистрация