- Алтыда кюлмеген, алтмышда кюлмез.
- Кюн – узун, ёмюр – къысха.
- Билген билмегенни юретген адетди.
- Джылар джаш, атасыны сакъалы бла ойнар.
- Аман къатын сабий табса, бий болур…
- Сыфатында болмагъаны, суратында болмаз.
- Хар адамгъа кеси миннген тау кибик.
- Тюзню ётмеги тюзде къалса да, тас болмаз.
- Киштикге къанат битсе, чыпчыкъ къалмаз эди.
- Абынмазлыкъ аякъ джокъ, джангылмазлыкъ джаякъ джокъ.
- Тиширыусуз юй – отсуз от джагъа.
- Мухар, кеси тойса да, кёзю тоймаз.
- Арбаз къынгырды да, ийнек сауалмайма.
- Джаралыны джастыгъында сау ёлюр.
- Булут кёкге джарашыу, уят бетге джарашыу.
- Чомарт къонакъ юй иесин сыйлар.
- Эшекге миннген – биринчи айыб, андан джыгъылгъан – экинчи айыб.
- Къая джолда джортма, ачыкъ сёзден къоркъма.
- Ашына кёре табагъы, балына кёре къалагъы.
- Кийимни бир кюнню аясанг, минг кюннге джарар.
- Аманны къуугъан, аманлыкъ табар.
- Хар ишни да аллы къыйынды.
- Аманнга игилик этсенг, юйюнге сау бармазса.
- Гитче джилтин уллу элни джандырыр.
- Элни кючю – эмеген.
- Эте билген, этген этеди, эте билмеген, юретген этеди!
- Аманны тукъумуна къарама, игини тукъумун сорма.
- Кёл ашады да, кеси ашады.
- Суу ичген шауданынга тюкюрме.
- Кёлсюзден сёзсюз тууар.
- Тойгъанлыкъ къойгъа джарашады.
- Эски джаугъа ышанма.
- Бети къызарыучу адамны, джюреги харам болмаз.
- Душманны тышы – акъ, ичи – къара.
- Ёлюк кебинсиз къалмаз.
- Тёрени джагъы джокъ.
- Джюрекден джюрекге джол барды.
- Джангызны оту джарыкъ джанмаз!
- Этек чакъмакълары баш джаргъан, сёлешген сёзлери таш джаргъан.
- Ауурну тюбю бла, дженгилни башы бла джюрюген.
- Джарлыны тону джаз битер.
- Кирсизни – саны таза, халалны – къаны таза.
- Илму – джашауну джолу.
- Билмегенинги, билгеннге сор.
- Сёлеш деб шай берген, тохта деб, сом берген.
- Ач къарынны, токъ билмез
- Джашда акъыл джокъ, къартда къарыу джокъ.
- Эртде тургъан джылкъычыны эркек аты тай табар.
- Къанны къан бла джуума, аманны аман бла къуума.
- Терслик кетер, тюзлюк джетер.
Профиль
|
Phoenix
 Эльбрусоид
Cообщений: 22
Баллов: 11
Регистрация: 19.04.2015
Последний визит: 30.01.2017 23:57:58
|
 |
|||
|
|
|
|||