- Окъугъан – асыу, окъумагъан – джарсыу.
- Сёз – кюмюш, джыр – алтын.
- Джашынгы кесинг юретмесенг, джашау юретир.
- Ашхы тенг джолгъа салыр, аман тенг джолдан тайдырыр.
- Татлы тилде – сёз ариу, чемер къолда – иш ариу.
- Ойнаб айтсанг да, эслеб айт.
- Къыз тиширыу кеси юйюнде да къонакъды.
- Атлыны кёрсе, джаяуну буту талыр.
- Экиндини кеч къылсанг, чабыб джетер ашхам.
- Ач, тоймам, дейди, тойгъан, ач болмам, дейди.
- Джети тилни билген джети кишиди.
- Къарнынг бла ёч алма.
- Халкъгъа джарагъан, джарлы къалмаз.
- Намысы джокъну – дуниясы джокъ.
- Суу ичген шауданынга тюкюрме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чакъырылмагъан джерге барма, чакъырылгъан джерден къалма.
- Бичгенде ашыкъма, тикгенде ашыкъ.
- Оюмсуз атлагъан, аджалсыз ёлюр.
- Адамны аманы адамны бети бла ойнар.
- Къонакъ аз олтурур, кёб сынар.
- Юре билмеген ит, къонакъ келтирир.
- Бир онгсуз адам адет чыгъарды, деб эштирик тюлсе.
- Ётюрюк хапар аякъ тюбю бла джюрюйдю.
- Адеб этмеген, адеб кёрмез.
- Уруну арты – къуру.
- Суу да къайтады чыкъгъан джерине.
- Джангыз торгъай джырламаз.
- Ачлыкъ отха секиртир.
- Ач къарным, тынч къулагъым.
- Aдам боллукъ, сыфатындан белгили.
- Биреуню тёрюнден, кесинги эшик артынг игиди.
- Къайгъыны сюйген, къайгъы табар.
- Къууут – джелге, берне – бошха.
- Эл бла кёргенинг эрелей.
- Тёзген – тёш ашар!
- Азыкъ аз болса, эртде орун сал.
- Байлыкъ болгъан джерде, тынчлыкъ джокъду.
- Ёлмесенг да, къарт дамы болмазса?
- Кёбге таш атма.
- Эркишиге тары кебек танг кёрюнюр.
- Ёгюзню мюйюзюнден тутадыла, адамны сёзюнден тутадыла.
- Юйлю уругъа ит чабмаз.
- Джолда аягъынга сакъ бол, ушакъда тилинге сакъ бол.
- Къызны минг тилер, бир алыр.
- Аш иеси бла татлыды.
- Ётюрюкню къуйругъу – бир тутум.
- Айырылмаз джууугъунга, унутмаз сёзню айтма.
- Ашыкъгъанны этеги бутуна чырмалыр.
- Тёрде – темир таякълы, къаяда – чыпчыкъ аякълы.
Профиль
|
Phoenix
 Эльбрусоид
Cообщений: 22
Баллов: 11
Регистрация: 19.04.2015
Последний визит: 30.01.2017 23:57:58
|
 |
|||
|
|
|
|||