- Арбаз къынгырды да, ийнек сауалмайма.
- Эр абынмай, эл танымаз.
- Тойгъан джерден туугъан джер игиди.
- Айныгъанлы алты кюн, тогъайгъанлы тогъуз кюн.
- Эртде тургъан джылкъычыны эркек аты тай табар.
- Адам боллукъ, атламындан белгили болур.
- Ким бла джюрюсенг, аны кёзю бла кёрюнюрсе.
- Къартха ушагъан джаш – акъыллы, джашха ушагъан къарт – тели.
- Джюрекден джюрекге джол барды.
- Ётюрюкню башын керти кесер.
- Бастасын ашагъан, хантусун да ичер.
- Джукъу тёшек сайламайды.
- Биреуню къыйынлыгъы бла кесинге джол ишлеме.
- Рысхы – насыбха къор.
- Адамны аты башхача, акъылы да башхады.
- Аманнга да, игиге да оноусуз къатышма.
- Сууда джау джокъ, кёб сёзде магъана джокъ.
- Чомартха хар кюн да байрамды.
- Келинни – келгинчи, бёркню кийгинчи кёр.
- Аман къатын алгъан, арыр, иги къатын алгъан джарыр.
- Ариу сёз – джаннга азыкъ, аман сёз – башха къазыкъ.
- Аманнга игилик этсенг, юйюнге сау бармазса.
- Адеби болмагъан къыз – тузсуз хант.
- Къарнынг къанлынга кийирир.
- Къызгъанчдан ычхыныр, мухардан ычхынмаз.
- Экеу тутушса, биреу джыгъылыр.
- Эки ойлашыб, бир сёлешген.
- Байны оноуу, джарлыгъа джарамаз.
- Айтылгъан буйрукъ, сёгюлмез
- Экеулен сёлеше тура эселе, орталарына барыб кирме.
- Ургъан суудан башынгы сакъла.
- Арба аугъандан сора, джол кёргюзтюучю кёб болур.
- Ашхы – джыяр, аман – джояр.
- Сабыр джетер муратха, сабырсыз къалыр уятха.
- Гыдай эчки суугъа къараб, мюйюзле кёрмесе, джашма алкъын, дегенди.
- Ышармагъан – кюлмез, кюлмеген – къууанчны билмез.
- Бал – татлы, балдан да бала – татлы.
- Ишлемеген – тишлемез.
- Харам къарнашдан, халал тенг ашхы.
- Кёбден умут этиб, аздан къуру къалма.
- Кюлме джашха – келир башха.
- Ауругъанны сау билмез, ач къарынны токъ билмез.
- Азыкълы ат арымаз, къатыны аман джарымаз.
- Шайтан алдады, тюзлюк къаргъады.
- Баланы адам этген анады.
- Сабий болмагъан джерде, мёлек болмаз.
- Билмезни кёзю кёрмез, этмезни къулагъы эшитмез.
- Ёнгкюч къууана барыр, джылай келир.
- Сабий кёргенин унутмаз.
- Ашхы сёз таш тешер.
Профиль
|
|
|
|||