Эльбрусоид :: Форум

Тёрдеги кюлсе, эшикдеги ышарыр.
Ач уят къоймаз.
Атадан ёксюз – бир ёксюз, анадан ёксюз – эки ёксюз.
Тёрени джагъы джокъ.
Иги сеники эсе да, сюйген кесимикин этеме.
Эринчекге кюн узун.
Къоркъакъны кёзю экили кёрюр.
Иесиз малны бёрю ашар.
Эки къатын алгъан – эки ташны ортасына башын салгъан.
Ашаса, ашамаса да, бёрюню ауузу – къан.
Булут кёкге джарашыу, уят бетге джарашыу.
Мухарны эси – ашарыкъда.
Аманны тукъумуна къарама, игини тукъумун сорма.
Уллу къазанда бишген эт, чий къалмаз.
Aдам боллукъ, сыфатындан белгили.
Ариуну – ауруу кёб.
Аман адамны тепсинге олтуртсанг, къызынгы тилер.
Сыфатында болмагъаны, суратында болмаз.
Ёгюзню мюйюзлери ауурлукъ этмейдиле.
Къарнынг ауруса, ауузунгу тый
Олтуруб кёрюнмей эди да, ёрге туруб кёрюне эди.
Эли джокъну – кёлю джокъ.
Акъылсызны джууукъгъа алма, акъыллыны кенгнге салма.
Адамны бетине къарама, адетине къара.
Кёлю джокъну – джолу джокъ.
Ач келгенни – тойдур, кеч келгенни – къондур.
Махтаннган къыз, тойда джукълар.
Сагъышы джокъ – джукъучу, акъылы джокъ – къаугъачы.
Джиби бир къат джетмей эди да, эки къат тарта эди.
Дуния аламаты сен эсенг да, игиме деб айтма.
Аманны къуугъан, аманлыкъ табар.
Окъумагъан сокъурду, сокъур ташха абыныр!
Бир онгсуз адам адет чыгъарды, деб эштирик тюлсе.
Орундукъ тюбюнде атылсам да, орта джиликме, де да айлан.
Тюз сёз баргъан сууну тыяр.
Джерни букъусу кёкге къонмаз.
Ач къалгъандан, кеч къалгъан къолай.
Къалгъан ишге къар джауар.
Ётюрюкню къуйругъу – бир тутум.
Тюзню ётмеги тюзде къалса да, тас болмаз.
Нёгер болсанг, тенг бол, тенг болмасанг, кенг бол.
Ариу – кёзге, акъыл – джюрекге.
Сескекли кесин билдирир.
Къарт бла баш аша, джаш бла аякъ аша.
Борчунг бар эсе, хурджунунга ойлаб узал.
Биреуню эскиси биреуге джангы болмайды.
Джумушакъ сёз къаты таякъны сындырыр.
Кесинге джетмегенни, кёб сёлешме.
Тулпарлыкъ, билекден тюл – джюрекден.
Абынмазлыкъ аякъ джокъ, джангылмазлыкъ джаякъ джокъ.

Логин:
Пароль:
	Запомнить меня на этом компьютере

Забыли свой пароль?
Регистрация