- Эркиши – от, тиширыу – суу.
- Айырылмаз джууугъунга, унутмаз сёзню айтма.
- Ата Джуртун танымагъан, атасын да танымаз.
- Адамны артындан къара сабан сюрме.
- Къанны къан бла джуума, аманны аман бла къуума.
- Иесиз малны бёрю ашар.
- Къыйынлы джети элге оноу этер.
- Шапа кёб болса, аш татымсыз болур.
- Мухар, кеси тойса да, кёзю тоймаз.
- Джарлы эскисин джамаса, къууаныр.
- Акъыллы эркиши атын махтар, акъылсыз эркиши къатынын махтар.
- Джан саулукъ бермей, сан саулукъ бермезсе.
- Джырына кёре эжиую.
- Накъырда – кертини келечиси.
- Эл бла кёргенинг эрелей.
- Бал – татлы, балдан да бала – татлы.
- Айтхан сёзюне табылгъан.
- Джаш къарыу бла кючлю, къарт акъыл бла кючлю.
- Суу ичген шауданынга тюкюрме.
- Тюзлюк тас болмайды.
- Эллинг бла джау болсанг да, юйюнг бла джау болма.
- Намыс сатылыб алынмайды.
- Чомарт джарлы болмаз.
- Билим ат болуб да чабар, къуш болуб да учар.
- Тойчу джашха къарама, къойчу джашха къара.
- Ач – эснер, ат – кишнер.
- Уруну арты – къуру.
- Урунуу – насыбны анасы.
- Ашда уялгъан – мухар, ишде уялгъан – хомух.
- Къоркъакъны кёзю экили кёрюр.
- Байдан умут эте, джарлыдан ёгюз багъасы къорады.
- Ариу – кёзге, акъыл – джюрекге.
- Джангыз терек къынгыр ёсер.
- Бермеген къол, алмайды.
- Уллу айтханны этмеген – уллаймаз.
- Телиге от эт десенг, юйюнге от салыр.
- Тынгылагъан тынгы бузар.
- Эрни эр этерик да, къара джер этерик да, тиширыуду.
- Адам боллукъ, атламындан белгили болур.
- Ёлген эшек бёрюден къоркъмайды.
- Байлыкъ келсе, акъыл кетер.
- Джарлы джети элни сёзюн этер.
- Бек анасы джыламаз.
- Босагъагъа джууукъ орун болса, ашыгъыб тёрге озма.
- Мал ёлсе, сюек къалыр, адам ёлсе, иши къалыр.
- Аллахдан тилесенг, кёб тиле.
- Сагъышы джокъ – джукъучу, акъылы джокъ – къаугъачы.
- Къартны сыйын кёрмеген, къартлыгъында сыйлы болмаз.
- Тулпарлыкъ, билекден тюл – джюрекден.
- Джашда акъыл джокъ, къартда къарыу джокъ.
Профиль
|
|
|
|||