- Къозулугъунда тоймагъан, къойлугъунда тоймаз.
- Ашыкъгъан cуу, тенгизге джетмез.
- Сёз – кюмюш, джыр – алтын.
- Аджалсыз ёлюм болмаз.
- Бет бетге къараса, бет да джерге къарар.
- Тойну къарнашы – харс, джырны къарнашы – эжиу.
- Джашны джигитлиги сорулур, къызны джигерлиги сорулур.
- Хар ишни да аллы къыйынды.
- Терек ауса, отунчу – кёб.
- Тилчиден кери бол.
- Аурууну келиую тынч, кетиую – къыйын.
- Эски джаугъа ышанма.
- Къоркъакъны кёзю экили кёрюр.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъугъан озар, окъумагъан тозар.
- Кенгеш болса, уруш болмаз.
- Эр абынмай, эл танымаз.
- Ханы къызы буюгъа-буюгъа киштик болду.
- Мен да «сен», дейме, сен да «кесим», дейсе.
- Урама да – ёледи, сатама да – келеди.
- Чакъырылмагъан джерге барма, чакъырылгъан джерден къалма.
- Огъурлуну сёзю – суу, огъурсузну сёзю – уу.
- Биреуге кёлтюрген таягъынг, кесинги башынга урур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тамбла алтындан бюгюн багъыр ашхы.
- Ашхы адам – халкъ байлыгъы, ашхы джер – джашау байлыгъы.
- Булут кёкге джарашыу, уят бетге джарашыу.
- Дуния аламаты сен эсенг да, игиме деб айтма.
- Ашхылыкъ джерде джатмайды, аманлыкъ суугъа батмайды.
- Миллетни бойну – базыкъ, аны бла кюрешген – джазыкъ.
- Таула не мийик болсала да, аууш табылыр.
- Тешик этген тынчды, аны джамагъан къыйынды.
- Къарт болгъан джерде, берекет болур, сабий болгъан джерде, оюн болур.
- Ач къарным, тынч къулагъым.
- Чалманны аллы къалай башланса, арты да алай барады.
- Ата – баланы уясы.
- Хата – гитчеден.
- Джогъун бар этген, барын бал этген.
- Ата Джуртча джер болмаз, туугъан элча эл болмаз.
- Ишлемеген – тишлемез.
- Айырылмаз джууугъунга, унутмаз сёзню айтма.
- Къайтырыкъ эшигинги, къаты уруб чыкъма.
- Иги сеники эсе да, сюйген кесимикин этеме.
- Ишни ахырын ойламай, аллын башлама.
- Къая джолда джортма, ачыкъ сёзден къоркъма.
- Ана къойну – балагъа джандет.
- Эки ойлашыб, бир сёлешген.
- Ёгюзню мюйюзлери ауурлукъ этмейдиле.
- Кёлю джокъну – джолу джокъ.
- Къонагъы джокъну – шоху джокъ.
Профиль
|
|
|
|||