- Ариу сёз – джаннга азыкъ, аман сёз – башха къазыкъ.
- Айыбны суу бла джууалмазса.
- Биреуге аманлыкъ этиб, кесинге игилик табмазса.
- Аманны тукъумуна къарама, игини тукъумун сорма.
- Окъумагъан сокъурду, сокъур ташха абыныр!
- Этим кетсе да, сюегим къалыр.
- Сакъалы текени да бар, мыйыгъы киштикни да бар.
- Билеги кючлю, бирни джыгъар, билими кючлю, мингни джыгъар.
- Тойгъандан сора, ашны сёкме.
- Билими азны – ауузунда кирит.
- Джырчы джырчыгъа – къарнаш.
- Ишленмеген джаш – джюгенсиз ат, ишленмеген къыз – тузсуз хант.
- Чакъырылмагъан джерге барма, чакъырылгъан джерден къалма.
- Борчунг бар эсе, хурджунунга ойлаб узал.
- Чакъырылгъанны аты, чакъырылмагъанны багъасы болур.
- Эл тойса, тоймагъан, эл къойса, къоймагъан.
- Ариу сёзде ауруу джокъ.
- Чакъырылмагъан къонакъ – орунсуз.
- Джангыз терек къынгыр ёсер.
- Кёзню ачылгъаны – иги, ауузну джабылгъаны – иги.
- Къаллай салам берсенг, аллай джууаб алырса.
- Тойгъа алгъа да барма, тойда артха да къалма.
- Кюлме джашха – келир башха.
- Алим болгъандан эсе, адам болгъан къыйынды.
- Джарашыу сюйген – джалынчакъ.
- Иги джашны ышаны – аз сёлешиб, кёб тынгылар.
- Аманнга игилик этсенг, юйюнге сау бармазса.
- Чабар ат – джетген къыз.
- Адеби болмагъан къыз – тузсуз хант.
- Къонакъ аз олтурур, кёб сынар.
- Бети къызарыучу адамны, джюреги харам болмаз.
- Арпа, будай – ащды, алтын, кюмюш а – ташды.
- Адебсиз адам – джюгенсиз ат.
- Ата – баланы уясы.
- Ашаса, ашамаса да, бёрюню ауузу – къан.
- Ёмюрлюк шохлукъну джел элтмез.
- Къызгъанчдан ычхыныр, мухардан ычхынмаз.
- Джаным-тиним – окъуу, билим.
- Адам сёзюнден белгили.
- Чабакъсыз кёлге къармакъ салгъанлыкъгъа, чабакъ тутмазса.
- Эринчекни эр алмаз, эр алса да, кёл салмаз, кёл салса да, кёб бармаз!
- Дуния аламаты сен эсенг да, игиме деб айтма.
- Къыз келсе, джумуш эте келеди, къатын келсе, ушакъ эте келеди.
- Элни кючю – эмеген.
- Дженгил джетерикме деб, узун джолну къоюб, къысхасын барма.
- Терслик кетер, тюзлюк джетер.
- Гырджын – тепсини тамадасы.
- Айтхан – тынч, этген – къыйын.
- Накъырда – кертини келечиси.
- Келгинчи, къонакъ уялыр, келгенден сора, къонакъбай уялыр.
Профиль
|
феминистка-сталинистка
 Эльбрусоид
Cообщений: 192
Баллов: 153
Регистрация: 20.05.2015
Последний визит: 06.12.2015 00:49:59
|
|
||||||
|
|
|
||||||