- Кийимни бир кюнню аясанг, минг кюннге джарар.
- Ач, тоймам, дейди, тойгъан, ач болмам, дейди.
- Тура эдим джата, къайдан чыкъды хата?
- Терек ауса, отунчу – кёб.
- Таякъ этден ётер, тил сюекден ётер.
- Ана – юйню кюн джарыгъы.
- Тин – байлыгъынг, терен саулугъунг.
- Ашхы болсанг, атынг чыгъар, аман болсанг, джанынг чыгъар.
- Ёнгкюч къууана барыр, джылай келир.
- Къонагъы джокъну – шоху джокъ.
- Нёгер болсанг, тенг бол, тенг болмасанг, кенг бол.
- Адам къыйынлыгъын кёлтюрюр, зауукълугъун кёлтюрмез.
- Адебни адебсизден юрен.
- Урунуу – насыбны анасы.
- Джаш болсун, къыз болсун, акъылы, саны тюз болсун.
- Кёкдеги болмаса, джердегин кёрмейди.
- Джерни букъусу кёкге къонмаз.
- Окъ къызбайны джокълайды.
- Тау башында, тау болмаз, джангыз терек, бау болмаз.
- Биреуню къыйынлыгъы бла кесинге джол ишлеме.
- Адамны артындан къара сабан сюрме.
- Окъуу – билимни ачхычы, окъуу – дунияны бачхычы.
- Аурууну келиую тынч, кетиую – къыйын.
- Джарлыны тону джаз битер.
- Джылыгъа джылан илешир.
- Хантына кёре тузу, юйюне кёре къызы.
- Ашха уста, юйюнде болсун
- Мени джылытмагъан кюн, меннге тиймесин!
- Джумушакъ терекни къурт ашар.
- Ёлмесенг да, къарт дамы болмазса?
- Тойгъан антын унутур.
- Тил бла келеди джыр да.
- Айырылгъанланы айю ашар, бёлюннгенлени бёрю ашар.
- Игиге айтсанг – билир, аманнга айтсанг – кюлюр.
- Аман адам этегингден тутса, кес да къач.
- Ата – билек, ана – джюрек!
- Ёлюк кебинсиз къалмаз.
- Окъумагъан сокъурду, сокъур ташха абыныр!
- Ата Джуртча джер болмаз, туугъан элча эл болмаз.
- Ауурну тюбю бла, дженгилни башы бла джюрюген.
- Ашатыргъа иш – ашхы, ишлетирге аш – ашхы.
- Магъанасыз сёз – тауушсуз сыбызгъы.
- Керилген да, ургъан кибикди.
- Ач бёрюге мекям джокъ.
- Ачылгъан эт джабылыр, кёрген кёз унутмаз.
- Къазанны башы ачыкъ болса, итге уят керекди.
- Чабакъгъа акъыл, табагъа тюшсе келеди.
- Босагъагъа джууукъ орун болса, ашыгъыб тёрге озма.
- Азыкъ аз болса, эртде орун сал.
- Мухардан ач ычхынмаз.
Профиль
|
|
|
|||