Эльбрусоид :: Форум

Аякъларынгы джууургъанынга кёре узат.
Кёзню ачылгъаны – иги, ауузну джабылгъаны – иги.
Сыфатында болмагъаны, суратында болмаз.
Кийимни бичсенг, кенг бич, тар этген къыйын тюлдю.
Джангыз терек къынгыр ёсер.
Тыш элде солтан болгъандан эсе, кесинги элде олтан болгъан игиди!
Къарны аманнга къазан такъдырма, къолу аманнга от джакъдырма.
Окъугъанны бети джарыкъ.
Эм ашхы къайын ана мамукъ бла башынгы тешер.
Тойгъан антын унутур.
Ата – баланы уясы.
Чомартха хар кюн да байрамды.
Къарнынг ауруса, ауузунгу тый
Аджаллыгъа окъсуз шкок атылыр.
Керек ташны ауурлугъу джокъ.
Джумушакъ терекни къурт ашар.
Билгенни къолу къарны джандырыр.
Биреуге аманлыкъ этиб, кесинге игилик табмазса.
Aдам боллукъ, сыфатындан белгили.
Ишин билген, аны сыйын чыгъарады.
Ашлыкъны арба юйге келтирир, чана базаргъа элтир.
Иги адам абынса да, джангылмаз.
Садакъачыны джаны – къапчыгъында.
Суу да къайтады чыкъгъан джерине.
Айырылмаз джууугъунга, унутмаз сёзню айтма.
Ёнгкюч къууана барыр, джылай келир.
Джауумдан сора, кюн кюйдюрюр, ётюрюкден сора, айыб кюйдюрюр.
Джолунга кёре – джюрюшюнг, джагъанга кёре – юлюшюнг.
Босагъагъа джууукъ орун болса, ашыгъыб тёрге озма.
Аманны эки битли тону болур, бирин сеннге кийдирир, бирин кеси киер.
Аман къатын сабий табса, бий болур…
Ана къойну – балагъа джандет.
Ашхы атаны – джашы ашхы, ашхы ананы – къызы ашхы.
Кёбге таш атма.
Хар адамгъа кеси миннген тау кибик.
Малны кют, джерни тюрт.
Таукел къуру къалмаз.
Зар адамны насыбы болмаз.
Ойнай-ойнай кёз чыгъар.
Ата Джуртча джер болмаз, туугъан элча эл болмаз.
Эртде тургъан джылкъычыны эркек аты тай табар.
Шекер бла туз – бир болмаз, ушамагъан – юй болмаз.
Айтылгъан сёз ызына къайтмаз.
Айраннга суу къош, телиге джол бош.
Къарнынг бла ёч алма.
Къайтырыкъ эшигинги, къаты уруб чыкъма.
Башы ишлегенни, ауузу да ишлер.
Уллу суу бла уллу ауруудан башынгы сакъла.
Терек ауса, отунчу – кёб.
Юйюнгден чыкъдынг – кюнюнгден чыкъдынг.

Логин:
Пароль:
	Запомнить меня на этом компьютере

Забыли свой пароль?
Регистрация