- Ёлген эшек бёрюден къоркъмайды.
- Иги адам абынса да, джангылмаз.
- Ана къолу ачытмаз.
- Бермеген къол, алмайды.
- Илму – джашауну джолу.
- Ашлыкъ – бюртюкден, джюн – тюкден.
- Тели турса – той бузар.
- Бал чибинни ургъаны – ачы, балы – татлы.
- Ач бёрюге мекям джокъ.
- Дуния аламаты сен эсенг да, игиме деб айтма.
- Тойгъанлыкъ къойгъа джарашады.
- Чомарт джарлы болмаз.
- Бойнуму джети джерден кессенг да, мен ол ишни этеллик тюлме.
- Джигер – джаннга къыйынлыкъ.
- Аууз сакълагъан – джан сакълар.
- Аманнга алтын чыдамаз.
- Намыс болмагъан джерде, насыб болмаз.
- Эл бла кёргенинг эрелей.
- Кёзюнде тереги болгъан, чёбю болгъаннга кюле эди.
- Эки элинги тыйсанг, джети элде махталырса.
- Къыз келсе, джумуш эте келеди, къатын келсе, ушакъ эте келеди.
- Этни да ашады, бетни да ашады.
- Огъурлуну сёзю – суу, огъурсузну сёзю – уу.
- Джетген къыз джерли эшекни танымаз.
- Джарашыу сюйген – джалынчакъ.
- Кенгеш болса, уруш болмаз.
- Ётюрюкден тюбю джокъ, кёлтюрюрге джиби джокъ.
- Джуртун къоругъан озар.
- Баргъанынга кёре болур келгенинг.
- Хазыр ашха – терен къашыкъ.
- Ашда уялгъан – мухар, ишде уялгъан – хомух.
- Къонакъ аман болса, къонакъбай джунчур
- Джырына кёре эжиую.
- Къонагъы джокъну – шоху джокъ.
- Билим насыб берир, билим джолну керир.
- Къызбайны юйюне дери сюрсенг, батыр болур.
- Сабий кёргенин унутмаз.
- Сёз сёзню айтдырыр.
- Иги болса, тамадама – махтау, аман болса, меннге – айыб.
- Къыз тиширыу кеси юйюнде да къонакъды.
- Билмегенинги, билгеннге сор.
- Ата джурт – алтын бешик.
- Ышармагъан – кюлмез, кюлмеген – къууанчны билмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашда – бёрю, ишде – ёлю.
- Окъумагъан сокъурду, сокъур ташха абыныр!
- Къазанда болса, чолпугъа чыгъар.
- Ата – баланы уясы.
- Арыгъан къош чамчы болур.
- Тил джюрекге джол ишлейди.
Профиль
|
|
|
|||