- Тешигини къатында, чычхан да батыр болур.
- Ач да бол, токъ да бол – намысынга бек бол.
- Аз сёлеш, кёб ишле.
- От кюйдюрген, сау болса да, тот кюйдюрген, сау болмаз.
- Бермеген къол, алмайды.
- Эр сокъур болсун, къатын тилсиз болсун.
- Къатыны харакетли болса, эри къымсыз болур.
- Адам къаллай бир ишленмесе, аллай бир кесин уллу кёреди.
- Иги болса, тамадама – махтау, аман болса, меннге – айыб.
- Сабий болмагъан джерде, мёлек болмаз.
- Бет бетге къараса, бет да джерге къарар.
- Тилсиз миллет джокъ болур.
- Аджашхан тёгерек айланыр.
- Джарлы джети элни сёзюн этер.
- Дуния малгъа сатылма, кесингден телиге къатылма.
- Ёзденликни джайгъан – джокълукъ.
- Келинин тута билмеген, къул этер, къызын тута билмеген, тул этер.
- Ашда уялгъан – мухар, ишде уялгъан – хомух.
- Окъугъан озар, окъумагъан тозар.
- Аман киши кеси юйюнде – къонакъ.
- Битмегеннге сакъал – танг.
- Кёб джашагъан – кёб билир.
- Кюн кёрмеген, кюн кёрсе, кюндюз чыракъ джандырыр.
- Байлыкъ келсе, акъыл кетер.
- Уллу къазанда бишген эт, чий къалмаз.
- Кийим тукъум сордурур.
- Уллу къашыкъ эрин джыртар.
- Билмезни кёзю кёрмез, этмезни къулагъы эшитмез.
- Окъуусуз билим – джокъ, билимсиз кюнюнг – джокъ.
- Орну джокъну – сыйы джокъ.
- Хунаны тюбюн къазсанг, юсюнге ауар.
- Ишни аллы бла къууанма да, арты бла къууан.
- Хата – гитчеден.
- Джарлы тюеге минсе да, ит къабар.
- Чоюнну башы ачыкъ болса, итге уят керекди.
- Аз сёлешген, къайгъысыз турур.
- Ат да турмайды бир териде.
- Къарт болгъан джерде, берекет болур, сабий болгъан джерде, оюн болур.
- Бюгюн дуния кибик, тамбла ахыратды.
- Тюз сёз баргъан сууну тыяр.
- Юреннген ауруу къалмаз.
- Къартны бурнун сюрт да, оноугъа тут.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётюрюкден тюбю джокъ, кёлтюрюрге джиби джокъ.
- Сакъламагъан затынга джолукъсанг, не бек къууанаса, не бек ачыйса.
- Таукел къуру къалмаз.
- Бети къызарыучу адамны, джюреги харам болмаз.
- Ачыкъ джюрекге джол – ачыкъ.
- Экеулен сёлеше тура эселе, орталарына барыб кирме.
- Джашынгы кесинг юретмесенг, джашау юретир.
Профиль
|
|
|
|||