- Аманнга алтын чыдамаз.
- Ач къалгъандан, кеч къалгъан къолай.
- Соргъан айыб тюлдю, билмеген айыбды.
- Гыдай эчки суугъа къараб, мюйюзле кёрмесе, джашма алкъын, дегенди.
- Сакъ юйюне сау барыр.
- Чабакъгъа акъыл, табагъа тюшсе келеди.
- Хантына кёре тузу, юйюне кёре къызы.
- Накъырданы арты керти болур.
- Ана – юйню кюн джарыгъы.
- Эм ашхы къайын ана мамукъ бла башынгы тешер.
- Кёпюр салгъан кеси ётер, уру къазгъан кеси кетер.
- Азыкълы ат арымаз, къатыны аман джарымаз.
- Билим къая тешер.
- Шайтан алдады, тюзлюк къаргъады.
- Эркишини аманы тиширыуну джылатыр.
- Керек ташны ауурлугъу джокъ.
- Билмейме деген – бир сёз
- Къонакъ хазыр болгъанлыкъгъа, къонакъбай хазыр тюлдю.
- Бастасын ашагъан, хантусун да ичер.
- Ашлыкъны арба юйге келтирир, чана базаргъа элтир.
- Джюрекге ариу – кёзге да ариу.
- Сёз къанатсыз учар.
- Къайгъыны сюйген, къайгъы табар.
- Къобан да къуру да къобханлай турмайды, адам да къуру да патчахлай турмайды.
- Къартха ушагъан джаш – акъыллы, джашха ушагъан къарт – тели.
- Кёзюнде тереги болгъан, чёбю болгъаннга кюле эди.
- Билгенни къолу къарны джандырыр.
- Сабыр джетер муратха, сабырсыз къалыр уятха.
- Къуллукъчума, деб махтанма, къуллукъ – хаух джамчыды!
- Къая джолда джортма, ачыкъ сёзден къоркъма.
- Байдан умут эте, джарлыдан ёгюз багъасы къорады.
- Aдам боллукъ, сыфатындан белгили.
- Ишни ахырын ойламай, аллын башлама.
- Адеби болмагъан къыз – тузсуз хант.
- Дуния мал дунияда къалады.
- Къозулугъунда тоймагъан, къойлугъунда тоймаз.
- Хар адамгъа кеси миннген тау кибик.
- Баланы адам этген анады.
- Суугъа – чабакъ, къаягъа – ыргъакъ.
- Босагъа таш юйге кирмей эди, тыбыр таш эшикге чыкъмай эди.
- Керилген да, ургъан кибикди.
- Сыфатында болмагъаны, суратында болмаз.
- Ариу сёз – джаннга азыкъ, аман сёз – башха къазыкъ.
- Азыгъы аз, алгъа къабар, аты аман, алгъа чабар.
- Билим ат болуб да чабар, къуш болуб да учар.
- Узун джолну барсанг, бюгюн келирсе, къысха джолну барсанг, тамбла келирсе.
- Биреуню къыйынлыгъы бла кесинге джол ишлеме.
- Баш болса, бёрк табылыр.
- Бозанг болмагъан джерге, къалагъынгы сукъма.
- Биреуге кёлтюрген таягъынг, кесинги башынга урур.
Профиль
|
|
|
|||