- Тилсиз миллет джокъ болур.
- Ёзденликни джайгъан – джокълукъ.
- Хар зат кесини орнуна иги.
- Билгенни къолу къарны джандырыр.
- Къар – келтирди, суу – элтди.
- Гугурук къычырмаса да, тангны атары къалмаз.
- Аллахха ийнаннган кишини, Аллах онгдурур ишин.
- Аш хазыр болса, иш харам болур.
- Къонакъ болсанг, ийнакъ бол.
- Сёз къанатсыз учар.
- Аджалсыз ёлюм болмаз.
- Тойгъандан сора, ашны сёкме.
- Ариу – кёзге, акъыл – джюрекге.
- Итли къонакъ джарашмаз.
- Чомарт джарлы болмаз.
- Джашда акъыл джокъ, къартда къарыу джокъ.
- Джаз бир кюнню джатсанг, къыш талай кюнню абынырса.
- Ашхы сёз таш тешер.
- Къуллукъчума, деб махтанма, къуллукъ – хаух джамчыды!
- Битмегеннге сакъал – танг.
- Аш берме да, къаш бер.
- Башда акъыл болмаса, эки аякъгъа кюч джетер.
- Къобан да къуру да къобханлай турмайды, адам да къуру да патчахлай турмайды.
- Кёл ашады да, кеси ашады.
- Аман киши кеси юйюнде – къонакъ.
- Эрни эр этерик да, къара джер этерик да, тиширыуду.
- Эки итни арасына сюек атма, эки адамны арасында сёз чыгъарма.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёлген эшек бёрюден къоркъмайды.
- Къонакъны къачан кетерин сорма, къачан келлигин сор.
- Хоншуну тауугъу къаз кёрюнюр, келини къыз кёрюнюр.
- Чалманны аллы къалай башланса, арты да алай барады.
- Адеб джокъда, намыс джокъ.
- Адамны сабийин сюйген джюреги, бычакъча, джитиди.
- Элни кючю – эмеген.
- Уруну арты – къуру.
- Таякъ этден ётер, тил сюекден ётер.
- Сакъ юйюне сау барыр.
- Иши джокъну, сыйы джокъ.
- Ашын ашагъанынгы, башын да сыйла.
- Байдан умут эте, джарлыдан ёгюз багъасы къорады.
- Нафысынгы айтханын этме, намысынгы айтханын эт.
- Тин – байлыгъынг, терен саулугъунг.
- Тойгъан джерге джети къайт.
- Сютден ауузу кюйген, суугъа юфгюре эди.
- Нёгер болсанг, тенг бол, тенг болмасанг, кенг бол.
- Ашха уста, юйюнде болсун
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ойнай-ойнай кёз чыгъар.
- Тиширыусуз юй – отсуз от джагъа.
Профиль
|
|
|
|||