- Билмейме деген – бир сёз
- Эки къатын алгъанны къулагъы тынгнгаймаз.
- Мен да «сен», дейме, сен да «кесим», дейсе.
- Биреуге аманлыкъны тилеме да, кесинге ашхылыкъны тиле.
- Адеби болмагъан къыз – тузсуз хант.
- Иги джашны ышаны – аз сёлешиб, кёб тынгылар.
- Къонакъны къачан кетерин сорма, къачан келлигин сор.
- Намысы джокъну – дуниясы джокъ.
- Ётюрюк хапар аякъ тюбю бла джюрюйдю.
- Урама да – ёледи, сатама да – келеди.
- Джангызны оту джарыкъ джанмаз!
- Бетинги сатма, малынгы сат.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Байдан умут эте, джарлыдан ёгюз багъасы къорады.
- Акъыл неден да кючлюдю.
- Эл ауузу – элек, анга ийнаннган – халек.
- Джыгъылгъанны сырты джерден тоймаз.
- Иги адамны бир сёзю эки болмаз.
- Джаным-тиним – окъуу, билим.
- Кечеси – аяз, кюню – къыш, джарлы къаргъагъа бир аш тюш!
- Айраннга суу къош, телиге джол бош.
- Тик ёргени, тик энгишгеси да болады.
- Къыйынлы джети элге оноу этер.
- Айырылмаз джууугъунга, унутмаз сёзню айтма.
- Джыланны къуйругъундан басарынг келсе, аны башы болгъанын унутма.
- Эки къатын алгъан – эки ташны ортасына башын салгъан.
- Рысхы – сют юсюнде кёмюк кибикди.
- Тыш элде солтан болгъандан эсе, кесинги элде олтан болгъан игиди!
- Къайтырыкъ эшигинги, къаты уруб чыкъма.
- Къызгъанчдан ычхыныр, мухардан ычхынмаз.
- Тил – миллетни джаны.
- Аманнга да, игиге да оноусуз къатышма.
- Ауругъан – джашаудан умутчу.
- Тин – байлыгъынг, терен саулугъунг.
- Сёз садакъдан кючлюдю.
- Чакъырылмагъан къонакъ – орунсуз.
- Эли джокъну – кёлю джокъ.
- Айтхан – тынч, этген – къыйын.
- Суу кетер, таш къалыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Ёлген эшек бёрюден къоркъмайды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тамырсыз терекге таянма – джыгъылырса.
- Хазыр ашха – терен къашыкъ.
- Бичгенде ашыкъма, тикгенде ашыкъ.
- Эринчекни аурууу – кёб.
- Кёлю джокъну – джолу джокъ.
- Тёрени джагъы джокъ.
- Ашхы сёз таш тешер.
- Бал чибинни ургъаны – ачы, балы – татлы.
Профиль
|
|
|
|||