- Къозулугъунда тоймагъан, къойлугъунда тоймаз.
- Гитче джилтин уллу элни джандырыр.
- Тилсиз миллет джокъ болур.
- Ашхы адам – халкъ байлыгъы, ашхы джер – джашау байлыгъы.
- Экеу тутушса, биреу джыгъылыр.
- Илму – джашауну джолу.
- Джол бла сёзню къыйыры джокъ.
- Кёбню кёрген – кёб билир.
- Окъуусуз билим – джокъ, билимсиз кюнюнг – джокъ.
- Урама да – ёледи, сатама да – келеди.
- Юй ишлеген балта эшикде къалыр.
- Арбаз къынгырды да, ийнек сауалмайма.
- Харам къарнашдан, халал тенг ашхы.
- Тешик этген тынчды, аны джамагъан къыйынды.
- Джаралыны джастыгъында сау ёлюр.
- Джарлы эскисин джамаса, къууаныр.
- Ашарыкъда сайлагъаннга – чий гырджын.
- Кёб ант этген, кёб ётюрюк айтыр.
- Къарнынг бла ёч алма.
- Телиге от эт десенг, юйюнге от салыр.
- Ашда уялгъан – мухар, ишде уялгъан – хомух.
- Ата – билек, ана – джюрек!
- Джюрекге ариу – кёзге да ариу.
- Кёбден умут этиб, аздан къуру къалма.
- Кёпюр салгъан кеси ётер, уру къазгъан кеси кетер.
- Къартны бурнун сюрт да, оноугъа тут.
- Къызбайны юйюне дери сюрсенг, батыр болур.
- Къонакъ кёб келюучю юйню, къазаны отдан тюшмез.
- Къумурсхала джыйылсала, пилни да джыгъадыла.
- Джашны джигитлиги сорулур, къызны джигерлиги сорулур.
- Баш болса, бёрк табылыр.
- Хар адамгъа кеси миннген тау кибик.
- Чыкълы кюнде чыкъмагъан, чыкъса къуру кирмеген.
- Джигер – джаннга къыйынлыкъ.
- Джыгъылгъанны сырты джерден тоймаз.
- Сормай – алма, чакъырылмай – барма.
- Гугук кесини атын айтыб къычыргъанча, мен, мен деб нек тураса?
- Юйюнг бла джау болгъандан эсе, элинг бла джау бол.
- Болджал ишни бёрю ашар.
- Аллахдан тилесенг, кёб тиле.
- Аман адам элни бир-бирине джау этер.
- Акъыллы эркиши атын махтар, акъылсыз эркиши къатынын махтар.
- Ёнгкюч къууана барыр, джылай келир.
- Къатыны харакетли болса, эри къымсыз болур.
- Къарт бла баш аша, джаш бла аякъ аша.
- Тенгни тенглиги джашай барсанг билинир.
- Онгсузну – джакъла, тенгликни – сакъла.
- Ханы къызы буюгъа-буюгъа киштик болду.
- От кюйдюрген, сау болса да, тот кюйдюрген, сау болмаз.
- Джукъу тёшек сайламайды.
Профиль
|
|
|
|||