- Адебсиз адам – джюгенсиз ат.
- Бал – татлы, балдан да бала – татлы.
- Джарлы тюеге минсе да, ит къабар.
- Мал тутхан – май джалар.
- Сагъышы джокъ – джукъучу, акъылы джокъ – къаугъачы.
- Тили узунну, намысы – къысха.
- Хунаны тюбюн къазсанг, юсюнге ауар.
- Босагъа таш юйге кирмей эди, тыбыр таш эшикге чыкъмай эди.
- Акъдан къара болмаз.
- Тамбла алтындан бюгюн багъыр ашхы.
- Джылар джаш, атасыны сакъалы бла ойнар.
- Келинни – келгинчи, бёркню кийгинчи кёр.
- Уллу атлама – абынырса, уллу къабма – къарылырса.
- Тёзгеннге, джабылгъан эшик ачылыр.
- Биреу ашаб къутулур, биреу джалаб тутулур.
- Хар адамгъа кеси миннген тау кибик.
- Тёрени джагъы джокъ.
- Ач къарным, тынч къулагъым.
- Эркиши – от, тиширыу – суу.
- Кесинг сынамагъан затны, адамгъа буюрма.
- Этни бети бла шорпасы.
- Тил бла келеди джыр да.
- Ётюрюк хапар аякъ тюбю бла джюрюйдю.
- Мал ёлсе, сюек къалыр, адам ёлсе, иши къалыр.
- Къазанда болса, чолпугъа чыгъар.
- Тойгъа алгъа да барма, тойда артха да къалма.
- Билим – акъылны чырагъы.
- Баланы адам этген анады.
- Сёз садакъдан кючлюдю.
- Ана къолу ачытмаз.
- Аманнга игилик этсенг, юйюнге сау бармазса.
- Джахил болса анасы, не билликди баласы?
- Ач бёрюге мекям джокъ.
- Къатын байлыкъны сюер, эр саулукъну сюер.
- Ачлыкъ отха секиртир.
- Аз сёлеш, кёб ишле.
- Бичгенде ашыкъма, тикгенде ашыкъ.
- Келинин тута билмеген, къул этер, къызын тута билмеген, тул этер.
- Таула не мийик болсала да, аууш табылыр.
- Гугук кесини атын айтыб къычыргъанча, мен, мен деб нек тураса?
- Къонакъны къачан кетерин сорма, къачан келлигин сор.
- Къайгъы тюбю – тенгиз.
- Ариу сёзде ауруу джокъ.
- Ётюрюкню башын керти кесер.
- Къазанны башы ачыкъ болса, итге уят керекди.
- Джумушакъ терекни къурт ашар.
- Акъыллы айтыр эди, акъылсыз къоймайды.
- Баргъанынга кёре болур келгенинг.
- Суу кетер, таш къалыр.
- Байлыкъ келсе, акъыл кетер.
Профиль
|
Диана
 Эльбрусоид
Cообщений: 97
Баллов: 77
Регистрация: 07.01.2016
Последний визит: 02.03.2020 22:35:59
|
|
||||||||
|
|
|
||||||||