- Хар ишни да аллы къыйынды.
- Къолу уллу – асыу, аягъы уллу – джарсыу.
- Тёрдеги кюлсе, эшикдеги ышарыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Накъырданы арты керти болур.
- Акъыллы эркиши атын махтар, акъылсыз эркиши къатынын махтар.
- Окъугъан – асыу, окъумагъан – джарсыу.
- Къартны сыйын кёрмеген, къартлыгъында сыйлы болмаз.
- Булут кёкге джарашыу, уят бетге джарашыу.
- Зарда марда джокъ.
- Тешигини къатында, чычхан да батыр болур.
- Таукел къуру къалмаз.
- Биреуню эскиси биреуге джангы болмайды.
- Юй кюйдю да, кюйюз чыкъды, ортасындан тюйюш чыкъды.
- Болджал ишни бёрю ашар.
- Къарны аманнга къазан такъдырма, къолу аманнга от джакъдырма.
- Хаухну атма, ёнгкючню сатма.
- Биреуге аманлыкъ этиб, кесинге игилик табмазса.
- Кёлю джокъну – джолу джокъ.
- Къонагъынгы артмагъын алма да, алгъышын ал.
- Билмейме деген – бир сёз
- Таякъ этден ётер, тил сюекден ётер.
- Ашхы сёз таш тешер.
- Тамбла алтындан бюгюн багъыр ашхы.
- Къайгъыны сюйген, къайгъы табар.
- Бермеген къол, алмайды.
- Алгъанда – джууукъ, бергенде – джау.
- Адам къыйынлыгъын кёлтюрюр, зауукълугъун кёлтюрмез.
- Хар адамгъа кеси миннген тау кибик.
- Элге къуллукъ этмеген, элге ие болмаз.
- Aдам боллукъ, сыфатындан белгили.
- Керилген да, ургъан кибикди.
- Биреуню тёрюнден, кесинги эшик артынг игиди.
- Ишлегенден, къарагъан уста.
- Эртде тургъан бла эртде юйленнген сокъуранмаз.
- Чакъырылгъанны аты, чакъырылмагъанны багъасы болур.
- Ата джурт – алтын бешик.
- Босагъагъа джууукъ орун болса, ашыгъыб тёрге озма.
- Кёзюнде тереги болгъан, чёбю болгъаннга кюле эди.
- Чомартны къолу берекет.
- Хатерли къул болур.
- Джыгъылгъанны сырты джерден тоймаз.
- Къонакъны къачан кетерин сорма, къачан келлигин сор.
- Мен да «сен», дейме, сен да «кесим», дейсе.
- Ач къалгъандан, кеч къалгъан къолай.
- Айныгъанлы алты кюн, тогъайгъанлы тогъуз кюн.
- Айтханы чапыракъдан ётмеген.
- Арба аугъандан сора, джол кёргюзтюучю кёб болур.
- Эринчекге кюн узун.
- Кютгени беш эчки, сызгъыргъаны уа, джерни джарады.
Профиль
|
|
|
|||