- Айырылмаз джууугъунга, унутмаз сёзню айтма.
- Тынгылагъан тынгы бузар.
- Чомартха хар кюн да байрамды.
- Къолу уллу – асыу, аягъы уллу – джарсыу.
- Азыкълы ат арымаз, къатыны аман джарымаз.
- Сыфатында болмагъаны, суратында болмаз.
- Уллу къазанда бишген эт, чий къалмаз.
- Ёзденликни джайгъан – джокълукъ.
- Къобан да къуру да къобханлай турмайды, адам да къуру да патчахлай турмайды.
- Къыйынлы джети элге оноу этер.
- Акъыл къартда, джашда тюйюлдю – башдады.
- Сакъламагъан затынга джолукъсанг, не бек къууанаса, не бек ачыйса.
- Ёпкелегенни ашы татлы болады.
- Тиширыусуз юй – отсуз от джагъа.
- Аз айтсам, кёб ангылагъыз.
- Ана кёлю – балада, бала кёлю – талада.
- Джюрекге ариу – кёзге да ариу.
- Ётюрюкден тюбю джокъ, кёлтюрюрге джиби джокъ.
- Эте билген, этген этеди, эте билмеген, юретген этеди!
- Джолунга кёре – джюрюшюнг, джагъанга кёре – юлюшюнг.
- Сютден ауузу кюйген, суугъа юфгюре эди.
- Ашына кёре табагъы, балына кёре къалагъы.
- Эл бла кёргенинг эрелей.
- Кимни – тили, тиши онглу, кимни – къолу, иши онглу.
- Тойгъан джерге джети къайт.
- Къатын къылыкъсыз, эр тынчлыкъсыз.
- Чакъырылмагъан джерге барма, чакъырылгъан джерден къалма.
- Байдан умут эте, джарлыдан ёгюз багъасы къорады.
- Сёз сёзню айтдырыр.
- Тулпарлыкъ, билекден тюл – джюрекден.
- Aдам боллукъ, сыфатындан белгили.
- Эр абынмай, эл танымаз.
- Акъыл неден да кючлюдю.
- Ат да турмайды бир териде.
- Ашлыкъ – бюртюкден, джюн – тюкден.
- Чакъырылмагъан къонакъ – орунсуз.
- Биреуге кёлтюрген таягъынг, кесинги башынга урур.
- Джангыз терек къынгыр ёсер.
- Аман адам элни бир-бирине джау этер.
- Терек ауса, отунчу – кёб.
- Юй кюйдю да, кюйюз чыкъды, ортасындан тюйюш чыкъды.
- Эл ауузу – элия.
- Джолда аягъынга сакъ бол, ушакъда тилинге сакъ бол.
- Джаз бир кюнню джатсанг, къыш талай кюнню абынырса.
- Кёб джат да, бек чаб.
- Артына баргъанны, къатына барма.
- Чабакъсыз кёлге къармакъ салгъанлыкъгъа, чабакъ тутмазса.
- Тамырсыз терекге таянма – джыгъылырса.
- Кесинге джетмегенни, кёб сёлешме.
- Джаш къарыу бла кючлю, къарт акъыл бла кючлю.
Профиль
|
|
|
|||