- Джаз бир кюнню джатсанг, къыш талай кюнню абынырса.
- Чомарт джарлы болмаз.
- Болджал ишни бёрю ашар.
- Итли къонакъ джарашмаз.
- Ишлерге уял да, ашаргъа табма.
- Аман хансны – урлугъу кёб.
- Тойгъанлыкъ къойгъа джарашады.
- Зар адамны насыбы болмаз.
- Телини эшигин, махтау джабар.
- Келлик заман – къартлыкъ келтирир, кетген заман – джашлыкъ ёлтюрюр.
- Джеринден айырылгъан – джети джылар, джуртундан айырылгъан – ёлгюнчю джылар.
- Эр сокъур болсун, къатын тилсиз болсун.
- Билим ат болуб да чабар, къуш болуб да учар.
- Джырчы ёлсе, джыры къалыр.
- Сескекли кесин билдирир.
- Аурууну келиую тынч, кетиую – къыйын.
- Джарлыны тону джаз битер.
- Тил бла келеди джыр да.
- Этни да ашады, бетни да ашады.
- Къарнынг тойгъунчу аша да, белинг талгъынчы ишле.
- Биреуню эскиси биреуге джангы болмайды.
- Эм ашхы къайын ана мамукъ бла башынгы тешер.
- Айтылгъан буйрукъ, сёгюлмез
- Бети бедерден, намыс сакълама.
- Тилчи тилден къаныкъмаз.
- Сакъламагъан затынга джолукъсанг, не бек къууанаса, не бек ачыйса.
- Садакъачыны джаны – къапчыгъында.
- Къан бла кирген, джан бла чыгъар.
- Этек чакъмакълары баш джаргъан, сёлешген сёзлери таш джаргъан.
- Джаш болсун, къыз болсун, акъылы, саны тюз болсун.
- Адам туугъан джеринде, ит тойгъан джеринде.
- Кёб джашагъан – кёб билир.
- Ач бёрюге мекям джокъ.
- Олтуруб кёрюнмей эди да, ёрге туруб кёрюне эди.
- Чёбню кёлтюрсенг, тюбюнден сёз чыгъар.
- Ойнай билмеген, оюн бузар.
- Бастасын ашагъан, хантусун да ичер.
- Къошда джокъгъа – юлюш джокъ.
- Ата – билек, ана – джюрек!
- Суу ичген шауданынга тюкюрме.
- Эки къатын алгъан – эки ташны ортасына башын салгъан.
- Акъыл бла адеб эгизледиле.
- Татлы сёз – балдан татлы.
- Насыб бютеу халкъны юлюшюдю.
- Ауругъанны сау билмез, ач къарынны токъ билмез.
- Абынмазлыкъ аякъ джокъ, джангылмазлыкъ джаякъ джокъ.
- Эки ойлашыб, бир сёлешген.
- Ашхы адам – халкъ байлыгъы, ашхы джер – джашау байлыгъы.
- Сабийликде юретмесенг, уллу болса – тюзелмез.
- Ётюрюкню къуйругъу – бир тутум.
Профиль
|
|
|
|||