- Тас болгъан бычакъны сабы – алтын.
- Уллу сёлешме да, уллу къаб.
- Иги джашны ышаны – аз сёлешиб, кёб тынгылар.
- Сабий болмагъан джерде, мёлек болмаз.
- Атадан ёксюз – бир ёксюз, анадан ёксюз – эки ёксюз.
- Акъыл аздырмаз, билим тоздурмаз.
- Айтхан – тынч, этген – къыйын.
- Шапа кёб болса, аш татымсыз болур.
- Джарашыу сюйген – джалынчакъ.
- Чакъырылмагъан джерге барма, чакъырылгъан джерден къалма.
- Джыгъылгъанны сырты джерден тоймаз.
- Ишни ахырын ойламай, аллын башлама.
- Хар адамгъа кеси миннген тау кибик.
- Адам сёзюнден белгили.
- Нёгерсизни джолу узун.
- Эрине къаргъыш этген къатын, эрнин къабар.
- Джарлыны тону джаз битер.
- Эл ауузу – элия.
- Эл бла кёргенинг эрелей.
- Мураты болгъанны джюрек тебюую башхады.
- Билим къая тешер.
- Джылар джаш, атасыны сакъалы бла ойнар.
- Терслик кетер, тюзлюк джетер.
- Къайгъы тюбю – тенгиз.
- Эл ауузу – элек, анга ийнаннган – халек.
- Атынг аманнга чыкъгъандан эсе, джанынг тамагъынгдан чыкъсын.
- Ашхы атаны – джашы ашхы, ашхы ананы – къызы ашхы.
- Аман адам этегингден тутса, кес да къач.
- Джеринден айырылгъан – джети джылар, джуртундан айырылгъан – ёлгюнчю джылар.
- Бет бетге къараса, бет да джерге къарар.
- Ёпкелегенни ашы татлы болады.
- Кёбню кёрген – кёб билир.
- Тёгюлген тюгел джыйылмайды.
- Эте билген, этген этеди, эте билмеген, юретген этеди!
- Хатерли къул болур.
- Чабакъ башындан чирийди.
- Ишге юренсин къоллары, халкъ бла болсун джоллары.
- Эл тойса, тоймагъан, эл къойса, къоймагъан.
- Сескекли кесин билдирир.
- Джаш къарыу бла кючлю, къарт акъыл бла кючлю.
- Къыйынлы джети элге оноу этер.
- Джолда аягъынга сакъ бол, ушакъда тилинге сакъ бол.
- Ариуну – ауруу кёб.
- Тилчи бир сагъатха айлыкъ хата этер.
- Къарын къуру болса, джюрек уру болур.
- Чомарт къолда мал къалмаз.
- Сёлеш деб шай берген, тохта деб, сом берген.
- Адамны сабийин сюйген джюреги, бычакъча, джитиди.
- Ачылгъан эт джабылыр, кёрген кёз унутмаз.
- Мал ёлсе, сюек къалыр, адам ёлсе, иши къалыр.
Профиль
|
|
|
|||