- Кесинге джетмегенни, кёб сёлешме.
- Аш хазыр болса, иш харам болур.
- Акъыл сабырлыкъ берир.
- Иги – алгъыш этер, аман – къаргъыш этер.
- Ауузу аманнга «иги», деме.
- Эли джокъну – кёлю джокъ.
- Джигер – джаннга къыйынлыкъ.
- Ач отунчуну ачыуу – бурнунда.
- Кёбню кёрген – кёб билир.
- Башы ишлегенни, ауузу да ишлер.
- Джаралыны джастыгъында сау ёлюр.
- Байны оноуу, джарлыгъа джарамаз.
- Къонакъны къачан кетерин сорма, къачан келлигин сор.
- Ишге юренсин къоллары, халкъ бла болсун джоллары.
- Тойну къарнашы – харс, джырны къарнашы – эжиу.
- Тил джюрекге джол ишлейди.
- «Ма», - дегенни билмесенг, «бер», - дегенни билмезсе.
- Бек ашыкъгъан меннге джетсин, дегенди аракъы.
- Накъырда – кертини келечиси.
- Ёксюзню тилеги къабыл болур.
- Сабий кёргенин унутмаз.
- Джукъу тёшек сайламайды.
- Джуртун къоругъан озар.
- Ёлген эшек бёрюден къоркъмайды.
- Джолунга кёре – джюрюшюнг, джагъанга кёре – юлюшюнг.
- Аманнга алтын чыдамаз.
- Кёбге таш атма.
- Зар адам ашынгы ашар, кесинги сатар.
- Гитче джилтин уллу элни джандырыр.
- Аш кетер да бет къалыр.
- Мен да «сен», дейме, сен да «кесим», дейсе.
- Къобан да къуру да къобханлай турмайды, адам да къуру да патчахлай турмайды.
- Эки къатын алгъан – эки ташны ортасына башын салгъан.
- Гыдай эчки суугъа къараб, мюйюзле кёрмесе, джашма алкъын, дегенди.
- Орну джокъну – сыйы джокъ.
- Кёб джат да, бек чаб.
- Тойгъа барсанг, тоюб бар, эски тонунгу къоюб бар.
- Керти сёзге тёре джокъ.
- Башынга джетмегенни сорма.
- Джырчы джырчыгъа – къарнаш.
- Акъыл неден да кючлюдю.
- Джашынгы кесинг юретмесенг, джашау юретир.
- Адамны бетине къарама, адетине къара.
- Эки элинги тыйсанг, джети элде махталырса.
- Къарнынг тойгъунчу аша да, белинг талгъынчы ишле.
- Къыйынлы джети элге оноу этер.
- Эшекни не къадар тюйсенг да, ат болмаз.
- Этни бети бла шорпасы.
- Телини эшигин, махтау джабар.
- Къолунгдан къуймакъ ашатсанг да, атаны борчундан къутулмазса.
Профиль
|
|
|
|||