- Ётюрюкчюню шагъаты – къатында.
- Адебни адебсизден юрен.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сибиртки да сыйлы болду, кюрек да кюнлю болду.
- Иги – алгъыш этер, аман – къаргъыш этер.
- Чомартны къолун джокълукъ байлар.
- Таукел адам тау тешер.
- Джол бла сёзню къыйыры джокъ.
- Ашын ашагъанынгы, башын да сыйла.
- Нафысынгы айтханын этме, намысынгы айтханын эт.
- Къолунгдан къуймакъ ашатсанг да, атаны борчундан къутулмазса.
- Итли къонакъ джарашмаз.
- Чомарт бергенин айтмаз.
- Айтхан – тынч, этген – къыйын.
- Абынмазлыкъ аякъ джокъ, джангылмазлыкъ джаякъ джокъ.
- Ариу сёз – джаннга азыкъ, аман сёз – башха къазыкъ.
- Болджал ишни бёрю ашар.
- Ёлген аслан – сау чычхан.
- Адамны аты башхача, акъылы да башхады.
- Къонакъ аман болса, къонакъбай джунчур
- Мал ёлсе, сюек къалыр, адам ёлсе, иши къалыр.
- Джаным-тиним – окъуу, билим.
- Кёб джат да, бек чаб.
- Келлик заман – къартлыкъ келтирир, кетген заман – джашлыкъ ёлтюрюр.
- Кёбню кёрген – кёб билир.
- Эм уллу байлыкъ – джан саулукъ.
- Уллу къашыкъ эрин джыртар.
- Тилде сюек болмаса да, сюек сындырыр.
- Ёлюр джаннга, ёкюл джокъ.
- Экеу тутушса, биреу джыгъылыр.
- Ойнай билмеген, уруб къачар.
- Ичимден чыкъды хата, къайры барайым сата?
- Эринчекни аурууу – кёб.
- Акъыллы – эл иеси, тели – эл баласы.
- Рысхы – насыбха къор.
- Телиге акъыл салгъандан эсе, ёлгеннге джан салырса.
- Джырына кёре эжиую.
- Джырчы ёлсе, джыры къалыр.
- Джюрекге ариу – кёзге да ариу.
- Келинин тута билмеген, къул этер, къызын тута билмеген, тул этер.
- Тик ёргени, тик энгишгеси да болады.
- Ауурну тюбю бла, дженгилни башы бла джюрюген.
- Aдам боллукъ, сыфатындан белгили.
- Окъумагъан сокъурду, сокъур ташха абыныр!
- Окъугъанны бети джарыкъ.
- Билимсиз иш бармаз.
- Ата Джуртун танымагъан, атасын да танымаз.
- Кёбге таш атма.
- Ургъан суудан башынгы сакъла.
- Джырчы джырчыгъа – къарнаш.
Профиль
|
|
|
|||