- Танг атмайма десе да, кюн къоярыкъ тюйюлдю.
- Ишин билген, аны сыйын чыгъарады.
- Къарны аманнга къазан такъдырма, къолу аманнга от джакъдырма.
- Бал ашаргъа сюе эсенг, чибин ургъаннга тёз.
- Чомартны къолун джокълукъ байлар.
- Бойнуму джети джерден кессенг да, мен ол ишни этеллик тюлме.
- Ханнга да келеди хариблик.
- Намысы болмагъанны, сыйы болмаз.
- Айранны сюйген, ийнек тутар.
- Тюз сёз баргъан сууну тыяр.
- Болджал ишни бёрю ашар.
- Кютгени беш эчки, сызгъыргъаны уа, джерни джарады.
- Ишленмеклик адамлыкъды.
- Ач – эснер, ат – кишнер.
- Ойнай билмеген, оюн бузар.
- Джумушакъ терекни къурт ашар.
- Эки элинги тыйсанг, джети элде махталырса.
- Кюн кёрмеген, кюн кёрсе, кюндюз чыракъ джандырыр.
- Келгинчи, къонакъ уялыр, келгенден сора, къонакъбай уялыр.
- Хар адамгъа кеси миннген тау кибик.
- Терслик кетер, тюзлюк джетер.
- Мухардан ач ычхынмаз.
- Башда акъыл болмаса, эки аякъгъа кюч джетер.
- Баргъанынга кёре болур келгенинг.
- Тюкюрюк баш джармаз, налат кёз чыгъармаз!
- Сагъышы джокъ – джукъучу, акъылы джокъ – къаугъачы.
- Джол бла сёзню къыйыры джокъ.
- Нёгер болсанг, тенг бол, тенг болмасанг, кенг бол.
- Булут кёкге джарашыу, уят бетге джарашыу.
- Аш иеси бла татлыды.
- Уллу атлама – абынырса, уллу къабма – къарылырса.
- Чоюнну башы ачыкъ болса, итге уят керекди.
- Тил – кесген бычакъ, сёз – атылгъан окъ.
- Сакъ юйюне сау барыр.
- Сабий кёргенин унутмаз.
- Тилсиз миллет джокъ болур.
- Алим болгъандан эсе, адам болгъан къыйынды.
- Эллинг бла джау болсанг да, юйюнг бла джау болма.
- Борчунг бар эсе, хурджунунга ойлаб узал.
- Накъырда – кертини келечиси.
- Джылар джаш, атасыны сакъалы бла ойнар.
- Джетген къыз джерли эшекни танымаз.
- Ашхы болсанг, атынг чыгъар, аман болсанг, джанынг чыгъар.
- Рысхы джалгъанды: келген да этер, кетген да этер.
- Акъыл сабырлыкъ берир.
- Ханы къызы буюгъа-буюгъа киштик болду.
- Тюзню ётмеги тюзде къалса да, тас болмаз.
- Кёкдеги болмаса, джердегин кёрмейди.
- Билмезни кёзю кёрмез, этмезни къулагъы эшитмез.
- Айтылгъан буйрукъ, сёгюлмез
Профиль
|
|
|
|||