Эльбрусоид :: Форум :: Настенька)

Ашын ашагъанынгы, башын да сыйла.
Акъыл къартда, джашда тюйюлдю – башдады.
Суугъа – чабакъ, къаягъа – ыргъакъ.
Ашхы болсанг, атынг чыгъар, аман болсанг, джанынг чыгъар.
Кёз – сюйген джерде, къол – ауругъан джерде.
Ичимден чыкъды хата, къайры барайым сата?
Мал тутхан – май джалар.
Джогъун бар этген, барын бал этген.
Бети – къучакълар, джюреги – бычакълар.
Бети къызарыучу адамны, джюреги харам болмаз.
Сабыр джетер муратха, сабырсыз къалыр уятха.
Акъыллы башны – тили къысха.
Халкъны юйю – туугъан джери.
Эки къатын алгъанны къулагъы тынгнгаймаз.
Кесинге джетмегенни, кёб сёлешме.
Ариу сёз – джаннга азыкъ, аман сёз – башха къазыкъ.
Сабийликде юретмесенг, уллу болса – тюзелмез.
Берекет берсин деген джерде, берекет болур.
Айырылмаз джууугъунга, унутмаз сёзню айтма.
Суу да къайтады чыкъгъан джерине.
Ёлген эшек бёрюден къоркъмайды.
Туз, гырджын аша, тюзлюк бла джаша.
Баргъанынга кёре болур келгенинг.
Гугурук къычырмаса да, тангны атары къалмаз.
Сёз къанатсыз учар.
Ашына кёре табагъы, балына кёре къалагъы.
Аджаллыгъа окъсуз шкок атылыр.
Эл бла кёргенинг эрелей.
Кёбню кёрген – кёб билир.
Тау башында, тау болмаз, джангыз терек, бау болмаз.
Нафысынгы айтханын этме, намысынгы айтханын эт.
Къонакъ болсанг, ийнакъ бол.
Къарнынг бла ёч алма.
Аууздан келген, къолдан келсе, ким да патчах болур эди.
Ишин билген, аны сыйын чыгъарады.
Атадан ёксюз – бир ёксюз, анадан ёксюз – эки ёксюз.
Къулакъдан эсе, кёзге ышан.
Келинни – келгинчи, бёркню кийгинчи кёр.
Аджашхан тёгерек айланыр.
От кюйдюрген, сау болса да, тот кюйдюрген, сау болмаз.
Аллахха ийнаннган кишини, Аллах онгдурур ишин.
Ишлерге уял да, ашаргъа табма.
«Ма», - дегенни билмесенг, «бер», - дегенни билмезсе.
Элни кючю – эмеген.
Аманнга да, игиге да оноусуз къатышма.
Ёзденликни джайгъан – джокълукъ.
Азыкълы ат арымаз, къатыны аман джарымаз.
Сёз садакъдан кючлюдю.
Айраннга суу къош, телиге джол бош.
Къонакъ аман болса, къонакъбай джунчур

Логин:
Пароль:
	Запомнить меня на этом компьютере

Забыли свой пароль?
Регистрация