- Айранны сюйген, ийнек тутар.
- Игиге айтсанг – билир, аманнга айтсанг – кюлюр.
- Ашда уялгъан – мухар, ишде уялгъан – хомух.
- Акъыллы эркиши атын махтар, акъылсыз эркиши къатынын махтар.
- Чакъырылмагъан къонакъ – орунсуз.
- Джылыгъа джылан илешир.
- Къарнынг тойгъунчу аша да, белинг талгъынчы ишле.
- Сабий кёргенин унутмаз.
- Чомарт бергенин айтмаз.
- Ёмюрлюк шохлукъну джел элтмез.
- Джол бла сёзню къыйыры джокъ.
- Ойнай билмеген, оюн бузар.
- Къуллукъчума, деб махтанма, къуллукъ – хаух джамчыды!
- Адамны джюреги нени кёрюрге сюйсе, кёзю да аны кёрюрге ёч болады.
- Сууда джау джокъ, кёб сёзде магъана джокъ.
- Иги джашны ышаны – аз сёлешиб, кёб тынгылар.
- Гугурук къычырмаса да, тангны атары къалмаз.
- Ариу джол аджал келтирмез.
- Къалгъан ишге къар джауар.
- Тынгылагъан тынгы бузар.
- Джангызны оту джарыкъ джанмаз!
- Биреу ашаб къутулур, биреу джалаб тутулур.
- Ашаса, ашамаса да, бёрюню ауузу – къан.
- Чомарт джарлы болмаз.
- Телини эшигин, махтау джабар.
- Адам туугъан джеринде, ит тойгъан джеринде.
- От кюйдюрген, сау болса да, тот кюйдюрген, сау болмаз.
- Адам сёзге тынгыла, акъыл сёзню ангыла.
- Халкъны джырын джырласанг, халкъ санга эжиу этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аманнга игилик этсенг, юйюнге сау бармазса.
- Тёрени джагъы джокъ.
- Къобан да къуру да къобханлай турмайды, адам да къуру да патчахлай турмайды.
- Ёксюзню къалачы уллу кёрюнюр.
- Таугъа чыгъаллыкъ эсенг, тюзде къалма.
- Байлыкъ тауусулур, билим тауусулмаз.
- Ачлыкъ отха секиртир.
- Джюрекге ариу – кёзге да ариу.
- Ана – юйню кюн джарыгъы.
- Айтханы чапыракъдан ётмеген.
- Юреннген ауруу къалмаз.
- Хар ишни да аллы къыйынды.
- Ата Джуртча джер болмаз, туугъан элча эл болмаз.
- Эринчекни аурууу – кёб.
- Ашлыкъ – бюртюкден, джюн – тюкден.
- Алим болгъандан эсе, адам болгъан къыйынды.
- Гугук кесини атын айтыб къычыргъанча, мен, мен деб нек тураса?
- Къартны бурнун сюрт да, оноугъа тут.
- Тас болгъан бычакъны сабы – алтын.
- Ёнгкюч къууана барыр, джылай келир.
Профиль
|
|
|
|||