- Чакъырылмагъан къонакъ тёрге атламаз.
- Эте билген, этген этеди, эте билмеген, юретген этеди!
- Элни кючю – эмеген.
- Тюзлюк шохлукъну бегитир.
- Эшекни не къадар тюйсенг да, ат болмаз.
- Тилчиден кери бол.
- Аманнга алтын чыдамаз.
- Баш болса, бёрк табылыр.
- Элде адам къалмаса, ит тахтагъа минер.
- Баргъанынга кёре болур келгенинг.
- Акъыллы – эл иеси, тели – эл баласы.
- Къартха ушагъан джаш – акъыллы, джашха ушагъан къарт – тели.
- Эр абынмай, эл танымаз.
- Адебни адебсизден юрен.
- Окъуу – билимни ачхычы, окъуу – дунияны бачхычы.
- Къатыны харакетли болса, эри къымсыз болур.
- Кёрмегеннге кебек – танг, битмегеннге сакъал – танг.
- Айранны сюйген, ийнек тутар.
- Айырылгъанланы айю ашар, бёлюннгенлени бёрю ашар.
- Уясында не кёрсе, учханында аны этер.
- Джылкъыдан – ат чыгъар, тукъумдан – джаш чыгъар.
- Атлыны ашхысы, ат тизгининден билинир
- Джюрекден джюрекге джол барды.
- Адамны адамлыгъы къыйынлыкъда айгъакъланады.
- Аджашханны ызындагъы кёреди, джангылгъанны джанындагъы биледи.
- Аман киши кеси юйюнде – къонакъ.
- Бети бедерден, намыс сакълама.
- Шекер бла туз – бир болмаз, ушамагъан – юй болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иесиз малны бёрю ашар.
- Башланнган иш битер, къымылдагъан тиш тюшер.
- Тил джюрекге джол ишлейди.
- Бек ашыкъгъан меннге джетсин, дегенди аракъы.
- Айран ичген – къутулду, джугъусун джалагъан – тутулду.
- Ашарыкъда сайлагъаннга – чий гырджын.
- Джумушакъ терекни къурт ашар.
- Ишленмеклик адамлыкъды.
- Эки къатын алгъанны къулагъы тынгнгаймаз.
- Термилгенинги табмазса, кюлгенинге тюберсе.
- Ач къарынны, токъ билмез
- Адамны сабийин сюйген джюреги, бычакъча, джитиди.
- Накъырда – кертини келечиси.
- Адеб базарда сатылмаз.
- Ойнай билмеген, уруб къачар.
- Окъумагъан сокъурду, сокъур ташха абыныр!
- Ат да турмайды бир териде.
- Къолу уллу – асыу, аягъы уллу – джарсыу.
- Кеси юйюмде мен да ханма.
- Уллу къашыкъ эрин джыртар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
Профиль
|
|
|
|||