- Тенгинг джокъ эсе – изле, бар эсе – сакъла!
- Чабакъгъа акъыл, табагъа тюшсе келеди.
- Таугъа чыгъаллыкъ эсенг, тюзде къалма.
- Адамны джюреги нени кёрюрге сюйсе, кёзю да аны кёрюрге ёч болады.
- Джумушакъ сёз къаты таякъны сындырыр.
- Бастасын ашагъан, хантусун да ичер.
- Ёлюк кебинсиз къалмаз.
- Сангырау къулакъ эл бузар.
- Аман киши кеси юйюнде – къонакъ.
- Чакъырылмагъан джерге барма, чакъырылгъан джерден къалма.
- Иги сеники эсе да, сюйген кесимикин этеме.
- Иши джокъну, сыйы джокъ.
- Болджал ишни бёрю ашар.
- Окъугъан – асыу, окъумагъан – джарсыу.
- Къарнынг къанлынга кийирир.
- Ойнай билмеген, оюн бузар.
- Алма терегинден кери кетмез.
- Окъ къызбайны джокълайды.
- Бал чибинни ургъаны – ачы, балы – татлы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Юйлю уругъа ит чабмаз.
- Уллу къашыкъ эрин джыртар.
- Уллу атлама – абынырса, уллу къабма – къарылырса.
- Джиби бир къат джетмей эди да, эки къат тарта эди.
- Ишни аллы бла къууанма да, арты бла къууан.
- Къазанда болса, чолпугъа чыгъар.
- Керилген да, ургъан кибикди.
- Халкъгъа джарагъан, джарлы къалмаз.
- Ата Джуртуму башы болмасам да, босагъасында ташы болайым.
- Сёз – кюмюш, джыр – алтын.
- Чарсда алчыны эл кёреди.
- Тау башында, тау болмаз, джангыз терек, бау болмаз.
- Ётюрюкчюню шагъаты – къатында.
- Къызбайны юйюне дери сюрсенг, батыр болур.
- Кёб къычыргъандан – къоркъма, тынч олтургъандан – къоркъ.
- Миллетни бойну – базыкъ, аны бла кюрешген – джазыкъ.
- Билимден уллу байлыкъ джокъду.
- Суу кетер, таш къалыр.
- Терек ауса, отунчу – кёб.
- Иги адамны бир сёзю эки болмаз.
- Окъумагъан сокъурду, сокъур ташха абыныр!
- Чабакъ башындан чирийди.
- Баргъанынга кёре болур келгенинг.
- Дууулдаса – бал чибин, къонса – къара чибин.
- Джангыз терек къынгыр ёсер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тамырсыз терекге таянма – джыгъылырса.
- Къарнынг бла ёч алма.
- Ариу сёз аурууунгу алыр.
- Татлы тилде – сёз ариу, чемер къолда – иш ариу.
Профиль
|
|
|
|||