Эльбрусоид :: Форум

Джол бла сёзню къыйыры джокъ.
Тилде сюек болмаса да, сюек сындырыр.
Атлыны кёрсе, джаяуну буту талыр.
Къатыны харакетли болса, эри къымсыз болур.
Ёлген эшек бёрюден къоркъмайды.
Аз сёлеш, кёб ишле.
Тенги кёбню джау алмаз, акъылы кёбню дау алмаз.
Кёкдеги болмаса, джердегин кёрмейди.
Этни да ашады, бетни да ашады.
Къызын тута билмеген, тул этер, джашын тута билмеген, къул этер.
Нафысынгы айтханын этме, намысынгы айтханын эт.
Ишни аллы бла къууанма да, арты бла къууан.
Ашыкъгъан cуу, тенгизге джетмез.
Сёз къанатсыз учар.
Джарлы тюеге минсе да, ит къабар.
Иги болса, тамадама – махтау, аман болса, меннге – айыб.
Бети бедерден, намыс сакълама.
Ач къарным, тынч къулагъым.
Сакъ юйюне сау барыр.
Ауругъанны сау билмез, ач къарынны токъ билмез.
Кёб ант этген, кёб ётюрюк айтыр.
Адамны артындан къара сабан сюрме.
Элге къуллукъ этмеген, элге ие болмаз.
Ата джурт – алтын бешик.
Къазанны башы ачыкъ болса, итге уят керекди.
Эл тойса, тоймагъан, эл къойса, къоймагъан.
Сютден ауузу кюйген, суугъа юфгюре эди.
Сёз садакъдан кючлюдю.
Эркишиге тары кебек танг кёрюнюр.
Ач, тоймам, дейди, тойгъан, ач болмам, дейди.
Алгъанда – джууукъ, бергенде – джау.
Ишлегенден, къарагъан уста.
Джахил болса анасы, не билликди баласы?
Аман къатын сабий табса, бий болур…
Тилчи бир сагъатха айлыкъ хата этер.
Эки къатын алгъанны къулагъы тынгнгаймаз.
Бозаны арты дауур болур.
Рысхы – насыбха къор.
Аджаллыгъа окъсуз шкок атылыр.
Рысхы джалгъанды: келген да этер, кетген да этер.
Эл ауузу – элек, анга ийнаннган – халек.
Насыблы элин сюер, насыбсыз кесин сюер.
Чоюнну башы ачыкъ болса, итге уят керекди.
Аууз сакълагъан – джан сакълар.
Джетген къыз джерли эшекни танымаз.
Ауругъан – джашаудан умутчу.
Джогъун бар этген, барын бал этген.
Айран ичген – къутулду, джугъусун джалагъан – тутулду.
«Ма», - дегенни билмесенг, «бер», - дегенни билмезсе.
Бети – къучакълар, джюреги – бычакълар.

Логин:
Пароль:
	Запомнить меня на этом компьютере

Забыли свой пароль?
Регистрация