- Джауумдан сора, кюн кюйдюрюр, ётюрюкден сора, айыб кюйдюрюр.
- Адамны сыфатына къарама, сёзюне къара.
- Термилгенинги табмазса, кюлгенинге тюберсе.
- Чарсда алчыны эл кёреди.
- Кюн – узун, ёмюр – къысха.
- Ач келгенни – тойдур, кеч келгенни – къондур.
- Аллахха ийнаннган кишини, Аллах онгдурур ишин.
- Таукел тауну аудурур.
- Эл ауузу – элек, анга ийнаннган – халек.
- Кийимни бир кюнню аясанг, минг кюннге джарар.
- Азыгъы аз, алгъа къабар, аты аман, алгъа чабар.
- Къонакъ аз олтурур, кёб сынар.
- Джарлы эскисин джамаса, къууаныр.
- Дженгил джетерикме деб, узун джолну къоюб, къысхасын барма.
- Тойгъанлыкъ къойгъа джарашады.
- Джан саулукъ бермей, сан саулукъ бермезсе.
- Намысы джокъну – дуниясы джокъ.
- Кёб ант этген, кёб ётюрюк айтыр.
- Чакъырылмагъан къонакъ – орунсуз.
- Эрине къаргъыш этген къатын, эрнин къабар.
- Джаш къарыу бла кючлю, къарт акъыл бла кючлю.
- Къарнынг бла ёч алма.
- Кийиминг бла танылма, адамлыкъ бла таныл.
- Ишленмеклик адамлыкъды.
- Бермеген къол, алмайды.
- Къонагъы джокъну – шоху джокъ.
- Къызны минг тилер, бир алыр.
- Окъуусуз билим – джокъ, билимсиз кюнюнг – джокъ.
- Аджашхан тёгерек айланыр.
- Аджашханны ызындагъы кёреди, джангылгъанны джанындагъы биледи.
- Ханнга да келеди хариблик.
- Къыз чыгъаргъан – къызыл къымжа.
- Тёрде – темир таякълы, къаяда – чыпчыкъ аякълы.
- Таякъ этден ётер, тил сюекден ётер.
- Кийим тукъум сордурур.
- Эртде тургъан джылкъычыны эркек аты тай табар.
- Адам туугъан джеринде, ит тойгъан джеринде.
- Кёл ашады да, кеси ашады.
- Дуния малгъа сатылма, кесингден телиге къатылма.
- Чомартха Тейри да борчлуду.
- Аджалсыз ёлюм болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Суугъа – таянма, джаугъа – ийнанма.
- Аман къатын алгъан, арыр, иги къатын алгъан джарыр.
- Къаллай салам берсенг, аллай джууаб алырса.
- Билими азны – ауузунда кирит.
- Кёб джашагъан – кёб билир.
- Акъдан къара болмаз.
- Таукелге нюр джауар.
- Тюзлюк тас болмайды.
Профиль
|
|
|
|||