- Ашаса, ашамаса да, бёрюню ауузу – къан.
- Къонагъынгы артмагъын алма да, алгъышын ал.
- Къанны къан бла джуума, аманны аман бла къуума.
- Ариу сёз – джаннга азыкъ, аман сёз – башха къазыкъ.
- Ашхы адам – халкъ байлыгъы, ашхы джер – джашау байлыгъы.
- Чакъырылмай келген къонакъ сыйланмай кетер.
- Телиге от эт десенг, юйюнге от салыр.
- Керилген да, ургъан кибикди.
- Къайгъы тюбю – тенгиз.
- Урунуу – насыбны анасы.
- Келгинчи, къонакъ уялыр, келгенден сора, къонакъбай уялыр.
- Ауругъанны сау билмез, ач къарынны токъ билмез.
- Акъыл къартда, джашда тюйюлдю – башдады.
- Тюзлюк тас болмайды.
- Ариу сёз аурууунгу алыр.
- Джарлы тюеге минсе да, ит къабар.
- Зар адам ашынгы ашар, кесинги сатар.
- Ёлген аслан – сау чычхан.
- Байны къызы баймакъ болса да, юйде къалмаз!
- Къазанда болса, чолпугъа чыгъар.
- Адеби болмагъан къыз – тузсуз хант.
- Къулакъдан эсе, кёзге ышан.
- Тёрдеги кюлсе, эшикдеги ышарыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Адамгъа аман кюн соруб келмейди.
- Байлыкъ тауусулур, билим тауусулмаз.
- Орундукъ тюбюнде атылсам да, орта джиликме, де да айлан.
- Тойгъан джерге джети къайт.
- Ётген ёмюр – акъгъан суу.
- Ёлюк кебинсиз къалмаз.
- Ат да турмайды бир териде.
- Джахил болса анасы, не билликди баласы?
- Аман адам этегингден тутса, кес да къач.
- Аман къатын сабий табса, бий болур…
- Чабар ат – джетген къыз.
- Ашда уялгъан – мухар, ишде уялгъан – хомух.
- Уллу къашыкъ эрин джыртар.
- Айтхан – тынч, этген – къыйын.
- Ата Джуртча джер болмаз, туугъан элча эл болмаз.
- Тиширыусуз юй – отсуз от джагъа.
- Арба аугъандан сора, джол кёргюзтюучю кёб болур.
- Окъ къызбайны джокълайды.
- Эки къатын алгъан – эки ташны ортасына башын салгъан.
- Акъыллы башны – тили къысха.
- Окъугъан озар, окъумагъан тозар.
- Къарыусузгъа кюлме, онгсузгъа тийме.
- Аджал соруб келмез, келсе, къайтыб кетмез.
- Къралынгы – душмандан, башынгы от бла суудан сакъла.
- Ач – эснер, ат – кишнер.
- Эл элде бирер малынг болгъандан эсе, бирер тенгинг болсун.
Профиль
|
|
|
|||