- Аш кетер да бет къалыр.
- Эшекге миннген – биринчи айыб, андан джыгъылгъан – экинчи айыб.
- Ачны эсинде – аш.
- Кёбден умут этиб, аздан къуру къалма.
- Джырчы джырчыгъа – къарнаш.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Керек ташны ауурлугъу джокъ.
- Джукъу тёшек сайламайды.
- Ата Джуртча джер болмаз, туугъан элча эл болмаз.
- Чомартха хар кюн да байрамды.
- Адеб этмеген, адеб кёрмез.
- Ач да бол, токъ да бол – намысынга бек бол.
- Магъанасыз сёз – тауушсуз сыбызгъы.
- Олтуруб кёрюнмей эди да, ёрге туруб кёрюне эди.
- Тойгъанлыкъ къойгъа джарашады.
- Тюз сёз баргъан сууну тыяр.
- Хунаны тюбюн къазсанг, юсюнге ауар.
- Мухарны эси – ашарыкъда.
- Шайтан алдады, тюзлюк къаргъады.
- Суугъа – таянма, джаугъа – ийнанма.
- Къыз тиширыу кеси юйюнде да къонакъды.
- Бетинги сатма, малынгы сат.
- Хар адамгъа кеси миннген тау кибик.
- Ётюрюкню башын керти кесер.
- Аз сёлешген, къайгъысыз турур.
- Аякъларынгы джууургъанынга кёре узат.
- Хаухну атма, ёнгкючню сатма.
- Ишлегенде эринме, ишде чолакъ кёрюнме.
- Босагъа таш юйге кирмей эди, тыбыр таш эшикге чыкъмай эди.
- Ана къойну – балагъа джандет.
- Башы ишлегенни, ауузу да ишлер.
- Эллинг бла джау болсанг да, юйюнг бла джау болма.
- Тамчы таш тешер.
- Къуру гыбыт бек дыгъырдар.
- Кёл – къызбай, къол – батыр.
- Соргъан айыб тюлдю, билмеген айыбды.
- Ариуну – ауруу кёб.
- Байлыкъдан саулукъ ашхыды.
- Сормай – алма, чакъырылмай – барма.
- Келинни – келгинчи, бёркню кийгинчи кёр.
- Эски джаугъа ышанма.
- Эм уллу байлыкъ – джан саулукъ.
- Аджашхан тёгерек айланыр.
- Ишге юренсин къоллары, халкъ бла болсун джоллары.
- Джаш къарыу бла кючлю, къарт акъыл бла кючлю.
- Адам боллукъ, атламындан белгили болур.
- Ёксюзню тилеги къабыл болур.
- Урама да – ёледи, сатама да – келеди.
- Кюн кёрмеген, кюн кёрсе, кюндюз чыракъ джандырыр.
- Бир онгсуз адам адет чыгъарды, деб эштирик тюлсе.
Профиль
|
|
|
|||