- Аз айтсам, кёб ангылагъыз.
- Джуртун къоругъан озар.
- Акъыл аздырмаз, билим тоздурмаз.
- Магъанасыз сёз – тауушсуз сыбызгъы.
- Байлыкъдан саулукъ ашхыды.
- Джумушакъ терекни къурт ашар.
- Кесине оноу эте билмеген, халкъына да эте билмез.
- Хантына кёре тузу, юйюне кёре къызы.
- Кесинг сынамагъан затны, адамгъа буюрма.
- Аман адамны тепсинге олтуртсанг, къызынгы тилер.
- Чакъырылмагъан къонакъ къачан кетерин сормаз.
- Ариу сёз – джаннга азыкъ, аман сёз – башха къазыкъ.
- Чомартны къолун джокълукъ байлар.
- Ашха уста, юйюнде болсун
- Къонакъ аз олтурур, кёб сынар.
- Ёзденликни кёбю ётюрюк.
- Иги адамны бир сёзю эки болмаз.
- Джарлыны эшигин махтагъан джабар.
- Ауругъанны сау билмез, ач къарынны токъ билмез.
- Хазыр ашха – терен къашыкъ.
- Ачылгъан эт джабылыр, кёрген кёз унутмаз.
- Къонагъынгы артмагъын алма да, алгъышын ал.
- Акъылсызны джууукъгъа алма, акъыллыны кенгнге салма.
- Хаухну атма, ёнгкючню сатма.
- Адеб базарда сатылмаз.
- Дууулдаса – бал чибин, къонса – къара чибин.
- Аш кетер да бет къалыр.
- Малны кют, джерни тюрт.
- Хата – гитчеден.
- Бир абыннган – минг сюрюнюр.
- Адеб джокъда, намыс джокъ.
- Эли джокъну – кёлю джокъ.
- Байны оноуу, джарлыгъа джарамаз.
- Уллу суу бла уллу ауруудан башынгы сакъла.
- Къыз чыгъаргъан – къызыл къымжа.
- Чабакъ башындан чирийди.
- Кёб ант этген, кёб ётюрюк айтыр.
- Арба аугъандан сора, джол кёргюзтюучю кёб болур.
- Ауругъан – джашаудан умутчу.
- Къыз келсе, джумуш эте келеди, къатын келсе, ушакъ эте келеди.
- Къонагъы джокъну – шоху джокъ.
- Джаханимни кёрмей, джандетге кёл салмазса.
- Адам сёзюнден белгили.
- Адамны джюреги нени кёрюрге сюйсе, кёзю да аны кёрюрге ёч болады.
- Берекет берсин деген джерде, берекет болур.
- Ётюрюкчюню шагъаты – къатында.
- Узун джолну барсанг, бюгюн келирсе, къысха джолну барсанг, тамбла келирсе.
- Уллу атлама – абынырса, уллу къабма – къарылырса.
- Ёгюзню мюйюзюнден тутадыла, адамны сёзюнден тутадыла.
- Къазанда болса, чолпугъа чыгъар.
Профиль
|
|
|
|||