- Ачны эсинде – аш.
- Шайтан алдады, тюзлюк къаргъады.
- Джюрекге ариу – кёзге да ариу.
- Ётюрюкчюню шагъаты – къатында.
- Кёлю джокъну – джолу джокъ.
- Айтханы чапыракъдан ётмеген.
- Зарда марда джокъ.
- Кесинг сынамагъан затны, адамгъа буюрма.
- Билмейме деген – бир сёз
- Ачылгъан эт джабылыр, кёрген кёз унутмаз.
- Тулпарлыкъ, билекден тюл – джюрекден.
- Атадан ёксюз – бир ёксюз, анадан ёксюз – эки ёксюз.
- Аш хазыр болса, иш харам болур.
- Ат да турмайды бир териде.
- Тиширыусуз юй – отсуз от джагъа.
- Къатыны харакетли болса, эри къымсыз болур.
- Кюл тюбюндеги от кёрюнмейди.
- Арба аугъандан сора, джол кёргюзтюучю кёб болур.
- Джюрек кёзден алгъа кёрюр.
- Ариу сёз джыланны орнундан чыгъарыр.
- Эл тойса, тоймагъан, эл къойса, къоймагъан.
- Аууздан келген, къолдан келсе, ким да патчах болур эди.
- Тойгъан антын унутур.
- Адамны сыфатына къарама, сёзюне къара.
- Ашхылыкъ джерде джатмайды, аманлыкъ суугъа батмайды.
- Тойгъандан сора, ашны сёкме.
- Къаллай салам берсенг, аллай джууаб алырса.
- Этни да ашады, бетни да ашады.
- Джюз элде джюз ёгюзюм болгъандан эсе, джюз джууугъум болсун.
- Джырчы джырчыгъа – къарнаш.
- Къар – келтирди, суу – элтди.
- Джаз бир кюнню джатсанг, къыш талай кюнню абынырса.
- Хансыз джомакъ болмаз.
- Харам къарнашдан, халал тенг ашхы.
- Ач келгенни – тойдур, кеч келгенни – къондур.
- Тенгни тенглиги джашай барсанг билинир.
- Къыз келсе, джумуш эте келеди, къатын келсе, ушакъ эте келеди.
- Къобан да къуру да къобханлай турмайды, адам да къуру да патчахлай турмайды.
- Ач бёрюге мекям джокъ.
- Аллахдан тилесенг, кёб тиле.
- Бозаны арты дауур болур.
- Акъыл къартда, джашда тюйюлдю – башдады.
- Кёз – сюйген джерде, къол – ауругъан джерде.
- Чоюнну башы ачыкъ болса, итге уят керекди.
- Къартха ушагъан джаш – акъыллы, джашха ушагъан къарт – тели.
- Айтылгъан сёз ызына къайтмаз.
- Акъыллы эркиши атын махтар, акъылсыз эркиши къатынын махтар.
- Сабий болмагъан джерде, мёлек болмаз.
- Баргъанынга кёре болур келгенинг.
- Аман киши кеси юйюнде – къонакъ.
Профиль
|
|
|
|||