- Ойнай билмеген, уруб къачар.
- Кёбге таш атма.
- Кюлме джашха – келир башха.
- Эркиши – от, тиширыу – суу.
- Юй кюйдю да, кюйюз чыкъды, ортасындан тюйюш чыкъды.
- Къарнынг бла ёч алма.
- Къар – келтирди, суу – элтди.
- Чомарт къолда мал къалмаз.
- От этилмеген джерден тютюн чыкъмайды.
- Джылыгъа джылан илешир.
- Таш ата билмеген, башына урур.
- Чёбню кёлтюрсенг, тюбюнден сёз чыгъар.
- Джумушакъ сёз къаты таякъны сындырыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Къартны сыйын кёрмеген, къартлыгъында сыйлы болмаз.
- Телиге от эт десенг, юйюнге от салыр.
- Аман къатын алгъан, арыр, иги къатын алгъан джарыр.
- Ана къолу ачытмаз.
- Къалгъан ишге къар джауар.
- Аджашханны ызындагъы кёреди, джангылгъанны джанындагъы биледи.
- Сёз садакъдан кючлюдю.
- Ётюрюкню къуйругъу – бир тутум.
- Джарлы тюеге минсе да, ит къабар.
- Атынг аманнга чыкъгъандан эсе, джанынг тамагъынгдан чыкъсын.
- Тойгъандан сора, ашны сёкме.
- Биреуню эскиси биреуге джангы болмайды.
- Ёзденликни джайгъан – джокълукъ.
- Ишлегенден, къарагъан уста.
- Таукелге нюр джауар.
- Кёл ашады да, кеси ашады.
- Орну джокъну – сыйы джокъ.
- Чакъырылмагъан къонакъ – орунсуз.
- Окъугъан озар, окъумагъан тозар.
- Харам къарнашдан, халал тенг ашхы.
- Ауругъанны сау билмез, ач къарынны токъ билмез.
- Кийиминг бла танылма, адамлыкъ бла таныл.
- Байлыкъ келсе, акъыл кетер.
- Кесинге джетмегенни, кёб сёлешме.
- Суу да къайтады чыкъгъан джерине.
- Шекер бла туз – бир болмаз, ушамагъан – юй болмаз.
- Къатын къылыкъсыз, эр тынчлыкъсыз.
- Джангыз торгъай джырламаз.
- Игилик игилик бла сингдирилиучю затды.
- Биреуню къыйынлыгъы бла кесинге джол ишлеме.
- Джолда аягъынга сакъ бол, ушакъда тилинге сакъ бол.
- Тешигини къатында, чычхан да батыр болур.
- Ишленмеген джаш – джюгенсиз ат, ишленмеген къыз – тузсуз хант.
- Телиге акъыл салгъандан эсе, ёлгеннге джан салырса.
- Тойгъан джерден туугъан джер игиди.
- Айранын берсенг, челегин да къызгъанма.
Профиль
|
|
|
|||