- Босагъа таш юйге кирмей эди, тыбыр таш эшикге чыкъмай эди.
- Адамны сабийин сюйген джюреги, бычакъча, джитиди.
- Тешигини къатында, чычхан да батыр болур.
- Ачны эсинде – аш.
- Накъырда – кертини келечиси.
- Ачлыкъда тары гырджын халыуадан татлы.
- Тойну къарнашы – харс, джырны къарнашы – эжиу.
- Тюзлюк тас болмайды.
- Эшекге миннген – биринчи айыб, андан джыгъылгъан – экинчи айыб.
- Сибиртки да сыйлы болду, кюрек да кюнлю болду.
- Ачлыкъ отха секиртир.
- Ашарыкъда сайлагъаннга – чий гырджын.
- Эки ойлашыб, бир сёлешген.
- Келинни – келгинчи, бёркню кийгинчи кёр.
- Олтуруб кёрюнмей эди да, ёрге туруб кёрюне эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёлген аслан – сау чычхан.
- Кесине гебен этелмеген, биреуге черен эте эди.
- Кёб джат да, бек чаб.
- Къарнынг тойгъунчу аша да, белинг талгъынчы ишле.
- Игини сыйлагъан адетди.
- Иши джокъну, сыйы джокъ.
- Сабий кёргенин унутмаз.
- Тели турса – той бузар.
- Къанны къан бла джуума, аманны аман бла къуума.
- Эр абынмай, эл танымаз.
- Джарашыу сюйген – джалынчакъ.
- Терек ауса, отунчу – кёб.
- Айранны сюйген, ийнек тутар.
- Биреуню эскиси биреуге джангы болмайды.
- Акъыллы – эл иеси, тели – эл баласы.
- Тюзлюк шохлукъну бегитир.
- Агъач халкъгъа алтынды, иссиликге салкъынды.
- Джумушакъ терекни къурт ашар.
- Намысы джокъну – дуниясы джокъ.
- Аз сёлеш, кёб ишле.
- Къатын байлыкъны сюер, эр саулукъну сюер.
- Минг тенг да азды, бир джау да кёбдю.
- Адам туугъан джеринде, ит тойгъан джеринде.
- Хантына кёре тузу, юйюне кёре къызы.
- Ач отунчуну ачыуу – бурнунда.
- Башда акъыл болмаса, эки аякъгъа кюч джетер.
- Биреуге аманлыкъ этиб, кесинге игилик табмазса.
- Нафысынгы айтханын этме, намысынгы айтханын эт.
- Мал тутхан – май джалар.
- Соргъан айыб тюлдю, билмеген айыбды.
- Азыкълы ат арымаз, къатыны аман джарымаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Юйлю уругъа ит чабмаз.
- Ёмюрлюк шохлукъну джел элтмез.
Профиль
|
|
|
|||