- Тойгъан антын унутур.
- Этим кетсе да, сюегим къалыр.
- Сабыр джетер муратха, сабырсыз къалыр уятха.
- Джашынгы кесинг юретмесенг, джашау юретир.
- Айырылмаз джууугъунга, унутмаз сёзню айтма.
- Баргъанынга кёре болур келгенинг.
- Тойгъа алгъа да барма, тойда артха да къалма.
- Булут кёкге джарашыу, уят бетге джарашыу.
- Иги адам абынса да, джангылмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джолда аягъынга сакъ бол, ушакъда тилинге сакъ бол.
- Адамны джюреги нени кёрюрге сюйсе, кёзю да аны кёрюрге ёч болады.
- Сескекли кесин билдирир.
- Тюкюрюк баш джармаз, налат кёз чыгъармаз!
- Элде адам къалмаса, ит тахтагъа минер.
- Адеб джокъда, намыс джокъ.
- Джыгъылгъанны сырты джерден тоймаз.
- Ёпкелегенни ашы татлы болады.
- Агъач халкъгъа алтынды, иссиликге салкъынды.
- Къарт айтханны этмеген, къартаймаз.
- Ёксюзню къалачы уллу кёрюнюр.
- Кечеси – аяз, кюню – къыш, джарлы къаргъагъа бир аш тюш!
- Айранны сюйген, ийнек тутар.
- Джогъун бар этген, барын бал этген.
- Къатын къылыкъсыз, эр тынчлыкъсыз.
- Тели турса – той бузар.
- Ашатыргъа иш – ашхы, ишлетирге аш – ашхы.
- Байлыкъ адамны сокъур этер.
- Сакъалы текени да бар, мыйыгъы киштикни да бар.
- Айырылгъанланы айю ашар, бёлюннгенлени бёрю ашар.
- Окъумагъан сокъурду, сокъур ташха абыныр!
- Ойнай-ойнай кёз чыгъар.
- Адамны аты башхача, акъылы да башхады.
- Къонакъны къачан кетерин сорма, къачан келлигин сор.
- Окъугъанны бети джарыкъ.
- Ат басханны джер билед.
- Тура эдим джата, къайдан чыкъды хата?
- Тёгюлген тюгел джыйылмайды.
- Къарнынг бла ёч алма.
- Хаухну атма, ёнгкючню сатма.
- Къан бла кирген, джан бла чыгъар.
- Ёлген ийнек сютлю болур.
- Суу ичген шауданынга тюкюрме.
- Эки ойлашыб, бир сёлешген.
- Иги сёз – джаннга азыкъ, аман сёз башха – къазыкъ.
- Арпа, будай – ащды, алтын, кюмюш а – ташды.
- Сибиртки да сыйлы болду, кюрек да кюнлю болду.
- Намысы болмагъанны, сыйы болмаз.
- Ариу – кёзге, акъыл – джюрекге.
- Джашда акъыл джокъ, къартда къарыу джокъ.
Профиль
|
|
|
|||