- Адам боллукъ, атламындан белгили болур.
- Ариу – кёзге, акъыл – джюрекге.
- Къанны къан бла джуума, аманны аман бла къуума.
- Къозулугъунда тоймагъан, къойлугъунда тоймаз.
- Ишни ахырын ойламай, аллын башлама.
- Биреуню эскиси биреуге джангы болмайды.
- Сёз къанатсыз учар.
- Келинин тута билмеген, къул этер, къызын тута билмеген, тул этер.
- Хар ишни да аллы къыйынды.
- Уллу атлама – абынырса, уллу къабма – къарылырса.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аманны тукъумуна къарама, игини тукъумун сорма.
- Аман адамны тепсинге олтуртсанг, къызынгы тилер.
- Къыз чыгъаргъан – къызыл къымжа.
- Ашаса, ашамаса да, бёрюню ауузу – къан.
- Рысхы – сют юсюнде кёмюк кибикди.
- Адеб базарда сатылмаз.
- Кечеси – аяз, кюню – къыш, джарлы къаргъагъа бир аш тюш!
- Адебсиз адам – джюгенсиз ат.
- Кёрмегеннге кебек – танг, битмегеннге сакъал – танг.
- Ашлыкъ – бюртюкден, джюн – тюкден.
- Танг атмайма десе да, кюн къоярыкъ тюйюлдю.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билимден уллу байлыкъ джокъду.
- Къартны сыйын кёрмеген, къартлыгъында сыйлы болмаз.
- Магъанасыз сёз – тауушсуз сыбызгъы.
- Къайтырыкъ эшигинги, къаты уруб чыкъма.
- Ауругъаннга – кийик саулукъ, джетген къызгъа – чилле джаулукъ.
- Къарнынг ауруса, ауузунгу тый
- Ёнгкюч къууана барыр, джылай келир.
- Чомарт бергенин айтмаз.
- Къумурсхала джыйылсала, пилни да джыгъадыла.
- Аманнга алтын чыдамаз.
- Татлы сёз – балдан татлы.
- Къатын байлыкъны сюер, эр саулукъну сюер.
- Ёзденликни кёбю ётюрюк.
- Элге къуллукъ этмеген, элге ие болмаз.
- Мураты болгъанны джюрек тебюую башхады.
- Чомарт къонакъ юй иесин сыйлар.
- Таякъ этден ётер, тил сюекден ётер.
- Эртде тургъан бла эртде юйленнген сокъуранмаз.
- Аллахха ийнаннган кишини, Аллах онгдурур ишин.
- Адамны сыфатына къарама, сёзюне къара.
- Кёбню кёрген – кёб билир.
- Орну джокъну – сыйы джокъ.
- Адамны артындан къара сабан сюрме.
- Термилгенинги табмазса, кюлгенинге тюберсе.
- Абынмазлыкъ аякъ джокъ, джангылмазлыкъ джаякъ джокъ.
- Адам сёзге тынгыла, акъыл сёзню ангыла.
- Сёлеш деб шай берген, тохта деб, сом берген.
Профиль
|
|
|
|||