- Игилик игилик бла сингдирилиучю затды.
- Билгенни къолу къарны джандырыр.
- Уруну арты – къуру.
- Къыз тиширыу кеси юйюнде да къонакъды.
- Ач бёрюге мекям джокъ.
- Суу кетер, таш къалыр.
- Миллетни бойну – базыкъ, аны бла кюрешген – джазыкъ.
- Ашда уялгъан – мухар, ишде уялгъан – хомух.
- Кёз – сюйген джерде, къол – ауругъан джерде.
- Аууз сакълагъан – джан сакълар.
- Байлыкъ болгъан джерде, тынчлыкъ джокъду.
- Къарын къуру болса, джюрек уру болур.
- Аш берме да, къаш бер.
- Ашатыргъа иш – ашхы, ишлетирге аш – ашхы.
- Кесинге джетмегенни, кёб сёлешме.
- Тёрени джагъы джокъ.
- Зар адам ашынгы ашар, кесинги сатар.
- Аякъларынгы джууургъанынга кёре узат.
- Башсыз урчукъ тюзюне айланмаз.
- Тилде сюек болмаса да, сюек сындырыр.
- Адеб этмеген, адеб кёрмез.
- Джашлыкъ этмеген, башлыкъ этмез.
- Эм ашхы къайын ана мамукъ бла башынгы тешер.
- Ёпкелегенни ашы татлы болады.
- Къонакъ болсанг, ийнакъ бол.
- Эринчекни аурууу – кёб.
- Аджал соруб келмез, келсе, къайтыб кетмез.
- Керек ташны ауурлугъу джокъ.
- Ач келгенни – тойдур, кеч келгенни – къондур.
- Къонагъы джокъну – шоху джокъ.
- Душманны тышы – акъ, ичи – къара.
- Тамбла алтындан бюгюн багъыр ашхы.
- Ариуну – ауруу кёб.
- Ёлюр джаннга, ёкюл джокъ.
- Билим насыб берир, билим джолну керир.
- Керти сёзге тёре джокъ.
- Мухар, кеси тойса да, кёзю тоймаз.
- Къанны къан бла джуума, аманны аман бла къуума.
- Бозанг болмагъан джерге, къалагъынгы сукъма.
- Зарда марда джокъ.
- Тулпарлыкъ, билекден тюл – джюрекден.
- Джауумдан сора, кюн кюйдюрюр, ётюрюкден сора, айыб кюйдюрюр.
- Итли къонакъ джарашмаз.
- Эки элинги тыйсанг, джети элде махталырса.
- Айран ичген – къутулду, джугъусун джалагъан – тутулду.
- Бети бедерден, намыс сакълама.
- Билген билмегенни юретген адетди.
- Таугъа чыгъаллыкъ эсенг, тюзде къалма.
- Кюн – узун, ёмюр – къысха.
- От кюйдюрген, сау болса да, тот кюйдюрген, сау болмаз.
Профиль
|
|
|
|||