- Чалманны аллы къалай башланса, арты да алай барады.
- Сескекли кесин билдирир.
- Абынмазлыкъ аякъ джокъ, джангылмазлыкъ джаякъ джокъ.
- Аман къатын сабий табса, бий болур…
- Бал – татлы, балдан да бала – татлы.
- Орну джокъну – сыйы джокъ.
- Малны кют, джерни тюрт.
- Ауурну тюбю бла, дженгилни башы бла джюрюген.
- Биреу ашаб къутулур, биреу джалаб тутулур.
- Джаш къарыу бла кючлю, къарт акъыл бла кючлю.
- Ёпкелегенни ашы татлы болады.
- Сабий кёргенин унутмаз.
- Джарлы тюеге минсе да, ит къабар.
- Ачыкъ джюрекге джол – ачыкъ.
- Къайгъыны сюйген, къайгъы табар.
- Тойгъан антын унутур.
- Адам туугъан джеринде, ит тойгъан джеринде.
- Бермеген къол, алмайды.
- Кюн – узун, ёмюр – къысха.
- Ётюрюкден тюбю джокъ, кёлтюрюрге джиби джокъ.
- Кютгени беш эчки, сызгъыргъаны уа, джерни джарады.
- Ашарыкъда сайлагъаннга – чий гырджын.
- Арыгъан къош чамчы болур.
- Аманны эки битли тону болур, бирин сеннге кийдирир, бирин кеси киер.
- Ашын ашагъанынгы, башын да сыйла.
- Сютден ауузу кюйген, суугъа юфгюре эди.
- Бал чибинни ургъаны – ачы, балы – татлы.
- Ауузу бла къуш тута айланады.
- Ашаса, ашамаса да, бёрюню ауузу – къан.
- Урама да – ёледи, сатама да – келеди.
- Къая джолда джортма, ачыкъ сёзден къоркъма.
- Дженгил джетерикме деб, узун джолну къоюб, къысхасын барма.
- Джашны джигитлиги сорулур, къызны джигерлиги сорулур.
- Экеулен сёлеше тура эселе, орталарына барыб кирме.
- Билим насыб берир, билим джолну керир.
- Бойнуму джети джерден кессенг да, мен ол ишни этеллик тюлме.
- Бети къызарыучу адамны, джюреги харам болмаз.
- Ат басханны джер билед.
- Чакъырылмагъан джерге барма, чакъырылгъан джерден къалма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Арбаз сайлама да, хоншу сайла.
- Ёлген эшек бёрюден къоркъмайды.
- Окъдан джара эртде-кеч болса да бителир, сёз джара, ёмюрге къалыр.
- Къыйынлы джети элни къайгъысын этер.
- Арпа, будай – ащды, алтын, кюмюш а – ташды.
- Адам боллукъ, атламындан белгили болур.
- Ачылгъан эт джабылыр, кёрген кёз унутмаз.
- Джаш болсун, къыз болсун, акъылы, саны тюз болсун.
- Айраннга суу къош, телиге джол бош.
- Кесинг сынамагъан затны, адамгъа буюрма.
Профиль
|
|
|
|||