- Бермеген къол, алмайды.
- Джаш болсун, къыз болсун, акъылы, саны тюз болсун.
- Аджашханны ызындагъы кёреди, джангылгъанны джанындагъы биледи.
- Эки итни арасына сюек атма, эки адамны арасында сёз чыгъарма.
- Мадар болса, къадар болур.
- Иши джокъну, сыйы джокъ.
- Хата – гитчеден.
- Ёлген эшек бёрюден къоркъмайды.
- Ариу сёзде ауруу джокъ.
- Сакъ юйюне сау барыр.
- Баланы адам этген анады.
- Хар сёзню орну барды.
- Шекер бла туз – бир болмаз, ушамагъан – юй болмаз.
- Билмегенинги, билгеннге сор.
- Тюзлюк тас болмайды.
- Баргъанынга кёре болур келгенинг.
- Эл тойса, тоймагъан, эл къойса, къоймагъан.
- Кёпюр салгъан кеси ётер, уру къазгъан кеси кетер.
- Джетген къыз джерли эшекни танымаз.
- Джюрекден джюрекге джол барды.
- Къалгъан ишге къар джауар.
- Ичимден чыкъды хата, къайры барайым сата?
- Кёзюнде тереги болгъан, чёбю болгъаннга кюле эди.
- Ашхылыкъ джерде джатмайды, аманлыкъ суугъа батмайды.
- Ата джурт – алтын бешик.
- Тура эдим джата, къайдан чыкъды хата?
- Акъдан къара болмаз.
- Аз сёлешген, къайгъысыз турур.
- Къонакъ аз олтурур, кёб сынар.
- Сабыр джетер муратха, сабырсыз къалыр уятха.
- Керти сёзге тёре джокъ.
- Къуллукъчума, деб махтанма, къуллукъ – хаух джамчыды!
- Битмегеннге сакъал – танг.
- Адам сёзюнден белгили.
- Этни да ашады, бетни да ашады.
- Ашын ашагъанынгы, башын да сыйла.
- Эл ауузу – элек, анга ийнаннган – халек.
- Арба аугъандан сора, джол кёргюзтюучю кёб болур.
- Эте билген, этген этеди, эте билмеген, юретген этеди!
- Джюз элде джюз ёгюзюм болгъандан эсе, джюз джууугъум болсун.
- Адам боллукъ, атламындан белгили болур.
- Нафысынгы айтханын этме, намысынгы айтханын эт.
- Ач бёрюге мекям джокъ.
- Джылыгъа джылан илешир.
- Шайтан алдады, тюзлюк къаргъады.
- Алтыда кюлмеген, алтмышда кюлмез.
- Бастасын ашагъан, хантусун да ичер.
- Джангызны оту джарыкъ джанмаз!
- Тойгъа барсанг, тоюб бар, эски тонунгу къоюб бар.
- Джумушакъ терекни къурт ашар.
Профиль
|
|
|
|||