Эльбрусоид :: Форум

Алгъанда – джууукъ, бергенде – джау.
Телиге акъыл салгъандан эсе, ёлгеннге джан салырса.
Тилчиден кери бол.
Этни бети бла шорпасы.
Хаухну атма, ёнгкючню сатма.
Тели турса – той бузар.
Иги джашны ышаны – аз сёлешиб, кёб тынгылар.
Джюрекге ариу – кёзге да ариу.
Болджал ишни бёрю ашар.
Иги бла джюрюсенг, джетерсе муратынга, аман бла джюрюсенг, къалырса уятха.
Аман хансны – урлугъу кёб.
Юй ишлеген балта эшикде къалыр.
Бет бетге къараса, бет да джерге къарар.
Эл ауузу – элия.
Малны кют, джерни тюрт.
Кёзден кетген, кёлден да кетеди.
Тойгъа алгъа да барма, тойда артха да къалма.
Хатерли къул болур.
Кёрмегеннге кебек – танг, битмегеннге сакъал – танг.
Акъыллы – эл иеси, тели – эл баласы.
Дууулдаса – бал чибин, къонса – къара чибин.
Айныгъанлы алты кюн, тогъайгъанлы тогъуз кюн.
Джыйырма къойну юч джыйырма эбзе кюте эди.
Таякъ этден ётер, тил сюекден ётер.
Ётюрюкден тюбю джокъ, кёлтюрюрге джиби джокъ.
Ашыкъгъан cуу, тенгизге джетмез.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Бойнуму джети джерден кессенг да, мен ол ишни этеллик тюлме.
Аз сёлешген, къайгъысыз турур.
Кёл ашады да, кеси ашады.
Тюзлюк тас болмайды.
Къая джолда джортма, ачыкъ сёзден къоркъма.
Ишлемеген – тишлемез.
Ашхы адам – халкъ байлыгъы, ашхы джер – джашау байлыгъы.
Башсыз урчукъ тюзюне айланмаз.
Окъугъан – асыу, окъумагъан – джарсыу.
Хар адамгъа кеси миннген тау кибик.
Баш – акъыл ючюн, акъылман – халкъ ючюн.
Чомарт къолда мал къалмаз.
Эр сокъур болсун, къатын тилсиз болсун.
Джаханимни кёрмей, джандетге кёл салмазса.
Айтхан сёзюне табылгъан.
Кёз – сюйген джерде, къол – ауругъан джерде.
Тёрдеги кюлсе, эшикдеги ышарыр.
Тынгылагъан тынгы бузар.
Окъугъан озар, окъумагъан тозар.
Айырылмаз джууугъунга, унутмаз сёзню айтма.
Джаным-тиним – окъуу, билим.
Аллахдан тилесенг, кёб тиле.
Оюмсуз атлагъан, аджалсыз ёлюр.

Логин:
Пароль:
	Запомнить меня на этом компьютере

Забыли свой пароль?
Регистрация