- Танг атмайма десе да, кюн къоярыкъ тюйюлдю.
- Аман эсирсе, юйюн ояр.
- Къонагъынгы артмагъын алма да, алгъышын ал.
- Джогъун бар этген, барын бал этген.
- Ойнай-ойнай кёз чыгъар.
- Биреу ашаб къутулур, биреу джалаб тутулур.
- Кёб ант этген, кёб ётюрюк айтыр.
- Къарт болгъан джерде, берекет болур, сабий болгъан джерде, оюн болур.
- Ашхы – джыяр, аман – джояр.
- Ач бёрюге мекям джокъ.
- Азыкъ аз болса, эртде орун сал.
- Махтаннган къыз, тойда джукълар.
- Айырылмаз джууугъунга, унутмаз сёзню айтма.
- Аманнга игилик этсенг, юйюнге сау бармазса.
- Джангыз торгъай джырламаз.
- Таш бла ургъанны, аш бла ур.
- Этни да ашады, бетни да ашады.
- Аман киши кеси юйюнде – къонакъ.
- Сабийни джумушха джибер да, ызындан бар.
- Аджал соруб келмез, келсе, къайтыб кетмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёл ашады да, кеси ашады.
- Экиндини кеч къылсанг, чабыб джетер ашхам.
- Айраннга суу къош, телиге джол бош.
- Адебни адебсизден юрен.
- Къарт айтханны этмеген, къартаймаз.
- Ким бла джюрюсенг, аны кёзю бла кёрюнюрсе.
- Ётген ёмюр – акъгъан суу.
- Сабий болмагъан джерде, мёлек болмаз.
- Сёз садакъдан кючлюдю.
- Чарсда алчыны эл кёреди.
- Билим къая тешер.
- Къонакъ хазыр болгъанлыкъгъа, къонакъбай хазыр тюлдю.
- Джумушакъ сёз къаты таякъны сындырыр.
- Ишин билген, аны сыйын чыгъарады.
- Аз айтсам, кёб ангылагъыз.
- Аш хазыр болса, иш харам болур.
- Ёлмесенг да, къарт дамы болмазса?
- Чакъырылмагъан къонакъ – орунсуз.
- Бермеген къол, алмайды.
- Ашхы адам – халкъ байлыгъы, ашхы джер – джашау байлыгъы.
- Тойгъанлыкъ къойгъа джарашады.
- Гыдай эчки суугъа къараб, мюйюзле кёрмесе, джашма алкъын, дегенди.
- Къайгъы тюбю – тенгиз.
- Ашыкъгъанны этеги бутуна чырмалыр.
- Ойнаб айтсанг да, эслеб айт.
- Аман адам элни бир-бирине джау этер.
- Башсыз урчукъ тюзюне айланмаз.
- Шекер бла туз – бир болмаз, ушамагъан – юй болмаз.
- Къалгъан ишге къар джауар.
Профиль
|
|
|
|||