- Атлыны кёрсе, джаяуну буту талыр.
- Илму – джашауну джолу.
- Уллу суу бла уллу ауруудан башынгы сакъла.
- Джарлы эскисин джамаса, къууаныр.
- Телиге от эт десенг, юйюнге от салыр.
- Арыгъан къош чамчы болур.
- Чабакъгъа акъыл, табагъа тюшсе келеди.
- Хар ишни да аллы къыйынды.
- Бет бетге къараса, бет да джерге къарар.
- Ашхы тенг джолгъа салыр, аман тенг джолдан тайдырыр.
- Акъыл бла адеб эгизледиле.
- Сибиртки да сыйлы болду, кюрек да кюнлю болду.
- Шайтан алдады, тюзлюк къаргъады.
- Сёз къанатсыз учар.
- Байлыкъ тауусулур, билим тауусулмаз.
- Ишлегенде эринме, ишде чолакъ кёрюнме.
- Билимден уллу байлыкъ джокъду.
- Къонакъ аз олтурур, кёб сынар.
- Хаухну атма, ёнгкючню сатма.
- Хантына кёре тузу, юйюне кёре къызы.
- Джукъу тёшек сайламайды.
- Огъурлуну сёзю – суу, огъурсузну сёзю – уу.
- Джаханимни кёрмей, джандетге кёл салмазса.
- Ауузу аманнга «иги», деме.
- Ариуну – ауруу кёб.
- Эки итни арасына сюек атма, эки адамны арасында сёз чыгъарма.
- Айныгъанлы алты кюн, тогъайгъанлы тогъуз кюн.
- Къазанчы аман болса, къазаны къайнамаз.
- Сормай – алма, чакъырылмай – барма.
- Уллу сёзде уят джокъ.
- Биреу ашаб къутулур, биреу джалаб тутулур.
- Ашхы адам – халкъ байлыгъы, ашхы джер – джашау байлыгъы.
- Тёзгеннге, джабылгъан эшик ачылыр.
- Адам туугъан джеринде, ит тойгъан джеринде.
- Джарашыу сюйген – джалынчакъ.
- Эки къатын алгъанны къулагъы тынгнгаймаз.
- Булут кёкге джарашыу, уят бетге джарашыу.
- Урунуу – насыбны анасы.
- Танг атмайма десе да, кюн къоярыкъ тюйюлдю.
- Иесиз малны бёрю ашар.
- Ашда уялгъан – мухар, ишде уялгъан – хомух.
- Кеси юйюмде мен да ханма.
- Уруну арты – къуру.
- Керек ташны ауурлугъу джокъ.
- Адамны адамлыгъы къыйынлыкъда айгъакъланады.
- Берекет берсин деген джерде, берекет болур.
- Ариу сёз аурууунгу алыр.
- Къалгъан ишге къар джауар.
- Къартха ушагъан джаш – акъыллы, джашха ушагъан къарт – тели.
- Сагъыш – къартлыкъгъа сюйюмчю.
Профиль
|
A.Shelyugov
 Эльбрусоид
Cообщений: 1
Баллов: 0
Регистрация: 08.07.2018
Последний визит: 13.08.2019 02:30:58
|
|
||||||
|
|
|
||||||