- Ётюрюкчюню шагъаты – къатында.
- Таякъ этден ётер, тил сюекден ётер.
- Аз айтсам, кёб ангылагъыз.
- Юре билмеген ит, къонакъ келтирир.
- Ёзденликни кёбю ётюрюк.
- Бети бедерден, намыс сакълама.
- Берекет берсин деген джерде, берекет болур.
- Элде адам къалмаса, ит тахтагъа минер.
- Джылар джаш, атасыны сакъалы бла ойнар.
- Бозанг болмагъан джерге, къалагъынгы сукъма.
- Чабакъсыз кёлге къармакъ салгъанлыкъгъа, чабакъ тутмазса.
- Айран ичген – къутулду, джугъусун джалагъан – тутулду.
- Бет бетге къараса, бет да джерге къарар.
- Арбаз къынгырды да, ийнек сауалмайма.
- Хата – гитчеден.
- Чарсда алчыны эл кёреди.
- Башланнган иш битер, къымылдагъан тиш тюшер.
- Аууздан келген, къолдан келсе, ким да патчах болур эди.
- Тюзлюк тас болмайды.
- Кийим тукъум сордурур.
- Аман киши кеси юйюнде – къонакъ.
- Къуру гыбыт бек дыгъырдар.
- Тамбла алтындан бюгюн багъыр ашхы.
- Гугук кесини атын айтыб къычыргъанча, мен, мен деб нек тураса?
- Айырылгъанланы айю ашар, бёлюннгенлени бёрю ашар.
- Билими азны – ауузунда кирит.
- Айтханы чапыракъдан ётмеген.
- Адамны аты башхача, акъылы да башхады.
- Иесиз малны бёрю ашар.
- Джашынгы кесинг юретмесенг, джашау юретир.
- Тюз сёз баргъан сууну тыяр.
- Джеринден айырылгъан – джети джылар, джуртундан айырылгъан – ёлгюнчю джылар.
- Айырылмаз джууугъунга, унутмаз сёзню айтма.
- Кёзню ачылгъаны – иги, ауузну джабылгъаны – иги.
- Эки къатын алгъан – эки ташны ортасына башын салгъан.
- Акъыл сабырлыкъ берир.
- Аманны къуугъан, аманлыкъ табар.
- Бир онгсуз адам адет чыгъарды, деб эштирик тюлсе.
- Тойчу джашха къарама, къойчу джашха къара.
- Иги бла джюрюсенг, джетерсе муратынга, аман бла джюрюсенг, къалырса уятха.
- Азыкълы ат арымаз, къатыны аман джарымаз.
- «Ма», - дегенни билмесенг, «бер», - дегенни билмезсе.
- Рысхы – насыбха къор.
- Ашхы атаны – джашы ашхы, ашхы ананы – къызы ашхы.
- Термилгенинги табмазса, кюлгенинге тюберсе.
- Ачлыкъ отха секиртир.
- Сабий кёргенин унутмаз.
- Шайтан алдады, тюзлюк къаргъады.
- Узун джолну барсанг, бюгюн келирсе, къысха джолну барсанг, тамбла келирсе.
- Ишге юренсин къоллары, халкъ бла болсун джоллары.
Профиль
|
|
|
|||